Nota de prensa do Comité de Empresa despois dos despidos do venres dia 27 de marzo

O Comité de Empresa de Elaborados Metálicos EMESA SL filial do Grupo Isolux Corsan quere facer público o sentimento de rabia e malestar que existe entre o mesmo e dentro dos traballadores polo despido este venres 27 de marzo de 22 compañeiros coa alegación por parte da empresa de non dar o perfil para traballar na mesma, razón que obviamente non e valida nin verdadeira pois a maioría de estes compañeiros eran indefinidos e algún deles levaba mais de 30 anos o servizo da mesma, tendo demostrada sobradamente a súa profesionalidade.

Estes traballadores estiveron traballando na empresa dende que a empresa estaba afincada no polígono da Grela na Coruña sendo propiedade do Banco Pastor, estes despidos crean neles unha situación complicada pois a maioría pasan dos cincuenta anos e na actualidade teñen unha difícil inserción no mercado laboral dada a súa idade.

A estos compañeiros súmanse os case que cincuenta que se despediron nos últimos meses alegando a falla de traballo, apesar de ter unha carteira de pedidos de decenas de millons de euros, todo elo dentro de un contexto de negociación colectiva no que a empresa aposta e pide dentro da mesa de negociación unha extensión do tempo de traballo coa inclusión de un cuarto turno e desviando o traballo a subcontratas, incluso dentro da própia empresa.

Dende o Comité de Empresa sabemos que esta unha forma de precarización das condicións laborais dos traballadores dentro da empresa, todos os traballadores de EMESA esiximos a readmisión de estes compañeiros na empresa xa. O Comité de Empresa comunica a postergación das negociacións do Convenio Colectivo que estaban tendo lugar ata agora e convocatoria de mobilizacións para defender os postos de traballo que en EMESA existen.

Este e o momento de defender os postos de traballo por parte das empresas non o de despedir traballadores, estes despidos so atenden a intereses ocultos que tentan especular cos postos de traballo para enriquecer na situación actual a grupos como Isolux Corsan.

O grupo Isolux Corsan xunto coa Dirección de EMESA despide a traballadores sen outro interese que o do lucro a conta do traballo e a vida dos traballadores, y isto non e admisible nin socialmente nin laboralmente, diante de estas actitudes so atoparan a os traballadores e a sociedade enfronte.

Si a empresa quere enfrentarse ao Comité de Empresa, traballadores e as Seccións Sindicais teraos enfronte y en loita.

Podes descargar a nota de prensa premendo aquí.

4ª acta de negociación de Convenio Colectivo 2009

Esta acta non foi aprobada pola representación da empresa por estar en desacordo coa súa redacción.

Preme nas imáxes para velas en grande
Decarga a acta premendo aquí.

3ª acta de negociación do Convenio Colectivo 2009

Preme nas imáxes para velas en grande
Descaraga a acta premendo aquí.

2ª acta de negociacion do Convenio Colectivo 2009

Preme nas imaxes para facelas mais grandes
Descarga a acta en PDF premendo aquí.

1ª acta de negociación do Convenio Colectivo 2009

Preme nas imaxespara velas en grande
Descarga a acta en PDF premendo aquí

A información precisa, voceiro numero 8 da CIG (marzo 09)

Fai clic en cada unha das imaxes para facelas máis grandes

Descargao en PDF premendo aquí.

A CIG convoca paros na fin de semana no Metal pola negociación do convenio provincial de Pontevedra

O mércores 11 de marzo tivo lugar unha nova xuntanza da Mesa Negociadora do Convenio, na que se volveu amosar a actitude "inmobilista" da patronal, polo que a CIG tomou a determinación de comezar xa a convocar paros no Metal na fin de semana, como medida de presión. Esta convocatoria está realizada pola CIG exclusivamente. CIG, CCOO e UGT presentaron, xa na primeira reunión da mesa negociadora, un documento conxunto coas principais reivindicacións dos traballadores, cualificadas pola patronal de “inasumíbeis”.
Folga Metal
Imaxe da mobilización no 2005 na negociación do convenio provincial do Metal.

A continuación reproducimos á integra a folla informativa que está a ser repartida nos centros de traballo do Metal, enfocada ao subsector do naval por ser estes traballadores os que están a realizar horas extras na fin de semana:

O dia 11 de marzo celebrouse a terceira xunta do Convenio Colectivo no que a Patronal reincidiu na mesma proposta de prorrogar (conxelar o Convenio) nas condicións económicas e sociais que están reguladas na actualidade. A maiores esixen como condición para seguir negociando que retiremos o anteproxecto presentado.

A postura da Patronal só pode entenderse desde o interese de provocar unha resposta precipitada dos Sindicatos, que nos leve a unha situación sen retorno e de desgaste dos traballadores. Sabemos que a situación é complicada, pero o momento e as respostas que daremos á súa arrogancia decidirémolas entre todos e no momento máis apropiado para nós, nunca no momento que a eles lles interese.

En calquera caso, xa estamos obrigados a tomar algunhas decisións inaprazábeis e que deben significar unha posición de forza.

Primeiro, non resulta aceitábel que nun momento de negociación do Convenio esteamos a colaborar nunha extensión de xornada de traballo que a máis de horas extras nos días laborabéis, implique o traballo en fins de semana. Nunha situación como a actual cunha enorme taxa de desempregados, a nosa responsabilidade solidaria de clase non pode soportar tal condición. Desde este momento chamamos a non traballar as fins de semana.

Segundo, os empresarios non teñen sentido de xustiza nin de cumprimento do Convenio. Son os primeiros que se aproveitan das circunstancias que afectan aos traballadores para aumentar os seus beneficios, e por este motivo levan tempo traendo man de obra estranxeira en condicións que incumpren o convenio.

Ante isto, desde a CIG propoñemos aos outros sindicatos actuar de inmedianto, transmitindo aos estaleiros que a partir de agora as novas contratacións deben ser rigorosamente de traballadores inscritos de xeito legal aquí nas oficinas de emprego. Se non regulamos a contratación desta maneira, estamos permitindo que se discrimine aos traballadores de aqui, porque son os que quedan fora. Polo tanto, se non se cumpre desta maneira, a nosa proposta será parar os traballos naquel estaleiro que non regularice este problema. A responsabilidade será deles.

Concentración no Xulgado contra a represión e de apoio aos dous afiliados da CIG acusados pola carga do 1º de Maio de 2005

Máis de 70 delegados e delegadas da CIG conxentráronse o 12 de marzo desde as nove e media da mañá ás portas do Xulgado de Vigo, para amosar a súa solidariedade con Xabier e Alberte, traballadores do Metal da comarca de Vigo e afiliados á CIG, que foran detidos na brutal carga policial do 1º de maio do 2005, e aos que a Fiscalía solicitaba dous anos de cadea por atentado contra a autoridade e unha multa por lesións. Finalmente, o xuízo, previsto para ás dez da mañá non se chegou a celebrar, xa que a Fiscalía propuxo un acordo global no que rebaixou a solicitude, e fixouse unha condena de seis meses por resistencia, que son conmutábeis a 1.800 euros de multa.
Xuizo 1ºmaio represion II
Xerardo Abraldes, secretario comarcal da CIG de Vigo, comparecendo diante dos delegados e delegadas ao remate do xuízo.

Os dous afiliados da CIG, Xabier, presidente do Comité de Empresa de Viza, e Alberte, traballador de Metalships, estaban chamados a comparecer o 12 de marzo ás dez da maña no Xulgado do Penal nº 3. Ían ser xulgados polos feitos que aconteceron na manifestación do 1º de maio do 2005, na que houbo unha brutal carga policial, mentres se estaba a ler o discurso final habitual. Por este motivo realizouse unha concentración de apoio e solidariedade de delegados e delegadas da CIG da comarca de Vigo, contra a represión ao sindicalismo nacionalista.

Continuar a ler en Avantar...

Asembleas, concentracións, e manifestacións pola defensa do emprego e as prestacións sociais en todo o país polo 10 de marzo

“En defensa do emprego e as prestación sociais” foi o lema baixo o que a CIG desenvolveu este ano a campaña do Día da Clase Obreira Galega. Traballadores e traballadoras de todo o país, delegados e delegadas, participaron nas asembleas, concentracións e manifestacións organizadas en cada unha das comarcas na defensa dos postos de traballo. Desta volta as reivindicacións céntranse en dous dos temas que máis preocupan á clase traballadora neste momento: a caída do emprego e a garantía das prestacións sociais. As cidades de Vigo e Ferrol foron as cidades que acolleron as dúas mobilizacións nacionais nesta data, e que xuntaron a 4.000 traballadores conxuntamente.

Neste día no que se lembra a figura de Amador e Daniel, os dous traballadores de Bazán asasinados pola policía española no ano 1972, o Secretario Xeral da CIG, Suso Seixo, quixo destacar o especial significado desta loita no marco da actual crise do sistema. Seixo, participou nun dos primeiros actos do día: a concentración que a CIG de Compostela desenvolveu na Praza de Galiza. Durante a mobilización, na que participaron arredor de 400 persoas, tamén se levou a cabo a "ocupación" dunha oficina do Banco Santander. As persoas que ocuparon a entidade foron invitadas a desaloxar a oficina polos Corpos e Forzas de Seguridade, a pesar de non impedir o normal desenvolvemento da actividade no banco, e mesmo se lles obrigou a retirar os paos das bandeiras que portaban, por se considerar elementos perigosos.

Pola súa banda, Seixo, lembrou que dos desgraciados sucesos do 72 a clase traballadora galega tirou un proveito: afianzouse a loita pola defensa das liberdades e puxéronse as bases para o nacemento do sindicalismo nacionalista. "Neste momento de crise os traballadores e as traballadoras debemos aproveitar esta situación para crear conciencia de clase e reivindicar medidas de caracter estrutural de cara a conseguir un modelo socioeconómico novo, máis xusto e solidario", afirmou. O Secretario Xeral da CIG tamén se referiu á situación política co novo goberno do PP na Xunta, "pois non axudará en nada a hora de combater a crise". "Coñecemos de vello ás políticas do PP, de corte neoliberal, conservadoras, favorecedoras dun modelo especulativo, de privatización dos servizos públicos básicos, que promove políticas fiscais de reducción de impostos ás empresas pola vía de incrementar os impostos indirectos aos traballadores/as".

Para Seixo vai resultar negativo a presenza dun goberno do PP, pois, apunta, non contribuirá a saída da crise en condicións favorábeis para a clase traballadora e o País, polo que insistiu en que a CIG "terá que facer un bo traballo sindical, cómpre organizarnos e desenvolver un traballo serio", sentenciou. Nesta liña tamén se expresou o Secretario Comarcal da CIG de Compostela, Anxo Noceda, quen quixo salientar a necesidade de crear un salario de inserción social, que garanta unha mínima cobertura aos/ás traballadores/as que están quedando ou van quedar en breve tempo sen prestacións sociais. Continuar a ler en Avantar...

(Fotos da concentración da Coruña diante da subdelegación de Goberno na que se pode apreciar a alguns dos Delegados da CIG de EMESA e da manifestación de Vigo)

Accdede dende aquí a galeria grafica con fotos das concentracións e manifestacións do dia da Clase Obreira Galega.

Video da ofrenda froral a Amador e Daniel en Ferrol e das diferentes manifestacións o longo de todo o país o dia da Clase Obreira Galega.

A CIG outorga o III Premio do Día da Clase Obreira Galega aos traballadores e traballadoras de Atento

Os traballadores e as traballadoras de ATENTO foron os galardoados na III edición do Premio do Día da Clase Obreira Galega, co que a CIG quere recoñecer a loita levada a cabo polo persoal desta empresa durante o ano pasado. O premio tamén pretende ser unha homenaxe a todos os/as traballadores/as do telemárketing, un sector especialmente precarizado e vítima constante dos procesos de deslocalización. Así mesmo, fíxose unha especial mención a labor desenvolta polas seccións sindicais de Cedonosa, Ingermarga e Ferroatlántica.
Premios 10 de marzo 2009 III
Juan Carlos Brañas e Dolores Sánchez, delegado e delegada en Atento, recibiron o Premio do Día da Clase Obreira Galega en nome dos seus compañeiros/as.

O acto, que tivo lugar este 11 de marzo, contou coa participación de representantes sindicais e destacados persoeiros de organizacións políticas, culturais e sociais do País. O Secretario Xeral, Suso Seixo, que foi o encargado de entregar o premio aos delegados/as de Atento, destacou a difícil situación que se vive no sector do telemárketing e as continuas loitas en defensa do emprego e polo estabelecemento dunhas condicións dignas que se viñeron rexistrando durante o ano pasado. “Este premio quere distinguir a labor de traballo da CIG nun sector no que se dan condicións realmente precarias”, afirmou.

Continuar a ler en Avantar...

Sae un novo número do "Novas do Metal", desta volta centrado na loita contra a reconversión na automoción

O segundo exemplar do Boletín Informativo da CIG Metal de Vigo, o Novas do Metal vén de sair e está a ser difundido nos centros de traballo do sector da comarca. Neste número os temas principais son o chamamento á convocatoria de manifestación do 10 de marzo na cidade de Vigo, a situación do automóbil e outras novas de interese. A boa acollida do primeiro número, asi como a vontade de mellorar a comunicación entre os traballadores, para que se coñeza o que está a pasar no sector, foron algunhas das consecuencias positivas que trouxo este voceiro.
Novas do Metal febreiro

"Novas do Metal" ten unha tiraxe de 6.500 exemplares. No número do mes de febreiro salienta na súa capa a convocatoria do 10 de marzo, Dia da Clase Obreira Galega, e realiza un chamamento a participar nos actos convocados pola CIG en defensa do emprego, pola reindustrialización e contra a reconversión no sector do automóbil.

A folga do 5 de febreiro, en apoio aos catro traballadores do Metal que foron xulgados nesta data, é outra das novas de relevancia neste voceiro, na que se analiza tamén a importancia da solidariedade.

Analise dos ERE's

Ademais analízase que é un ERE e as consecuencias que ten, asi como a situación destes expedientes nas empresas da automoció.

Por último, realizase unha explicación do comezo das negociacións do Convenio Provincial do Metal de Pontevedra.

Disponibilizamos pdf's

Ao final desta nova podedes descargar os arquivos pdf co contido ao completo deste novo número do "Novas do Metal". Boa lectura!

Portada Novas do Metal
Paxina1 Novas do Metal
Paxina3 Novas do Metal
Paxina4 Novas do Metal

A CIG-Metal considera excesiva a condena feita pública na sentenza dos catro traballadores do sector, e adianta que a recorrera

Os catro traballadores do sector do Metal que foron xulgados o pasado 5 de febreiro xa teñen sentenza: foron condenados a 8 meses de prisión por un delito de desordes públicos e unha indemnización a razón de cinco euros por día por danos durante vinte dias. Desde a CIG-Metal subliñan que “é excesiva esta condena, porque non se pode acusar a estes catro traballadores por algo que non fixeron, son inocentes, e aqui o que se quere é criminalizar o movemento obreiro, e neste caso á forte organización sindical que existe no Metal”.
Folga do metal contra a represión sindical 06/11/2008 VI

En calquera caso, explican que "nos sentimos satisfeitos porque se reduce dun xeito moi importante a pena que se solicitaba para estes catro compañeiros", aínda que xa adiantan que recorreran este fallo xudicial, porque "xa poñemos por diante, aínda que teremos que falar primeiro con estes traballadores, que nós cremos que teñen que ser absoltos".

Asi, avalian esta sentenza e sinalan que "deberiamos felicitarnos porque estamos seguros de que esta sentenza final de oito meses, que é unha redución moi importante respecto dos catro iniciais que solicitaba a Fiscalía, é consecuencia da loita e a mobilización que deu ao sector, porque senón probabelmente estariamos falando hoxe dunha sentenza que obrigaría ao ingreso na prisión destes catro compañeiros".

Aproxímanse novos xuízos

Lembran desde a Federación do Metal que "veñen máis xuízos, onde tamén hai unha petición de penas importante, e aquí o sector terá que volver mobilizarse, porque hai procedementos abertos coa instrución finalizada, como son os 13 traballadores, como consecuencia da folga primeira do Metal do 2006, cando foi a carga policial, houbo 13 detidos e para tres deses detidos solicítase tamén penas superiores aos 4 anos de cadea. Non imos permitir que aqui se encarcere a ningún traballador do sector, porque son traballadores e non delincuentes".

Por último, desde a CIG-Metal consideran que "se hai que criminalizar aqui a alguén é a todos aqueles empresarios que veñen repetidamente incumprindo o convenio, en materia salarial, de xornada, abusando e explotando aos traballadores."

A CIG rexeita un posíbel ERE temporal en Ferroatlántica

A CIG manifestou publicamente o seu total rexeitamento a un posíbel ERE temporal en Ferroatlántica, logo de que a dirección da empresa comunicara a posibilidade de presentar un expediente de regulación, baseado no argumento da caída de vendas no 2009 e a acumulación de stock arrastrado dende o pasado ano. Para a central non existen razóns reais e obxectivas que xustifiquen o ERE, máis cando a empresa obtén beneficios mesmo cos fornos parados grazas a explotacións das concesións hidroeléctricas, e reclama a Traballo que actúe responsablemente e non aprobe o expediente no caso de que se chegue e a presentar.
09-02-27 RP Ferroatlantica
A CIG e o Comité de Ferroatlántica amosaron a súa oposición a un posíbel ERE nas plantas de Cee e Dumbría.

O presidente do Comité, Cee e Dumbría, Roberto Rodríguez; o responsábel da central en Ferroatlántica, Fernando Castro, o secretario comarcal de A Coruña, Paulo Carril, o responsábel da Unión Local de Cee, Xabier Castro, o secretario comarcal do Metal de A Coruña, Alfredo Bocija e varios membros do Comité, deron conta da postura da central ante a posibilidade dun ERE temporal en Ferroatlántica e exixiron un plano de futuro e de viabilidade para as plantas de Cee e Dumbría, que están sendo “as vítimas da crise”.

Santos explicou que a consecuencia inicial da situación destas dúas plantas haina que buscar na reorganización do traballo para o 1º trimestre do ano, as paradas dos fornos por períodos máis prolongados do habitual, a finalización dos contratos ao persoal eventual, o tempo máximo de inactividade para os fixos-discontinuos e a reorganización das vacacións. “Estas medidas non deixan de ser un parche cun único obxectivo por parte da empresa: preparar o camiño para un ERE no 2º trimestre do ano”, apuntou Santos.

Propostas de reorganización e inversión

Pola súa banda, a central propuxo que esta reorganización do traballo fose anual e buscar alternativas tamén coa administración, tais como planos de formación ou axudas vinculadas a un non ERE, para evitar o expediente de regulación. “Non se dan as condicións obxectivas e reais para presentar un ERE, estas plantas non poden ser as vítimas das consecuencias da crise do sistema”, asevou Paulo Carril.

Sobre este punto, explicaron que a perda de emprego nesta planta foi constante até que se freou en 1999 e se conseguiu fixar o cadro de persoal no 2003 grazas a un convenio asinado a instancias da CIG. Ademais, lembraron que hai anos se vén reivindicando a mellora, ampliación e consolidación das fábricas de Cee e Dumbría, tal e como se estivo facendo coas plantas de Boo, Sabón e Hidronitro.

“Nestas plantas houbo inversións claras en materia de I+D+i coa patente de tratamento de lodos, a posta en marcha de instalacións para a fabricación de silicio solar, a creación de dous novos fornos e a construción dunha nova planta na China. Mentres, nas fábricas de Cee e Dumbría a innovación é inexistente e os nosos técnicos marchan a outras factorías en Francia, Sudáfrica ou Venezuela”, apuntaba Santos.

Neste punto, os responsábeis sindicais tamén quixeron deixar claro a aposta que facía a CIG por Serrabal como “arma de futuro non só para consolidar as plantas senón para a modernización e a creación de novos postos de traballo. Onde está o compromiso de Villar-Mir e do Presidente da Xunta e a Consellaría de Traballo para manter os empregos?”.

Beneficios das concesións hidroeléctricas

A este respecto lembraron que a planta de Cee e Dumbría están vinculadas á explotación dos recursos hidroeléctricos da comarca, que está xerar cuantiosos beneficios económicos. “É inaudito que cos fornos prados se estean xerando beneficios, e isto é porque a explotación das concesións dos ríos son están dando moitos cartos”, lembrou Paulo Carril, quen acusou á empresa de pretender “expoliar os nosos recursos hidroeléctricos sen vincular esta explotación a un plano de emprego para o conxunto da comarca”.

Dende a CIG xa se ten reivindicado que unha parte dos beneficios xerados pola explotación dos ríos debe recaer na mellora, modernización das plantas e a creación de emprego, “pero pola contra a empresa controla a enerxía directamente dende Madrid creando unha dobre contabilidade. Cal é o balance de contas e beneficios que xeran a explotación da enerxía e que repercusión ou incidencia ten na comarca?”, preguntou Xabier Santos. Ao que engadiu que a Xunta debería exercer a súa responsabilidade e investigar nas contas da empresa, pois “xoga cos recursos de todos os galegos e galegas”.