Primeira xuntanza do Comité de Empresa para acordar a plataforma de negociación

Este mércores dia 12 tivo lugar a xuntanza do Comité de Empresa no que se tratou a plataforma do convenio, nel se acordou grande parte do convenio a nivel xeral e se marcaron as trazas para que o próximo mércores dia 19 de Novembro se acorde unha proposta unitaria de negociación para o Convenio Colectivo

Dende a CIG queremos salientar o clima de unidade e predisposición por parte de todas as centrais sindicais e de todos os delegados para acordar esta proposta única que sairá como todo fai ver nos próximos dias.

Cando esta proposta sexa acordada e aprobada polos traballadores será convocada unha plataforma da empresa para que expoña a súa proposta e así ter un punto de partida as negociacións para o novo Convenio Colectivo.

De momento podemos dicir que como xa era previsible a unidade Sindical está a ser total y os resgos xerais das propostas de cada central sindical bastante coincidentes con diferencias en frecos que son de fácil resolución grazas a actitude de todos os compoñentes do comité de Empresa, un bo comezo a negociación colectiva que agardamos que se traduza en un final curto e beneficioso para os traballadores de EMESA.

A CIG mobilízase en toda a Galiza en demanda de medidas para enfrontar a crise económica

"Estamos aquí para exixir responsabilidades políticas a aqueles que defenderon e xustificaron este modelo económico baseado na especulación, á marxe da economía real, que permitiu aos especuladores amasar grandes fortunas e para denunciar as medidas que están a adoptar os gobernos, pondo nas súas mans millóns de euros dos fondos públicos que despois van financiarse a custo da clase traballadora vía impostos, recortes do gasto social e perda de poder adquisitivo dos salarios".

Así resumía o secretario xeral da CIG, Suso Seixo, as razóns que levaron ao sindicato a convocar este xoves mobilizacións en toda Galiza, ao comezo da súa intervención na manifestación central, que tivo lugar en Vigo, cunha participación de máis de 4.000 persoas e que chegou a xuntar a 15.000 en toda Galiza.

Unha intervención na que Seixo aproveitou para demandar a adopción de medidas estruturais "contrarias ao que viñan sendo as políticas neoliberais", nomeadamente a supresión dos paraísos fiscais, a defensa dun sistema fiscal progresivo, a demanda dun incremento dos impostos ao capital, da nacionalización da banca e do sector enerxético, do cambio do actual modelo produtivo por outro "sostíbel do punto de vista ambiental e social" que garanta condicións de traballo dignas e que inclúa ademais fortes investimentos públicos en gasto social e economía produtiva.

Crise do modelo capitalista

O secretario xeral salientou ademais que para a CIG a actual crise financeira é só a punta do iceberg dunha crise económica máis profunda, que afecta ás bases do sistema capitalista. "Unha crise de sobreprodución e de estancamento económico que se ven dando desde principios dos anos 70. Unha crise que o capital pretende superar mediante políticas liberalizadoras, desregulando o mercado laboral, os movementos de capitais ou comercio mundial, privatizando os servizos públicos e o sistema de protección social ou fomentando a economía especulativa".

Aposta por outra modelo socioeconómico

Por iso a CIG, con estas mobilizacións, tamén denunciou que o actual modelo económico "non é", en palabras de Seixo, "o que necesita a clase traballadora e a grande maioría da poboación". A central sindical aposta por un outro modelo que poña a economía ao servizo da mellora das condicións de vida de toda a poboación e non só duns poucos. "Temos que loitar por un sistema que garanta un reparto da riqueza máis xusto e igualitario. Un sistema no que as relacións entre as nacións soberanas se estabeleza de forma pacífica e en pé de igualdade. Temos que aproveitar este momento para sentar as bases para camiñar cara o socialismo do século XIX", insistiu o secretario xeral.

Loita pola soberanía política

Xunto a iso fixo un chamamento a loitar por conquistar cotas reais de soberanía política que posibiliten que Galiza conte con mecanismos propios para afrontar esta crise pensando nos intereses e no que é máis beneficioso para as clases populares galegas."Temos que organizarnos e mobilizarnos, exixir cambios estruturais profundos. Se mantemos unha actitude pasiva o capital vai procurar superar a crise incidindo nas mesmas políticas ou moi similares ás que ven promovendo até o de agora", concluíu o secretario xeral.

A Coruña

A marcha da Coruña partiu contra as 20:15 da praza da Palloza e rematou 45 minutos máis tarde na Delegación do Goberno español, na praza de Ourense. Por volta de 2.000 persoas secundaron a manifestación na cidade herculina. Paulo Carril, secretario comarcal, foi o encargado intervir ao remate do acto.

Carril reprochoulles á Xunta e ao Goberno do Estado a falta de vontade política para preservar o emprego na Coruña e na súa área de influencia. Citou os casos de Martinsa-Fadesa e o máis recente de Atento. Mentres, a Consellaría de Pesca e a Autoridade Portuaria dedícanse a subvencionar un grupo como Correa-Kessler, que botou 40 traballadores dunha das súas empresas, Elcesa, que agora se encontra en concurso de acredores. Ademais, arredor de 30 obreiros que traballan na construción da Estación Depuradora de Augas Residuais (EDAR) de Bens foron despedidos días atrás e oito máis foron botados na UTE-Langosteira.

Ler o artigo completo en AVANTAR

O Comité de Empresa chega a un acordo coa empresa no tema do calendario laboral

Preme na imaxe para facer mais grande o comunicado.

A CIG convoca o 6 de novembro folga no Metal do convenio provincial de Pontevedra contra a represión sindical e a precariedade

Nunha rolda de prensa, celebrada o venres 31 de outubro no local sindical da CIG de Vigo, deuse a coñecer a convocatoria de folga para todos aqueles traballadores aos que se lles aplique o convenio provincial do Metal de Pontevedra. Estes máis de 22.000 traballadores están chamados á folga contra a represión sindical, xa que nesa data van ser xulgados catro traballadores do Metal, que no 2007 estiveron case quince días en folga para que se cumprira o convenio. A Fiscalía solicita catro anos de cárcere para estes catro folguistas. Ademais con esta folga, a CIG tamén quere denunciar a situación de precariedade que continúa a existir no sector.
Rolda de prensa .
Xosé Emilio Pérez, integrante da coordenadora do Naval, Roxelio Veiga, membro da Executiva comarcal, e Henrique Pérez, secretario comarcal da CIG-Metal.

Henrique Pérez, secretario comarcal da CIG Metal, salientou que as tres centrais sindicais (CIG, CCOO e UGT) teñen un diagnóstico común das orixes desta convocatoria da folga, mais o "que nos diferencia é a magnitude que pensamos que ten que ter e a contundencia da resposta que pensamos se debe dar neste caso". Así, desde a CIG, "entendemos que esta ten que ser unha folga que afecte a todas as persoas afectadas polo convenio provincial do Metal da provincia de Pontevedra, porque foi pola defensa deste convenio polo que son xulgados estes catro traballadores, e por iso estamos aquí".

Medre continuado da precariedade

Ademais, Pérez destacou que "as razóns xa veñen aniñando no sector desde hai tempo, xa que despois de ter asinado o convenio, lembremos que o ano pasado tivemos que volver sair ás rúas polo cumprimento deste convenio, e desde hai uns meses para acá vimos denunciando o medre continuado da precariedade no sector".

En canto á precariedade, o secretario comarcal da CIG Metal destacou que "observamos que hai empresas que non cumpren co establecido no convenio no seu artigo oitavo que fala da contratación, do pase de eventual a fixo, e é que aínda quedan empresas que non cumpren o establecido no convenio, que fixa nun 55% a porcentaxe de traballadores fixos. Esta foi unha das razóns que nos levou a ter un convenio bastante tenso na súa negociación no ano 2006, e atopámonos tamén agora cunha situación de novo tensa, e é que na actualidade hai unha presenza importante de empresas estranxeiras, que cubrindo as formalidades legais, teñen ao seu persoal en situación ilegal, porque as súas condicións económicas e sociais que fixa o convenio provincial do Metal de Pontevedra non son respeitadas, é dicir, que nin están a percibir as retribucións que lles corresponden nin tan sequera os dereitos sociais que teñen pola aplicación deste marco laboral no que traballan".

Apoio unánime aos compañeiros que van ser xulgados

"Facemos esta folga porque o día 6 van xulgar a catro compañeiros que son precisamente xulgados pola súa participación na folga no ano 2007, que se realizou para esixir que se cumprira o convenio asinado o ano anterior. Por isto, todos, incluídos os demais sindicatos con independencia de formalidade en canto a convocatoria, coincidimos no apoio a estes compañeiros, que van ser xulgados como consecuencia desa loita que non se debeu dar se os que asinaron o convenio o respeitaran", subliñou Pérez.

6 de novembro, xornada de loita no sector do metal

Apoiado nestas razóns, Pérez amosou "a nosa solidariedade para con eles, porque esa situación non se debeu dar hai un ano, porque ademais é que xa vemos como hoxe continúan estas situacións de precariedade. Eliximos o día 6 como unha xornada de loita do sector para que estes traballadores non sexan condenados e para denunciar a situación que continúa a vivir o sector".

Por último, sobre a petición de catro anos de cadea, o secretario comarcal do Metal manifestou que "son palabras maiores, e cremos que quen tiña que estar sentado nese xuízo son os empresarios que non cumpriron o convenio e que obrigaron aos traballadores a mobilizarse na defensa do acordado".

EN DEFENSA DOS INTERESES DA CLASE TRABALLADORA GALEGA A CRISE QUE A PAGUE O CAPITAL

Estamos asistindo nas últimas semanas a unha carreira á desesperada, por parte de EEUU e de varios Estados europeos, entre eles o español, por intentar salvar un sistema financeiro especulativo que se lles vén abaixo, recorrendo para isto a inxectar no sistema financeiro cantidades de milleiros de millóns de euros, supostamente para “salvar a economía de todos”. Ante a utilización desta cantidade tan enorme de fondos públicos, os cidadáns de a pé, a clase traballadora, cómpre que reaccionemos e nos fagamos varias preguntas:
Son xustas estas medidas? NON. Non podemos aceptar, por inxusto e abusivo, que os recursos públicos, o recadado cos impostos pagados por todos e todas nós, sexan utilizados polos gobernos para tapar o buraco negro, de milleiros de millóns de euros, provocado por un sistema financeiro especulativo que permitiu amasar grandes fortunas a banqueiros e promotores inmobiliarios. Mentres isto acontece, eles teñen as súas fortunas bes resgardas. Existen responsábeis desta crise? SI. Os oligarcas e as forzas políticas (no caso do Estado español, o PP e o PSOE ) que xustificaron e defenderon durante todos estes anos este modelo de capitalismo neoliberal que, entre outras medidas, promoveu un sistema financeiro desregulado que impón as regras de xogo da economía a nivel mundial, xerando burbullas especulativas cos prezos da vivenda, da enerxía ou dos cereais, posibilitando a acumulación da riqueza nuns poucos a custa do endebedamento, redución da capacidade de compra das familias e miseria en amplos sectores da poboación. Teñen consecuencias graves estas medidas para a clase traballadora? SI. O endebedamento dos Estados que esta achega de recursos públicos ao sector financeiro vai supor, ha traer consigo: recorte do gasto público en servizos sociais, ensino, sanidade, pensións, infraestruturas, etc., incremento dos impostos indirectos, inflación, recorte dos salarios... En definitiva, empobrecemento da clase traballadora e incremento das desigualdades sociais. Son posíbeis e necesarias outras medidas? SI. Non podemos meter millóns de euros do erario público nas mans daqueles que son os responsábeis da actual crise, para que sigan especulando con eles nos mercados financeiros e ampliando as súas grandes fortunas. HAI QUE NACIONALIZAR TODO O SECTOR FINANCEIRO e levar adiante unha xestión pública dos bancos, como única garantía de que o sistema financeiro estea realmente ao servizo do sector produtivo, do crecemento da economía real, e non ao servizo do lucro duns poucos como está a suceder na actualidade.

Non nos resignemos, mobilicémonos. Non aceptemos unhas medidas que pretenden que esta crise económica a paguemos, coma sempre, os traballadores e traballadoras, mentres os culpábeis da mesma seguen a incrementar o seu patrimonio persoal. Defendamos un sistema socioeconómico que socialice as ganancias e non só as perdas. PSOE e PP culpábeis.

Galiza, outubro de 2008

“ Por un novo modelo económico e social, a crise que a pague o capital”

A CIG vén de pór en marcha unha campaña para denunciar aos responsábeis da actual situación de crise económica e repercusións que terán, para a clase traballadora, as medidas adoptadas até o de agora polos distintos gobernos. Unha campaña na que se demandará que se poñan as bases para desenvolver un novo modelo socioeconómico e que se adopten medidas para que a crise a paguen os que a provocaron e non a maioría social. As asembleas en empresas e a campaña de sensibilización culminará con manifestacións, en todas as cidades de Galiza, o próximo día 13 de novembro.

A campaña da CIG vén desenvolvéndose durante todo este mes e continuará a comezos de novembro con asembleas de traballadores nas empresas e cunha campaña de sensibilización social e de denuncia deste modelo socioeconómico, que non responde aos intereses da grande maioría social, que é a clase traballadora, para concienciar a traballadoras e traballadores da necesidade de mudar o actual sistema socioeconómico por outro máis xusto que, en ningún caso está representado polo capitalismo neoliberal.

A campaña desenvólvese, nesa primeira etapa, baixo os lemas “Por un novo modelo económico e social, a crise que a pague o capital” e “Coa CIG, en defensa de Galiza e da clase traballadora”.

Manifestacións en todas as comarcas

A Mariña: Saída ás 19:30 da Praza Maior de Viveiro

A Coruña: Saída ás 20:00 horas da Praza da Palloza.

Ferrol: Saída ás 19:30 da Avenida de Esteiro, diante do sindicato.

Lugo: Saída ás 20:00 h da Ronda da Muralla, diante do sindicato.

Ourense: Saída, ás 20:00 h do pavillón.

Pontevedra: Saída ás 20:30 h da Praza da ferrería.

Santiago: Saída ás 20:00 h da Praza Roxa.

Vigo: Saída ás 20:00 da Vía Norte.

Rolda prensa crise económica 21/10/08 Suso Seixo

O capitalismo neoliberal e as organizacións políticas que fomentaron a súa implantación son, segundo explicou o secretario xeral da CIG, Suso Seixo, os principais responsábeis da actual situación de crise económica.

Unha crise que se quere presentar como financeira pero que Seixo alertou que se trata dunha crise económica real, tal e como constatan datos como o incremento do número de empresas pechadas no que vai de ano respecto de períodos anteriores, ou a crise de sobreprodución que xa se comeza a manifestar.

Partindo desta diagnose a CIG vén de analizar a situación xerada, as repercusións que xa está a ter para a clase traballadora, as medidas que desde os gobernos se están a pór en marcha e as medidas que se deberían aplicar.

Segundo explicou Seixo, para a CIG é “tremendamente escandalosa a expropiación que están facendo os gobernos aos traballadores, de recursos públicos que se obteñen dos impostos directos e indirectos, que pagamos a grande maioría da poboación para agora salvar un sistema financeiro que é o causante desta grave situación de crise que estamos a padecer”.

A CIG considera inadmisíbel que se estean a pór grandes cantidades de recursos públicos en mans dos mesmos que provocaron a crise para que sigan especulando na bolsa e que se favoreza aínda máis a concentración no sector bancario no canto de destinar eses cartos a reforzar e fomentar a economía produtiva. “É un atentado que debería estar tipificado como delicto contra a clase traballadora”.

Nacionalización da banca

Fronte á decisión adoptada polo goberno español de desviar cartos públicos para soster ás entidades financeiras e reproducir o actual sistema, a CIG propón a nacionalización da banca “porque a única garantía de que eses recursos vaian ao sector produtivo é que haxa un control público da xestión”.

Porén a CIG é consciente de que a Xunta de Galiza non ten capacidade para condicionar esa decisión, pero si para crear un Banco Público Galego que permitira canalizar os recursos públicos cara o sector produtivo e cara á protección das economías familiares.

Para a CIG é imprescindíbel tamén que se adopten medidas que favorezan a recuperación do poder adquisitivo dos salarios para que as familias poidan facer fronte ao endebedamento. “Grande parte do problema da sobreprodución vén derivado de que nos últimos tempos o que se fixo foi fomentar a perda de capacidade adquisitiva dos salarios e, polo tato, fomentouse o consumo a base de crédito, polo que a maioría das familias se endebedaron. Ao estar agora as liñas de crédito cortadas as familias perderon a capacidade de consumo e hai sobreprodución. Hai que garantir a capacidade adquisitiva das familias e, pouco a pouco ir mudando este modelo produtivo”, explica Seixo.

Os orzamentos da Xunta

Para a CIG os orzamentos da Xunta son pouco ambiciosos e pouco expansivos e deberían ir a un déficit maior. A previsión é dun máximo do 1% do PIB e “habería que endebedarse máis para fomentar a economía produtiva e contrarrestar a falta de investimento privado facilitando o acceso ao crédito para a pequena e mediana empresa, fomentar o emprego público e, ademais, o crecemento de sectores tan importantes como a Sanidade e o Ensino, para os que estes presupostos prevén un incremento por debaixo do que vai ser o IPC a final de ano”.

Contrarreforma fiscal

A CIG aposta tamén por unha contrarreforma do sistema de fiscalización. Nos últimos anos derivouse cara un modelo de fiscalidade claramente regresivo, incrementando os impostos indirectos, que son os que pagamos todos independentemente dos ingresos, fronte aos directos.

A CIG defende recuperar a progresividade do sistema fiscal e que se eliminen os impostos indirectos sobre aqueles produtos básicos que consumen maioritariamente as familias incrementando, pola contra, os dos produtos de luxo.

Xunto a isto, exixe que se persiga a fraude fiscal e que se remate cos paraísos fiscais, onde as multinacionais e as grandes fortunas evaden impostos para incrementar así os recursos públicos.

A Información Precisa voceiro nº6 da CIG (outubro)

Páxina 1 ----------- Páxina 2 ------------- Páxina 3 ----------- Páxina 4

Páxina 5 ----------- Páxina 6 ------------- Páxina 7 ----------- Páxina 8

Fai clic en cada unha das imaxes para facelas máis grandes

Descargao en PDF premendo aquí

A CIG se manifesta por toda Galiza contra a directiva da Unión Europea das 65 horas semanais

Podes ler tamén :
"Delegados e Delegadas da CIG mobilizanse en toda Galiza contra a xornada de 65 horas"
(en Avantar xornal dixital da CIG)

A CIG de EMESA asistiu a concentración do dia 7 na Coruña contra as 65 horas

Hoxe tivo lugar a concentración contra a directiva das 65 horas da Unión Europea que contou con unha representación de traballadores de EMESA que asistiron diante da Delegación de Goberno para manifestarse contra desta directiva.

Estas concentracións se repetiron por parte da CIG en A Mariña, Ferrol, Lugo, Ourense, Pontevedra, Santiago e Ourense, no caso de Vigo tivo lugar unha masiva manifestación que partiu do pabillón do Berbés.

Con elas escomezan as mobilizacións que levará a cabo a Confederación e que tivo como lema, “Contra a ampliación da xornada laboral, non a destrución dos nosos dereitos”.

Fotos da Concentración que tivo lugar en A Coruña e de Paulo Carril (Secretario Comarcal da CIG)

Alfredo Bocija (Secretario Comarcal do Metal de A Coruña) e Algún dos compañeiros que se achegaron a concentración

Fotos da Concentración de Compostela e da manifestación de Vigo

Podes ler tamén :
"Delegados e Delegadas da CIG mobilizanse en toda Galiza contra a xornada de 65 horas"
(en Avantar xornal dixital da CIG)

Asemblea de delegados na Coruña serve de preámbulo á campaña nacional contra as 65 horas

A asemblea de delegados da Coruña do 1 de outubro, celebrada nun ateigado salón de actos do Edificio Sindical, xirou en torno á campaña nacional que está a emprender o sindicato contra a Directiva de Tempo de Traballo, coñecida popularmente como a Directiva das 65 horas.
Asemblea Coruña 1 Outubro

As primeiras concentracións da CIG hanse celebrar o 7 de outubro en todas as cidades do país, amais de en Cervo (A Mariña). Na Coruña realizarase ás 12:00 horas diante da Subdelegación do Goberno español, na avenida da Mariña, 23, tal como informou o secretario comarcal, Paulo Carril, que estivo acompañado na asemblea por Luís Burgos, membro do Gabinete Técnico da central.

En breves trazos, a Directiva de Tempo de Traballo, que foi acordada polos Ministros de Emprego da UE o 11 de xuño a falta da súa aprobación definitiva polo Parlamento europeo, permitirá poder traballar como máximo unha xornada semanal de até 65 horas con carácter flexíbel que se regularizará por exceso ou defecto cada tres meses. A norma non fixa o tempo de descanso entre xornadas laborais, nin límite de horas de traballo no ano. O que se traballe de máis nunhas semanas, traballarase supostamente de menos nas outras.

A Directiva estabelece para determinados sectores de Servizos que o período inactivo de traballo no que non se preste unha atención continuada non se considere tempo de traballo, como por exemplo, durante unha garda médica o tempo no que non hai pacientes, ou nos tempos de espera entre servizos para os condutores de autobús.

A norma tamén estabelece a posibilidade de que, na sinatura do contrato, o traballador poida "aceptar voluntariamente", de xeito individual e con independencia do regulado no convenio, traballar a xornada de 65 horas.

En defensa da exclusividade na Sanidade pública

Moncho Veras, en representación da Agrupación Médica da CIG-Saúde, tamén interveu na asemblea para concienciar da importancia de reforzar a exclusividade dos médicos do SERGAS co obxecto de defender a Sanidade pública, fronte aos intentos dos sindicatos corporativos por acabar cos incentivos económicos para traballar só no sector público. Actualmente, o 80% dos médicos dos hospitais do SERGAS goza da exclusividade, mais esta porcentaxe redúcese considerabelmente en especialidades como a anestesia e a cirurxía, onde os facultativos optan por traballar simultaneamente no sector público e privado.

Suso Seixo, secretario xeral da central, que clausurou a asemblea, felicitou a CIG-Saúde por esta campaña en defensa da Sanidade pública e avogou por estendela ao conxunto da Confederación.

A CIG di NON á Directiva das 65 horas

A CIG vén de convocar concentracións simultáneas en todas as comarcas de Galiza para o día 7 de outubro, para denunciar a grave perda de dereitos que suporá para a clase traballadora a ratificación, por parte do Parlamento Europeo, das modificacións introducidas na Directiva de Tempo de Traballo. Unhas modificacións que contemplan, entre outros aspectos, a xeneralización da posibilidade de ampliar a duración máxima da xornada laboral até as 65 horas semanais ou a relaxación na obriga empresarial de compensar con descansos o traballo realizado a maiores.

O pasado 11 de xuño, o Consello de Emprego, formado polos Ministros de Traballo de cada un dos Estados que integran a UE, aprobou por maioría a chamada DIRECTIVA DE TEMPO DE TRABALLO que pretende:

1. Poder traballar, como máximo, unha xornada semanal de até 65 horas, con carácter flexíbel, que se regularizará por exceso ou defecto cada tres meses; sen fixar o tempo de descanso entre xornadas laborais, nin límite de horas de traballo ao ano. O que se traballe de máis nunhas semanas, traballarase, supostamente, de menos nas outras.
2. A Directiva estabelece para determinados sectores de servizos, como pode ser a Sanidade, Vixilancia e Seguridade, Condutores de Transporte Público ou Privado... etc, que o período inactivo de traballo que non se preste unha atención continuada non se considere tempo de traballo, por exemplo, durante unha garda médica o tempo que non hai pacientes, ou nos tempos de espera entre servizos para os condutores de autobús.
3. Estabelécese a posibilidade de que na sinatura do contrato o traballador ou traballadora pode “voluntariamente” de xeito individual e con independencia do regulado en Convenio, aceptar a xornada de 65 horas. Eles saben perfectamente que a chantaxe dos empresarios será condicionar a sinatura do contrato a que se acepte a ampliación da xornada.

No Estado Español, a xornada máxima de 40 horas semanais está acordada desde o ano 1979, pero a involución do capitalismo máis salvaxe que domina Europa quere facernos retroceder 200 anos. Queren facernos traballar máis horas e máis barato, evitarán as horas extra e os pluses para os que traballan en fin de semana ou festivos.

Esta Directiva será debatida para a súa aprobación nos próximos meses no Parlamento Europeo, onde a dereita neoliberal ten maioría, polo que parece probábel a súa aprobación antes do mes de decembro. Unha vez aprobada, cada Estado debe adaptar esta norma á súa propia lexislación nun determinado prazo.

Como podemos ver, a Europa que se constrúe non protexe o mundo do traballo nin á clase traballadora. Esta é unha Europa neoliberal que non ten reparos en gastar miles de millóns de euros de diñeiro público de todos os Estados a través do Banco central Europeo, para pagar nesta crise, o despilfarro, a especulación financeira dos bancos e das inmensas fortunas, que agora socializan as perdas pero antes non socializaron as inmensas ganancias. Co noso diñeiro pagan as consecuencias da súa avaricia e logo nos dirán que temos que reducir as pensións, as prestacións por desemprego, a sanidade...

Mobilízate coa CIG o día 7 de outubro

CONCENTRACIÓNS

A Mariña: Ás 11:00 horas no concello de Cervo.

A Coruña: Ás 12:00 horas, diante da Subdelegación do Goberno

Ferrol: Ás 12:00 horas diante do edificio da Xunta de Galiza na Praza de España.

Lugo: Ás 12:30 horas diante da Subdelegación do Goberno.

Ourense: Ás 11:30 diante do edificio sindical

Pontevedra: Ás 12:30 horas diante da Subdelegación do Goberno.

Santiago: Ás 12:30 h na Praza de Galiza.

Vigo: Ás 12:00 horas, saída de diante do pavillón do Berbés.

Condicions de acceso a xubilación parcial dende o 1 de xaneiro do 2008

Nestes intres o conxunto dos traballadores tiñades unhas condicións para acceder á xubilación parcial que a partir do 1 de xaneiro do 2008 se modifican, por medio da lei 40/2007.

Como queda a xubilación parcial a partir de primeiro do ano?

Requisitos para acceder á xubilación parcial:

1 ° ter cumprido 61 anos de idade ou 60 anos se se tivese direito á xubilación anticipada, é dicer, ser cotizante antes do 1967.
A este requisito establecen un periodo transitorio:

Durante 2008: 60 anos
Durante 2009: 60 anos e 2 meses
Durante 2010: 60 anos e 4 meses
Durante 2011: 60 anos e 6 meses
Durante 2012: 60 anos e 8 meses
Durante 2013: 60 anos e 10 meses
A partir do 2014: aos 61 anos.

Nembargantes, se no momento de xubilar-se se acreditan 6 anos de antiguedade na empresa e 30 anos de cotización, se poderá acceder até o 2012 aos 60 anos sempre e cando o traballador que se contrate de relevo sexa indefinido.

2° Acreditar un periodo de antiguedade na empresa de ao menos 6 anos, co seguinte periodo
transitorio:

Durante o 2008: 2 anos
Durante o 2009: 3 anos
Durante o 2010: 4 anos
Durante o 2011: 5 anos
A partir do 2012: 6 anos

3° A redución de xomada sera entre un 25 e un 75%, sempre que non concurran as condicións descritas no ponto primeiro (6 anos de antiguedade e 30 anos cotizados e se contrate a un traballador de relevo con contrato indefinido) que será do 85%. Tamén neste ponto hai un periodo transitorio:

Durante o 2008: 85%
Durante o 2009: 82%
Durante o 2010: 80%
Durante o 2011: 78%
A partir do 2012: 75%

4 ° Acreditar un periodo de cotización de 30 anos, tendo en canta neste computo os periodos
correspondentes ás pagas extraordinari as, co seguinte periodo transitorio:

Durante o ano 2008: 18 anos
Durante o ano 2009: 21 anos
Durante o ano 2010: 24 anos.
Durante o ano 2011: 27 anos
A partir do ano 2012: 30 anos

5° Que o pasto de traballo que vaia cubrir o traballador relevista sexa o mesmo ou semellante ao do xubilado Oil ten que exista unha correspondencia entre as bases de cotización de ambos os dous traballadores (nunca menor do 65%)

6° Que o traballador relevista sexa contratado por un tempo igual que o que lle queda ao traballador xubilado para xubilar-se totalmente.

O traballo a quendas e o nocturno elevan o risco de sufrir un accidente ou unha enfermidade laboral

Os traballadores por quendas e os que traballan de noite teñen máis risco de sufrir un accidente ou unha enfermidade profesional, segundo os últimos estudos científicos do Instituto de Seguridade e Saúde Ocupacional (NIOSH) de Estados Unidos.

O traballo a quendas e o nocturno elevan o cansazo e multiplican os riscos de accidentes de traballo. «A miúdo, os traballadores por quendas e os traballadores de noite están cansados por causa do seu calendario de traballo. é difícil concentrarse cando unha persoa está demasiado canso e iso aumenta a posibilidade de erros ou accidentes. A tensión do traballo por quendas tamén pode agravar as afeccións de saúde, como as enfermidades do corazón e as afeccións dixestivas», segundo indica ese organismo estadounidense, un dos máis avanzados en materia de seguridade e saúde no traballo, que lamenta que un efecto negativo importante prodúcese pola mala distribución do calendario de traballo.

Entre os efectos inmediatos que provoca o traballo a quendas, atópase o sono. «Pouco despois de empezar co traballo de quendas, nótanse cambios no sono. Normalmente os traballadores de noite dormen menos; os que traballan pola tarde, máis e os que traballan de día dormen un número media de horas», segundo indica NIOSH. Neste senso, lembra que os ritmos vitais de cada persoa están precisamente espertos, xusto no momento en que os traballadores das quendas de noite teñen que durmir para descansar algo.

«O sono de día é máis lixeiro que o de noite, o que quere dicier que a persoa se esperta con máis frecuencia e non descansa en niveis adecuados», di o estudo. Os efectos directos indican que «coa perda de sono, o traballador pódese quedar durmido en momentos inapropiados, o que impide ao traballador facer a súa tarefa de forma segura e eficaz». Unha persoa que non descansa de forma adecuada sofre máis cansazo. Ese feito no posto de traballo é un problema engadido, «xa que afecta á capacidade de concentración. Non se presta a atención adecuada e, por tanto, pódese ter un accidente de traballo con maior facilidade». O estudo confirma, doutra banda, que tras unha perda de sono «é posible ter períodos breves de sono que duran varios segundos. Se pasa algo perigoso, o traballador pódese lesionar».

Ademais, algunhas investigacións que cita o NIOSH mostran que os traballadores por quendas teñen máis problemas de estómago, estreñimiento e úlceras estomacais que os traballadores que realizan o seu traballo durante o día. Por ese motivo, os estudos médicos aconsellan unha boa alimentación para conseguir que eses efectos negativos sobre o aparello dixestivo póidanse paliar.

Outro efecto negativo do traballo a quendas ten que ver cun notable incremento das enfermidades do corazón. «Notouse máis presencia de enfermidades cardiovasculares entre traballadores que realizan a xornada a quendas, que entre quen só o fan de día», constatan os estudos.

Melloras a desenvolver

O estudo considera que a principal medida para mellorar a saúde do traballador que o fai a quendas é «plantexar un calendario adecuado de traballo». Recoñece que «non é fácil», pero se pode chegar a acordos «para que o resultado do traballo sexa mellor, porque quen o realizan manteñen os ritmos vitais adecuados e non se atopan nin fatigados nin esnaquizados por ese cambio continuo dos ritmos de vida».

Os traballadores deben ter en conta que as condicións de traballo deben ser sempre seguras e é o empresario quen debe pór os medios adecuados.

CALENDARIO LABORAL 2010

Calendario Laboral 2011

CALENDARIO CIG EMESA

Calendario Laboral 2010

Cal End a Rio

Guias Tecnicas do INSHT

Preme na portada de calquera das guias tecnicas do INSHT para acceder a mesma en PDF

A CIG responde

Aínda que algúns pretendan facernos crer que a CIG leva xa moito tempo a levar o Comité de Empresa, como todos sabedes estamos no mesmo dende o 16 de xuño de este ano o que veñen a ser 3 meses de traballo nos que a CIG deu contada información tanto nos seus voceiros como no seu espazo en internet do traballo que estaba e está a realizar .

Nestes tres meses se presentaron ante os traballadores tres actas de reunión do Comité de Empresa e unha de reunión coa Dirección da Empresa, resolveuse un conflito no que reclamabamos a readmisión dos compañeiros despedidos ate xuño de este ano por causa da baixa da produción na sección de estrutura, acadando que estes estean a ser chamados por parte da empresa para a posibilidade de reincorporarse a traballar na mesma así como unha desculpa por parte da dirección da empresa pola mala xestión do tema das vacacións e as quendas de traballo do mes de agosto.

No noso traballo diario pretendemos ter comprida información sobre todos os temas que afectan os traballadores de EMESA, para elo precisamos da colaboración de todos os traballadores e escoitamos a todos os traballadores para na medida do posíbel solventar as súas dúbidas sobre os temas que tratamos habitualmente así como as dubidas que poidan ter sobre os seus dereitos.

Apesares de este traballo que desenvolvamos estes meses hai determinados suxeitos que teñen como único obxectivo minar o criterio dos traballadores pretendendo que o ambiente de traballo da empresa se converta en irrespirable con metiras e bulos que o único que acadan e complicar este traballo que cada dia podemos facer por todos.

Os delegados de traballadores así como a representación sindical de estes tentan preparase da mellor forma posible para poder defender os vosos dereitos para elo tentamos asistir a cursos impartidos na CIG especialmente orientados a elo así como
en consultar no sindicato todas as dubidas que nos plantexades.
No que concirne a os cambios que na empresa se fixeron dende principios de ano evidentemente non estamos de acordo con grande parte deles, pero como sindicato a nosa labor se limita a defender que os dereitos dos traballadores sexan respetados e nese aspecto podemos dicir que determinados cambios na empresa viñeron a traer mais igualdade no que concirne ao trato que os traballadores reciben por parte da empresa eliminando parte dos privilexios que uns poucos tiñan sobre o xeral da plantilla de traballadores da empresa, isto causa que este insignificante grupo tente na medida do posible creando malestar entre a plantilla para tentar recuperar o seu anterior estatus de privilexio.

Nos próximos meses nos enfrontaremos a negociación de convenio para os próximos anos e esta ten que ser afrontada en un ambiente de tranquilidade e unidade para que as nosas reclamacións sexan escoitadas e respetadas pola empresa, as actuacións individuais serán a todas luces para desestabilizar e negarnos a todos a posibilidade de un convenio xusto e beneficioso para todos.

E o desexo a CIG que a unidade sindical non sexa dinamitada polos intereses particulares que nada teñen que ver co ben común para os traballadores.

A CIG avalía os novos datos de desemprego como a “consolidación da progresión da crise”

Logo de coñecer os novos datos sobre a situación do desemprego, nos que se reflicte que o paro subiu en Galiza no mes de agosto un 2,09 por cento, co que se superaron as 150 mil persoas desempregadas, a CIG realizou unha avaliación pública dos mesmos. Así, ao rematar o mes de agosto, segundo os datos do INEM, buscaban traballo no noso país 152.437 persoas, 3.119 máis ca no mes de xullo.

Antolín Alcántara, secretario confederal de Negociación Colectiva da CIG, analizaba que "estes datos amosan que se consolidan os datos de progresión da crise e que se comeza a notar como unha constante xa no desemprego, primeiro a caida do consumo, e a consecuencia diso a repercusión que ten no emprego".

Alcántara subliña que "na Galiza, aínda que a repercusión e a súa porcentaxe é menor, comparada co Estado, o certo é que o paro estrutural é maior, e a porcentaxe é algo superior ao 12%, o que nos sitúa en máis dun punto na media do Estado, sen contar tamén con que aquí moitos dos nosos traballadores e traballadoras están fora do país, e non están contabilizados como desempregados/as, porque senón estaríamos a falar dunha outra porcentaxe, moito máis escandalosa". SIGUE...Continuar a ler en Avantar (xornal dixital da CIG)

A CIG gaña por maioría absoluta na empresa de automoción Viza

O venres 27 de xuño tiveron lugar as eleccións sindicais en Viza, nas que a CIG gañou por maioría absoluta. Estes comicios eran eleccións parciais ao pasar de máis de 500 empregados nesta factoría.

Escollíanse en Viza, empresa auxiliar da automoción situada no Porriño, tres delegados a maiores polo aumento do persoal, e pasar de 500 traballadores e traballadoras. A CIG contaba xa nesta empresa coa maioría simple, mais foi a través destas eleccións parciais como conseguiría a maioría absoluta no comité.

Avaliación moi positiva

Desde a sección sindical da CIG neste centro de traballo valoran moi positivamente estes resultados e analizan que "se debe ao traballo feito desde o 2003 como forza maioritaria no comité, sempre loitando na defensa dos intereses dos traballadores".

Resultados

CIG 168 votos.................... 7 delegados

CCOO 119 votos................... 5 delegados

UGT 24 votos..................... 1 delegado

CUT 18 votos..................... sen representación

Brancos 8 votos

Nulos 1

Extraido de AVANTAR xornal dixita da CIG

Acta do Comité de Empresa do dia 10 de setembro de 2008

Preme en cada unha das páxinas para velas en grande.

Morreu Isaac

O noso compañeiro de empresa, Isaac Otero Pose faleceu onte domingo de madrugada en accidente de trafico na estrada que une malpica con Ponteceso, dende a Sección Sindical da CIG queremos darlle a sua familia o noso mais sentido pésame e sumarnos a carta de condolencia do Comité de Empresa.

Reciban un agarimoso saudo de toda a Sección Sindical e o noso mais sentido pésame.

O Comité de Empresa chega a un preacordo para rematar coa folga de horas extraordinarias convocada para o mes de agosto

Despois de que os traballadores en asemblea do dia 4 de agosto acordaran unha folga de horas extraordinarias en solidariedade cos compañeiros que foron despedidos os ultimos meses, o Comité de Empresa en xuntanza coa Dirección da mesma chegou a un preacordo no que se comprometian a ir readmitindo a estes compañeiros que foron despedidos na medida en que fora aumentado a carga de traballo da empresa, a maiores a empresa se comprometeu a pedir desculpas pola forma en que foi levado o tema das vacacións de agosto, tamén se chegou a un acordo tanto en condicions económicas das horas extras como do plus de tarde que cobrarán a xente que se ofreceu voluntária para o turno de tarde en eólico.

Imaxe 1ª Comunicado do preacordo do Comité de Empresa.
Imaxe 2ª Comunicado da empresa.
Imaxe 3ª Comunicado posterior a asemblea de traballadores do dia 5 na que se aceptou o preacordo do Comité de Empresa.
Preme nas imaxes para velas en grande