Dende a CIG presentamos a nosa candidatura o Comité de Empresa por 3ª vez
en EMESA, son xa 8 anos da entrada, dos cales os 4 primeiros tivemos
oportunidade de levar a Presidencia do Comité de Empresa, anos difíciles e
complicados é coñecido por todos o traballo feito de reivindicación, traballo
que fixo que durante eses complicados anos nos que xestionamos esas malas
situación, sempre mantivemos a presión sobre a empresa, a presencia dos nosos
problemas na prensa e a mobilización a pé de rúa, concentracións, manifestacións,
mocións en plenos de Concello como A Coruña ou Betanzos, visitas de deputados a
empresa, e mesmo encerros no despacho da Conselleira de traballo.
Hai case que un ano EMESA cambiou de propietário, pasando de ser parte do grupo
ISOLUX a pertencer o Grupo Soil, entrada que tivo como priméira consecuencia
para os traballadores o decaemento do Convenio, decaemento ocasionado pola
eliminación da cláusula de ultra actividade do Convenio, unha das razón polas
que a CIG non firmou o ultimo Convenio e que a larga causou que agora teñamos
condicións contractualizadas que causan discriminación entre traballadores/as e
que ocasionarán denuncias continuas para que se manteñan os dereitos que tiñamos.
Iso xunto coa actitude da nova propiedade, causa e causará tensións nas relacións
laborais, tensións que non se van solventar sempre negociando e que precisarán de
forza, coordinación, traballo e acción sindical.
Dende a CIG entendemos que a forza do Comité está e estará sempre no taller,
este debe ser o que leve a iniciativa e a voz no Comité, entendemos que a forza
maioritaria no taller debe ser a que encabece o Comité de Empresa.
Para estes novos tempos dende a CIG queremos retomar o proceso asembleario para
a toma de decisions en común por todos/as, así como a realización habitual de
asembleas informativas nas que os traballadores e traballadoras poidan non só informarse,
senón preguntar as dúbidas que teñan evitando ruxe ruxes que nada axudan e que
só causan malestares.
Por todo o exposto a candidatura da CIG adquiriu
os seguintes compromisos de cara a os próximos 4 anos:
- Reactivaremos o asemblearismo como xeito de información a todos os traballadores/as.
- A asemblea de traballadores/as será o medio de toma de decisións.
- As xuntanzas con dirección ou a propiedade da empresa, contarán sempre e indiscutiblemente coa presenza polomenos de un representante de cada central sindical.
- A CIG representa e representará sempre a todos/as os traballadores/as por igual, xa sexan de EMESA como de ETT.
- Atenderemos e tentaremos axudar a calquera traballador/a, somos un sindicato de traballadores, máis aló dos que están afiliados a CIG.