Obtén 366 votos no Colexio de Especialistas, a máis de 200 de UGT.Nas eleccións sindicais celebradas en Alcoa-San Cibrao os pasados días 11, 12 e 13 de decembro, a CIG acadou o respaldo de 366 traballadores/as, no Colexio de Especialistas e Non Cualificados, consolidándose como primeira forza cun total de 8 delegados, un máis que nas pasadas eleccións sindicais. A seguinte organización sindical, UGT, obtivo 163 votos e CCOO 132.
A sección sindical da CIG de Alcoa valora moi positivamente estes resultados e manifesta o seu agradecemento polo respaldo manifestado polos traballadores ás políticas defendidas durante este período polos representantes da Confederación Intersindical Galega.
