CIG EMESA - Isolux Corsán

O Comité de EMESAquere denunciar publicamente a ilegalidade cometida pola Xunta de Galiza naresolución favorábel do cuarto ERE de suspensión para a planta de Coirós. Arepresentación do persoal xa anunciou que presentará recurso de alzada contra adecisión da Consellaría e vai elaborar un novo calendario de mobilizacións.

Dende o Comité denuncianque a Xunta actúa contra os seus propios actos e as súas propias resolucións,tal e como se ten denunciado durante a tramitación deste ERE. O Comité criticaa total indefensión na que deixa ao cadro de persoal a decisión da Xunta, que se desinhibiu ante os 14 despedimentosexecutados pola dirección a pesar de ser da súa competencia e ter sumido ocompromiso de aplicar o que estabelece o Estatuto dos Traballadores. Ademais, esteERE apróbase pola Xunta sen estabelecer unha garantía do mantemento de empregodo cadro de persoal (tal e como se solicitou por parte do Comité) e senacreditar a empresa coa documentación precisa, incluso requirida pola Xunta, acausa deste ERE, como ten manifestado a Inspección de Traballo na tramitacióndeste expediente.

O despropósito, afraude e mala fe da Xunta é de tal magnitude que non resolvendo expresamentenada sobre o Plan de Acompañamento Social, pretende autorizar á empresa paraque aplique un plan absolutamente prexudicial para os traballadores/as no planoeconómico e laboral. Sobre esta cuestión, o Comité lembra que os 15 puntos quecontiña o acordo do anterior ERE quedaron reducidos a tan só tres. Dunha banda,coas condicións recollidas no expediente de regulación o persoal deixará depercibir uns 300 euros mensuais e as pagas extraordinarias. Pola outra, non seachega nin unha soa garantía por parte da empresa para manter os actuais niveisde emprego na factoría.

“A Xunta déixanosno peor escenario posíbel, dándolle á razón a empresa e contradicindo aspropias as súas propias afirmacións, cando nos asegurou que ían aplicar a leicon todo rigor”, sinala o Presidente do Comité, Andrés Rodríguez. Ademais,Rodríguez destaca que a resolución da Consellería de Traballo avala aspretensións da dirección de EMESA de desvincular a situación económica eprodutiva da factoría de Coirós do conxunto de resultados do Grupo IsoluxCorsán, en contra do ditaminado pola Inspección de Traballo (nos informespreceptivos para o terceiro e cuarto ERE), que afirma que calquera decisión deEMESA en calquera ámbito da súa actuación é o Grupo Isolux Corsán quen a decide.

O Comité de Empresa amosou as súas sospeitas a respecto de que Isolux e o Goberno galego utilizaran este ERE e a EMESA como moeda de cambio nas negociacións das compensacións que ambas manteñen a raíz da suspensión da adxudicación que Isolux Corsán tiña otorgada para as obras do desdobramento do corredor do Morrazo.

Documento Xunta sobre a obra do Morrazo CLIC AQUÍ

Dende o Comité deEmesa advertiron que van interpor recurso de alzada contra a resoluciónadministrativa e xa preparan un novo calendario de mobilizacións en contradunha decisión na que a Xunta colabora con Isolux Corsán no proceso dedesmantelamento de Emesa e a destrución de centos de empregos.

O Comité de Empresa denuncia a realización de horas extraordinárias durante o ERE

2011-10-28T15:17:00.002+02:00

A Xunta de Galicia acaba de aprobar o ERE en EMESA e a Dirección da mesma xa está a obrigar a traballadores a realizar hóras extraordinárias.

Dous traballadores da empresa recibiron sendos escritos onde a dirección os obriga a realizar horas extraordinarias aducindo que son "de caracter excepcional", excepcionalidade que se dilue ante o feito de que mais da metade do plantel estivo no comedor da empresa sen traballar por orde da dirección para xustificar o ERE presentado ante a Consellería de traballo eque fraudulentamente lle foi concedido.

Para ver a denuncia ante Inspección de Traballo fai CLIC AQUÍ.

La Opinión de A Coruña - La Xunta autoriza el cuarto ERE a Emesa pese al volumen de trabajo de Isolux Corsán

2011-10-28T11:50:00.001+02:00

El departamento de Mato aprueba la suspensión de 93 empleados por falta de producción y argumenta que sólo se tiene en cuenta el grupo de empresas cuando se acreditan causas económicas.

La Consellería de Traballo aprobó ayer el cuarto expediente de regulación de empleo (ERE) de Elaborados Metálicos (Emesa) en el que autoriza a la firma de Coirós a suspender los contratos de 93 trabajadores por causas de producción, la misma justificación que alegó la compañía en las otras tres regulaciones laborales que encadena desde 2009. El comité de empresa presentó alegaciones durante el periodo de consultas -que finalizó sin acuerdo- y solicitó la desestimación del expediente al considerar que la compañía podría tener carga de trabajo si no externalizase los proyectos y si el grupo Isolux Corsán, al que pertenece, le adjudicase obras. El departamento que dirige Beatriz Mato desestimó la petición de los trabajadores al no tener en cuenta el volumen de trabajo que factura la multinacional. "La consideración del grupo de empresas sólo está presente en la acreditación de causas económicas, que no son las alegadas en este procedimiento", argumentó.

La resolución favorable se basa también en el informe que presentó la Inspección de Trabajo, en el que considera justificada la falta de producción de Emesa al encontrarse "completamente paralizado" el sector eólico. "No existen previsiones de mejoría, al menos en un plazo de tres años en los que se prevé comiencen las adjudicaciones que resulten del concurso eólico de Galicia", explica el texto. El documento también analiza la producción de estructuras metálicas y resalta el peso del grupo Isolux en este sector, al ser "una importante adjudicataria de obras", pero añade que eso "no se traduce necesariamente en la adjudicación de estructuras metálicas a Emesa".

La Inspección de Trabajo puntualiza que, si bien la compañía de Coirós debe concurrir con otras empresas para la adjudicación de la carga de trabajo, esta competencia "aparece desvirtuada por el hecho de que la fijación de la política de precios de Emesa la realiza el grupo, que, en último término, es el que decide si le resulta oportuno adjudicar un trabajo"..........Segue........

Continuar a ler no xornal La Opinión de A Coruña.

Milleiros de persoas mobilízanse por todo o país en contra dos recortes e da privatización da sanidade pública

2011-10-28T11:40:00.001+02:00

Miles de persoas participaron este xoves nas mobilizacións convocadas pola Plataforma SOS Sanidade Pública nas distintas áreas sanitarias para amosar o seu rexeitamento á política de recortes aplicada pola Xunta de Galiza nos servizos sanitarios públicos. Coas concentracións, manifestacións e actos realizados esta tarde quérense denunciar os recortes nos orzamentos destinados á sanidade pública, “cun financiamento cada vez máis miserento e que vai camiño da indixencia, como paso previo á súa privatización”.

Con estas mobilizacións simultáneas preténdese trasladar ao Goberno galego “o clamor dos cidadáns/ás e profesionais en apoio dun sistema sanitario de calidade, eficiente e accesíbel como o que gozamos e que é absolutamente sostíbel”. Dende a Plataforma, da que forma parte a CIG, advírtese que o actual modelo organizativo e funcional da sanidade pública está en risco real de deterioración e privatización pola política practicada pola Xunta de Galiza, destinada a cambiar o actual modelo sanitario baseado na universalidade das prestacións, o acceso en condicións de igualdade, a gratuidade das consultas e a calidade das prestacións, financiadas con recursos públicos.

A este respecto, a SOS Sanidade Pública lembra que por terceiro ano consecutivo os orzamentos consignados pola Xunta para o mantemento do sistema sanitario volven descender. Nesta ocasión, cunha rebaixa de 16 millóns de euros. Porén, medra o gasto en concertos sanitarios co sector privado que pasa de 204 a 207 millóns de euros.

Os capítulos de gasto que máis descenden son os de persoal (que se mantén nas cifras de hai catro anos, o que supón unha brutal perda de capacidade adquisitiva dos sanitarios e a paralización de creación de novas prazas) e dos investimentos (reduciuse en 6 millóns de euros respecto ao 2011 e a 92 respecto ao 2009) cos que se financian novos centros e o equipamento sanitario.

A redución de investimentos supón a paralización un ano máis da construción do Novo Hospital de Vigo (que reducirá as súas camas de 1.490 a 900), do Hospital Único de Pontevedra ampliando Montecelo, e dos plans Directorios de mellora e ampliación dos Hospitais de Ourense, Santiago e A Coruña, así como as obras de mellora noutros 9 centros. Ademais, paralizáronse os plans para construír 66 novos Centros de Saúde e as obras para mellorar e ampliar outros 22.

“Con todo, matiza a Plataforma, é a Atención Primaria a que máis recortes sofre, a pesar dos seus problemas de masificación (o 40% das cotas teñen máis de 1.500 cartillas por médico ou enfermeira), escaso tempo e de capacidade resolutiva”. De feito, este ano o orzamento de Atención Primaria baixou nun 1,6%, “o que supón un descenso acumulado do 13,6% nos últimos tres anos”.

“A crise económica está sendo utilizada pola Xunta para introducir importantes recortes económicos no orzamento sanitarios (máis de 200 millóns de euros) e nos servizos sanitarios públicos como no caso da paralización da actividade dos hospitais pola tarde, a desviación de pacientes a centros privados, o abandono do Plan de Mellora da Atención Primaria, o desmantelamento das Áreas sanitarias, o peche de servizos de anatomía patolóxica e laboratorio, a eliminación dos radiólogos nos servizos de urxencias dos hospitais comarcais, a privatización dos centros sanitarios ao apostar polo financiamento privado da construción de novos hospitais e centros de saúde e dos plans directorios de mellora e ampliación dos antigos, a cesión a empresas privadas dos servizos de diálises, equipamento tecnolóxico dos centros, centrais de chamadas ou as redes informáticas”, denuncian dende a Plataforma.

Fronte a este ataque contra un servizo básico como é a sanidade pública, dende SOS Galiza sublíñase que “é preciso reaccionar e mobilizarse para facer entender á Xunta que cidadáns e profesionais non imos tolerar que se nos deteriore a Sanidade Pública e menos nun momento de crise estrutural, que é cando máis falta fai”.

Extraído de Avantar

Acceder a galería de imaxes

Folga Xeral 29 setembro de 2010

2011-10-28T09:43:00.004+02:00

Un poco tarde pero atopamos este video do piquete informativo de EMESA na folga xeral do 29 de setembro de 2010.

O Director de RRHH + Director Xerente + Director de Producción + Xefe de Taller, cortando os candados que pechaban a porta e complicandose a vida con duas bridas para poder acceder a factoría.

Pode ser das poucas veces que se viu verdadeira coordinación entre a plana directiva de EMESA para un traballo XD.

Nese dia fixeron folga todos os traballadores da factoría.

O profesorado expresa un non rotundo aos recortes no ensino público e ás imposicións da Consellaría

2011-10-26T13:06:00.000+02:00

Case o 100% do profesorado trasladou un non rotundo aos recortes impostos pola Consellaría de Educación no referendo celebrado o martes 25 de outubro en máis de 760 centros de todo o País. Ante este rexeitamento inequívoco da política educativa da Consellaría, a CIG-Ensino asevera que soamente cabe unha saída: a retirada da orde pola que se amplía a carga lectiva do profesorado e a obriga de vixilancia do alumnado transportado. Unha orde que, lembran dende a Federación, supuxo unha redución do profesorado e o empeoramento da calidade do ensino.

No referendo celebrado este martes 25 de outubro, o profesorado dixo:

•Non aos recortes no ensino público.

•Non ao incremento do horario lectivo.

•Non a imposición da custodia do transporte.

•Non a esta política educativa que procura o desprestixio do ensino público e favorece á privada.

A CIG-Ensino quere agradecer ao profesorado a súa participación neste referendo, nun acto que é unha lección de democracia para a Consellaría. Agradeceron tamén o compromiso do profesorado que asumiu a realización do referendo nos centros, facéndose cargo da mesa e de todo o proceso. Así mesmo, trasladaron o seu agradecemento ás direccións que facilitaron e colaboraron coa realización da votación.

Escrutados os resultados de 764 centros, o resultado é o seguinte: CLIC PARA SEGUIR LENDO

A CRISE, O SISTEMA E A SOBERANÍA // SI existen alternativas! (documental)

2011-10-24T10:52:00.000+02:00

A CIG repasa neste documental o actual proceso de reorganización do capitalismo, baixo a coartada da "crise" económica, as nefastas consecuencias que está a ter para a clase traballadora en todo o mundo e as alternativas posíbeis, que pasan por un modelo económico onde traballadoras e traballadores teñamos o poder real. Recolle, así mesmo, a dupla dimensión da crise sistémica, que reviste un carácter de clase mais tamén territorial, agravando a situación no caso das nacións sen soberanía política como é Galiza. Finalmente, formula a necesidade de acumularmos forzas xunto á esquerda nacionalista para facer fronte ao contexto actual.

A CIG ‘móllase’ en defensa do emprego e dos servizos públicos e proclama que "Si, hai alternativas"

2011-10-24T10:44:00.002+02:00

Preto de 3.000 persoas sumáronse á convocatoria da CIG, na primeira mañá de chuvia e frío deste outono, para exixir un cambio radical nas políticas que os gobernos da Xunta e do Estado veñen aplicando. Así o demandou o secretario xeral, Suso Seixo, quen denunciou que hoxe, as traballadoras e traballadores galegos “estamos claramente ameazados por políticas económicas de recorte do gasto social” que levan, dixo, a un “incremento do desemprego, á destrución do tecido produtivo” e que poñen en perigo servizos sociais básicos como a sanidade e o ensino públicos.

O secretario xeral da CIG lembrou que esta manifestación insírese na campaña de denuncia e de concienciación social que vén desenvolvendo a central sindical desde o comezo da crise económica. “Queremos denunciar o carácter antisocial e inxusto, a fraude que representan esas políticas que prexudican e castigan a aqueles que non temos culpa da crise, mentres benefician claramente aos seus responsábeis: á banca, os especuladores e á oligarquía financeira”.

Unha campaña baixo o lema “Si, existen alternativas” coa que a CIG demanda a aplicación doutras políticas que beneficien e estean ao servizo da maioría social, entre outras, unha profunda reforma fiscal; incremento do investimento produtivo; creación dunha banca pública; intervención directa do BCE para acabar coa especulación coa débeda pública; mellora do poder adquisitivo dos salarios; creación de empresas públicas nos sectores estratéxicos e soberanía nacional, “para poder decidir por nós mesmos e en función dos intereses das clases populares galegas”.

Respecto da reforma fiscal, Seixo explicou que a CIG aposta por “incrementar os impostos ás rendas máis altas, ás grandes fortunas, ao capital”; por combater a fraude fiscal, que “supera os 60.000 millóns de euros”, do que son responsábeis en máis dun 70% a banca e as grandes fortunas e por suprimir os paraísos fiscais, que é a principal vía de evasión de impostos. “Esta sería a mellor política para loitar contra o déficit público e non a de recorte do gasto social e do investimento público”, afirmou.

De feito, defendeu, que fronte a caída do investimento privado, “a única vía para reactivar a economía e xerar emprego é a de incrementar o investimento público en infraestruturas, I+D, mellora dos servizos públicos...”

Banca Pública

A CIG vén exixindo tamén, desde que comezou a crise, a creación dunha banca pública fronte a banca privada especulativa, para achegar recursos ás pequenas e medianas empresas e ás familias. “Os miles de millóns de euros que os estados prestaron á banca”, denunciou, “foron utilizados para sanear as súas contas e especular, entre outros, coa débeda pública”.

Neste sentido, explicou que o Banco Central Europeo, xunto os gobernos europeos e a propia UE están consentindo a especulación coa débeda, pola vía de xerar enormes beneficios á banca e axudar a recapitalizala “prestándolle os cartos ao 1,5%, para que logo a banca, á súa vez, adquira débeda pública dos estados a xuros do 4,5,8 % ou máis”. Unha política económica que, dixo, “está levando a moitos estados a unha situación próxima á creba, cunhas gravísimas consecuencias para a calidade de vida da clase traballadora”.

Do mesmo xeito, reclamou salarios dignos e estabilidade no emprego, fronte a política de recortes e de precarización das condicións laborais e a creación de empresas públicas en sectores estratéxicos da economía como o financeiro, o enerxético, as telecomunicacións ou o alimentario “fronte o control oligopólico da economía por parte de empresas multinacionais”.

Soberanía nacional

Para iso, reclamou para Galiza soberanía nacional, capacidade de decisión, fronte a centralización do poder en institucións políticas e financeiras “carentes do máis mínimo control democrático e ao servizo dos intereses do capital financeiro”.

Porén, para pór en marcha todas estas medidas, Suso Seixo advertiu que é necesario “tirar abaixo o actual modelo capitalista neoliberal” e vencer o discurso dominante, que “pretende que interioricemos que a crise viu motivada por vivirmos por riba das nosas posibilidades, por un exceso no gasto público, polas excesivas rixideces do mercado laboral e que estas son as únicas medidas posíbeis, que este é o único modelo económico posíbel e que non hai alternativa”.

O secretario xeral da CIG concluíu afirmando que “como clase traballadora, como xente da esquerda, non podemos aceptalo. Este modelo é inxusto, insolidario e antidemocrático”. Denunciou que non garante os dereitos básicos da poboación, que favorece as desigualdades sociais e a acumulación de riqueza e poder en poucas mans e que está dirixido e ao servizo dos intereses dos especuladores. “Delincuentes de luva branca que defraudan miles de millóns de euros ao Estado, inmorais que reclaman o abaratamento do despedimento e a moderación salarial mentres cobran cantidades multimillonarias de salario ou por indemnizacións”.

Por iso, proclamou que “si hai alternativas” e apelou á mobilización social para conseguir que sexan aplicadas. “Eses son e serán os nosos obxectivos nas próximas campañas e mobilizacións”.

Extraido de Avantar

Accede a galeria de Imáxes de Avantar

Accede a galería de Imaxes da CIG de EMESA

Escolma de prensa do 20 de outubro de 2011

2011-10-20T00:04:00.000+02:00

Avantar

O Comité de Emesa reclama á Xunta que revise “con lupa” a documentación presentada pola empresa para o cuarto ERE.

El Ideal Gallego

La plantilla de Emesa exige que la Xunta revise “con lupa” el expediente .
La Opinión A Coruña
El comité de Emesa pide a la Xunta que revise el cuarto ERE
La Voz de Galicia
El Comité de Emesa pide a la Xunta que revise «con lupa» el nuevo ERE
ABC
El Comité de Empresa pide a la Xunta que revise "con Lupa" el nuevo ERE
Europapress
El comité de Emesa reclama a la Xunta que revise "con lupa" el cuarto ERE en la empresa de Coirós

.Accede a Galeria de Imáxes da Concentración do Comité
Facendo CLIC AQUÍ

O Comité de Emesa reclama á Xunta que revise “con lupa” a documentación presentada pola empresa para o cuarto ERE

2011-10-19T14:12:00.000+02:00

persoal solicita á Xefa Territorial de Traballo que posibilite unha xuntanza entre Comité e a conselleira

O Comité de Emesa continuou este mércores co calendario de mobilizacións en contra do cuarto ERE de suspensión presentado pola dirección. Nesta ocasión, os traballadores/as mantiveron unha concentración diante dos edificios administrativos da Xunta de Galiza na Coruña, onde rexistraron un escritor dirixido á Xefa Territorial de Traballo para solicitarlle que promova unha reunión coa titular do departamento autonómico e demandar da Consellaría que revise “con lupa” a documentación do expediente.

No escrito remitido á Xefe Territorial de Traballo, no que se reiteran os motivos para rexeitar o ERE xa recollidos nas alegacións do Comité ao expediente, a representación do persoal demanda da Xunta de Galiza unha maior implicación cos traballadores/as de Emesa. Para iso, solicitan da administración que “mire con lupa” a documentación achegada pola dirección e que se contraste coa achegada polo Comité, “pois entendemos que existen razóns moi fundadas para a desestimación deste ERE, baseadas nas mentiras en canto a carga de traballo en EREs anteriores e na falla de documentación sobre a carga de traballo neste expediente, así como na ocultación da mesma por parte da dirección da empresa e do grupo Isolux Corsán”.

Sobre este punto, o Comité apunta a que o propio Grupo fai públicas a adxudicación de obras que poderían ser realizadas por Emesa, ao ser a única empresa da compañía que se dedica ás estruturas metálicas. Porén na documentación do ERE non aparece reflectida ningunha destas obras.

Do mesmo xeito, o Comité pídelle a Belén Docampo que posibilite unha xuntanza coa conselleira de Traballo, Beatriz Mato, solicitada hai meses polos traballadores/as, pero que a día de hoxe segue sen concretarse.

Desmantelamento da factoría

Para a representación do persoal, a complicada situación laboral creada na empresa “non é casual”, posto que, aseveran, a Dirección do Grupo Isolux Corsán está a externalizar traballos que até hai pouco se realizaban nas instalacións de Coirós. Nestas manobras, destinadas ao progresivo desmantelamento de Emesa, enmarcaríanse os catro EREs de suspensións consecutivos presentados pola dirección, que, de aprobarse este último, sumarían xa máis de dous anos de regulación.

Neste senso, o Comité subliña que a documentación achegada por Emesa para o cuarto ERE resulta incompleta. “Documentación que oculta a dirección para levar adiante despedimentos indiscriminados e regulacións que dificultan a situación social do cadro de persoal. Estas accións están orientadas a rebaixar as cargas sociais da empresa por razóns que a día de hoxe descoñece este Comité”, denúnciase no escrito.

O Presidente do Comité, Andrés Rodríguez, lembrou durante a concentración que no período de negociacións a empresa procedeu ao despedimento de 14 traballadores/as; unha acción que cualificou de “falta de respecto absoluta por parte da dirección e da Xunta”. Para Rodríguez resulta incomprensíbel a actuación do Goberno galego neste conflito, pois “un venres o Director Xeral de Relacións Laborais afirma no Parlamento que non vai permitir despedimentos, que van mirar con lupa este cuarto ERE, e cal é a nosa sorpresa cando ao luns seguinte a empresa bota a rúa a 14 empregados sen que a Consellaría tome cartas no asunto”. Estes despedimentos súmanse aos 86 executados a través do expediente extintivo incluído no terceiro ERE.

Extraído de Avantar
Accede a galería de Imaxes Facendo CLIC AQUÍ

Escolma de prensa 15 de outubro de 2011

2011-10-15T23:29:00.002+02:00

Avantar
O Comité de Emesa entrega na Delegación de Traballo as alegacións ao cuarto expediente de suspensión
El Ideal Gallego
Los trabajadores exigen a la Xunta que rechace el cuarto ERE temporal de Emesa
La Opinión A Coruña
Coirós-El comité de Emesa denuncia que Mato quiere ignorar a la plantilla
La Voz de Galicia
Los trabajadores demandan a Traballo que deniegue el ERE de Emesa

Pregunta de Carlos Aymerich no Parlamento Galego sobre a problematica de EMESA 4º ERE

2011-10-14T16:47:00.003+02:00

A Conselleira de Traballo e Benestar, Beatriz Mato MENTIU no Parlamento Galego.Os traballadores de EMESA non piden esmola, afirman e demostran nos informes presentados ante Inspección de Traballo e ante a Consellería de Traballo e Benestar que Isolux Corsán esta a desviar traballo e non envialo a factoria de Coirós apesares de ser esta a única que se adica a os traballos en metal do Grupo Isolux Corsán, este ERE e fraudulento e de ser aprobado a Consellería de Traballo estarialle a axudar ó Grupo Isolux Corsán a desmantelar EMESA.

Pregunta de Carlos Aymerich sobre a problematica de EMESA 4º ERE - 1

Pregunta de Carlos Aymerich sobre a problematica de EMESA 4º ERE - 2

Pregunta de Carlos Aymerich sobre a problematica de EMESA 4º ERE - 3

Pregunta de Carlos Aymerich sobre a problematica de EMESA 4º ERE e 4

Podedes mirar este video do dia 22 de setembro onde veredes as contradiccións en que cae a Conselleira de Traballo Beatriz Mato.Odilo Martiña Director Xeral de Relacións Laborais asegurou que non se aceptaria a tramite o ERE si non estaba completa a documentación e MENTIU e asegurou que si a empresa despedia a traballadores perante a tramitación do ERE a Xunta actuaria e VOLTOU A MENTIR.

Fai clic no enlace para ver parte das mentiras da Xunta de Galicia no caso de EMESA

INTERVENCIÓN DE ODILO MARTIÑÁ ANTE AS PREGUNTAS DE CARLOS AHYMERICH
Accede a Galería de Imáxes facendo CLIC AQUÍ

O Comité de Emesa entrega na Delegación de Traballo as alegacións ao cuarto expediente de suspensión

2011-10-14T15:50:00.003+02:00

O persoal, que se concentrou ás portas da Consellaría na Coruña, demanda da administración galega que denegue o ERE.

O Comité de Emesa fixo entrega na mañá deste venres, na Delegación da Consellaría de Traballo da Coruña, das alegacións contra o cuarto ERE de suspensión presentado pola dirección, que en quince días deberá resolver a administración. Aproveitando a ocasión, traballadores da factoría de Coirós desenvolveron unha nova concentración ás portas das dependencias da administración provincial para reclamar á Xunta que denegue o expediente por falta de xustificación e documentación.

O Presidente do Comité, Andrés Rodríguez, explicaba ás portas da Delegación de Traballo que o período de consultas do ERE rematou o pasado día 11 sen acordo, xa que a empresa non se comprometeu a manter o total dos empregos durante o próximo ano, tal e como se demandaba pola parte social.

Dende o Comité sosteñen que, a día de hoxe, a empresa aínda non presentou toda a documentación requirida, nomeadamente o volume de carga de traballo real que o Grupo Isolux Corsán ten no ramo do metal e o número de traballos externalizados. De feito, cómpre lembrar que a propia Consellaría de Traballo demandara da dirección información relativa a estes puntos, mais conformouse cos datos incompletos achegados por Emesa. “Non obstante, denuncian, a Consellaría deu por reiniciado o período de consultas sen ningún tipo de notificación ao Comité de Empresa”.

Outros das eivas na documentación presentada pola filial de Isolx Corsán, explica Rodríguez, refírese ao Plan de Acompañamento Social do ERE, cunhas condicións moi inferiores ao acordado no terceiro expediente de suspensión e que non vai enmarcado nun Plano de Viabilidade que inclúa un Plano Industrial e de Emprego capaz de garantir carga de traballo e o nivel de emprego na factoría ao longo do próximo ano.

Os despedimentos seguen adiante

Para a representación do persoal resultan intolerábeis os 14 despedimentos executados pola empresa durante o período de consultas. Neste senso, lembran que os traballadores/as reclamaron á Xunta que paralizase a tramitación do ERE, xa que o propio Estatuto dos Traballadores/as, no seu artigo 51.3 recoñece a potestade da autoridade laboral para paralizar calquera decisión que poida afectar ás resolucións administrativas sobre un expediente de regulación.

Sen resposta da Consellaría

Rodríguez tamén censurou as palabras da Conselleira de Traballo o pasado martes no Parlamento Galego, onde “recomendou” aos traballadores despedidos acudir ao xulgado, desentendéndose así totalmente da súa situación e da problemática laboral que o persoal de Emesa está a padecer dende hai máis de dous anos. Ademais, abunda, “cando o deputado do BNG, Carlos Aymerich, instou á conselleira para que saíse falar cos representantes do Comité que asistimos á sesión plenaria, a súa resposta foi que nin de coña. Entón, que podemos esperar?”.

Agora, a administración ten quince días para resolver o expediente de regulación que, dende o Comité, agardan sexa desestimado.

Galería de Imaxes facendo CLIC AQUÍ

O persoal de Emesa regresa ao Parlamento de Galiza cunha nova concentración contra o cuarto ERE e o abandono da Xunta

2011-10-13T12:09:00.003+02:00

A protesta realizouse coincidindo co debate na sesión plenaria das preguntas formuladas polo BNG ao Goberno relativas á situación laboral da factoría de Coirós
Traballadores e traballadoras de Elaborados Metálicos Emesa trasladáronse na tarde deste martes até as portas do Parlamento galego para desenvolver un acto de protesta, coincidindo co debate na sesión plenaria das preguntas formuladas polo BNG sobre as intencións do Goberno galego a respecto da autorización do cuarto ERE de suspensión para a filial de Isolux Corsán.
Coa concentración, o Comité de Emesa tamén quería lembrar á conselleira de Traballo e Benestar, Beatriz Mato, e ao conselleiro de Industria, Javier Guerra, o compromiso adquirido hai xa máis de tres semanas de manter unha reunión coa representación do persoal. Compromiso que a día de hoxe aínda agardan ver cumprido.

Mentres parte dos compañeiros/as permanecían ás portas do Pazo do Hórreo, unha representación do Comité acudiu como convidado á sesión parlamentar, da que adiantaron unha valoración moi negativa no tocante ás respostas achegadas dende o Goberno.

En canto ás negociacións do cuarto ERE, o período de consultas remataba esta mesma mañá sen que se producise acordo, toda vez que os traballadores/as rexeitaron asinar calquera documento que non incluíse garantías de mantemento de todos os empregos. Unha garantía que a dirección de Emesa negouse repetidamente a ofrecer, atrevéndose mesmo a executar, en plena tramitación do expediente, 14 despedimentos dos que a Consellaría de Traballo se desentendeu.

Extraido de Avantar
Accede a Galeria de Imaxes facendo CLIC AQUÍ

Escolma de prensa do 12 de outubro de 2011

2011-10-12T00:22:00.004+02:00

Avantar

O persoal de Emesa regresa ao Parlamento de Galiza cunha nova concentración contra o cuarto ERE e o abandono da Xunta

El Ideal Gallego

La Xunta "cumplirá estrictamente" la ley sobre el ERE de Isolux, pese a las peticiones

La Opinion de A Coruña

Mato alega que cumplirá ´estrictamente´ la ley en el cuarto ERE de Emesa

20 Minutos

Mato destaca que el ERE de Emesa "se tiene que tramitar" y que su obligación "no son los sentimientos"

El Progreso
Beatriz Mato asegura que seguirá adelante con el ERE de Emesa
Europa Press
Mato destaca que el ERE de Emesa "se tiene que tramitar" y que su obligación "no son los sentimientos"
EFE

La Xunta "cumplirá estrictamente" la ley sobre el ERE de Isolux, pese a las peticiones

La Voz de Galicia
La Xunta «cumplirá estrictamente» la ley con el ERE de Isolux
De Luns a Venres
Beatriz Mato asegura que seguirá adiante co ERE de Emesa

Galería de Imáxes facendo CLIC AQUÍ

A nova moneda da Xunta de Galicia

2011-10-11T10:37:00.001+02:00

Como convertir a debeda privada en debeda pública e así privatizar todo

2011-10-08T12:23:00.004+02:00

Unha explicación mui simple da crise económica e de como funciona o neoliberalismo

A CIG denuncia que a absorción do Pastor polo Popular afondará na centralización do poder político, económico e financeiro

2011-10-08T11:21:00.002+02:00

Responsabiliza ao BE e ao Ministerio de Economía de deixar a Galiza sen instrumentos financeiros para xestionar os recursos dos galegos/as desde unha óptica de país

Á espera dunha confirmación oficial por parte da dirección do Banco Pastor, que a CIG intentou obter hoxe sen éxito, e malia onte non recibir ningunha información ao respecto na xuntanza mantida entre as organizacións sindicais e a dirección da entidade, a Confederación Intersindical Galega valora a posíbel absorción ou compra do Banco Pastor por parte do Grupo Popular como unha noticia negativa para Galiza.
10-03-26 Concentración Fundación Barrie

1º A CIG considera que isto é froito da política emprendida polo Banco de España e o Ministerio de Economía tendente a eliminación e desaparición da pequenas e medianas entidades financeiras coa fin de producir unha concentración no sector.

2º O Banco de España teima en que o tamaño das entidades é fundamental sen ter en conta que o máis importante é garantir unha boa xestión e unha situación saneada, máis alá do seu tamaño.

3º Estase a producir unha concentración e centralización do poder político, económico e financeiro na que Galiza está perdendo peso e capacidade de decisión o cal lastrará cara o futuro a posíbel saída desta crise económica ao prescindir de entidades que permitirían xestionar os recursos dos galegos e galegas desde unha óptica de país.

4º Por parte da CIG estaremos especialmente vixilantes e atentos ás consecuencias laborais que este proceso de fusión poida orixinar, nomeadamente nos servizos centrais na cidade da Coruña. Se até o de agora A Coruña era a capital financeira de Galiza, coa desaparición dos servizos centrais do Banco Gallego, froito dun ERE, o proceso de concentración das caixas de aforros e agora a posíbel desaparición dos servizos centrais do Banco Pastor se se dá a absorción por parte do Grupo Popular, convertería a esta cidade nun erial do punto de vista do emprego no sector financeiro.

5º En todo caso, a CIG entende que é precisa unha implicación do Goberno galego para que as consecuencias, do punto de vista laboral, sexan as mínimas posíbeis, insistindo, sobre todo, en que a cidade da Coruña manteña servizos centrais das distintas entidades financeiras, neste caso concreto do Banco Pastor.

Extraido de Avantar

Danse os primeiros pasos para a constitución da futura federación de Industria na CIG

2011-10-07T01:01:00.002+02:00

Agárdase que o proceso culmine no primeiro semestre de 2012 coa unificación definitiva das federacións de Metal e de Químicas

As executivas das federacións de Metal e de Químicas da CIG comezaron a manter xuntanzas a nivel nacional para elaborar o calendario e desenvolver os traballos necesarios para facilitar o proceso de unificación, que se prevé que conclúa no primeiro semestre de 2012. Deste xeito dáse cumprimento aos acordos acadados nos respectivos congresos, nos que se marcou como un dos obxectivos dar os pasos necesarios para confluír nunha única federación que pasaría a denominarse federación de Industria.

Estas xuntanzas, que se están a celebrar a nivel nacional, vanse reproducir tamén a nivel comarcal coa idea de preparar toda a documentación necesaria e deseñar un calendario que concluirá coa definitiva unificación.

Polo momento xa se comezou a planificar de forma conxunta a estratexia en materia de acción sindical, negociación colectiva e eleccións sindicais.

A futura federación de Industria terá unha forte implantación en todas as comarcas, cunha afiliación que supera os 17.000 afiliados/as. Deste xeito a CIG pretende facilitar o traballo para incrementar a súa eficacia en sectores de actividade nos que, até o de agora, se estaba a traballar por separado.

Extraido da web da CIG Metal

A CIG apostará por convenios de ámbito galego e por prohibir que se rebaixen as condicións laborais nos de empresa

2011-10-07T00:58:00.001+02:00

Os delegados/as da central sindical manifestan o seu máis absoluto rexeitamento á reforma da negociación colectiva por favorecer a precarización das condicións laborais
Máis de 200 delegados/as da CIG participaron na mañá deste xoves, día 6 de outubro, no “Encontro Nacional de Negociación Colectiva”. Unha xornada de traballo na que se analizaron as graves repercusións que, para as traballadoras/es, terán as mudanzas introducidas na lexislación laboral a través das últimas reformas aprobadas polo goberno español e na que se debateu a estratexia da central sindical de cara ao proceso de negociación colectiva do vindeiro ano. O secretario xeral, Suso Seixo, que pechou o acto, avanzou que a CIG pulará por convenios de ámbito galego, nos que se prohiba expresamente asinar outros de empresa que rebaixen as condicións laborais e salariais dos traballadores/as do mesmo sector.

No encontro fíxose una valoración moi negativa dunha reforma –a da negociación colectiva- que o que pretende é “dar prevalencia aos convenios de empresa fronte aos de sector, para que estas poidan pactar condicións laborais por debaixo”, explicou Seixo, quen afirmou que, na práctica, supón “deteriorar as condicións laborais e económicas dos traballadores e traballadoras ao establecer un marco de negociación á baixa que provocará a perda das melloras acadadas”.

O secretario xeral da CIG considera que o que se busca é dividir aos traballadores/as e debilitar a súa capacidade de organización e resposta.

Para combater esta situación, dixo, a CIG “seguirá dando a batalla por conseguir a prevalencia de convenios provinciais de sector”, mantendo os actuais mentres non se asinen convenios de ámbito galego; intentará “negociar convenios, en toda Galiza, a partir dos que se articulen convenios de ámbito galego, en todos os sectores, nos que se prohiban expresamente convenios de empresa con condicións inferiores a estes, aos provinciais que estean vixentes e aos sectoriais”.

Mudanzas legais

Os encargados de explicar as mudanzas legais introducidas nas últimas reformas foron os avogados Héctor López de Castro e Luís Burgos.

López de Castro sinalou que todas as modificacións van na liña de liberalizar as relacións laborais, “baseándose en preconceitos como que abaratar o despedimento favorece a contratación, cando a experiencia demostra que é todo o contrario, ou que apostar por contratos temporais e a media xornada posibilitan a creación de emprego”.

Lembrou que con todas estas reformas apenas queda nada xa do que se estabelecía no Estatuto dos Traballadores aprobado en 1980 e que para introducir os cambios lexislativos que veñen de aprobarse, aproveitouse o contexto de profunda crise económica que atravesamos, porque noutras circunstancias, dixo, “sería impensábel abordalos e terían provocado una grande resposta social”. Pero, advertiu, “non son reformas pensadas para afrontar a crise, senón para mantelas despois”.

Destes, salientou os cambios en materia de contratos: a redución das indemnizacións por despedimento; a introdución dun contrato indefinido no que se estabelecen condicións semellantes ás dos contratos en precario; no que se amplían as causas que se recoñecen como obxectivas para despedir e no que o despedimento é moito máis barato e, ademais, subvencionado. Un contrato indefinido que se equipara, en síntese, ao temporal, canto a custos empresariais se refire.

En diante, as empresas poderán alegar causas económicas imprecisas, como posíbeis perdas futuras, para xustificar un despedimento. A empresa tampouco terá que probalo se alega causas técnicas, organizativas ou de produción.

Deste xeito, afirmou, facilítase que as empresas gañen no xulgado e que saia moitísimo máis barato despedir. Até tal punto que “un contrato temporal en fraude de lei está agora máis protexido que un contrato indefinido”.

Respecto do contrato de Fomento da contratación indefinida, salientou que, ademais de estar subvencionado e abranguer a practicamente calquera traballador/a, permite despedir, sen motivo, e cunha indemnización de 33 días.

A nova lexislación tamén permite aplicar un salario inferior ao convenio sectorial e mesmo reducir a xornada laboral.

Diálogo social

O avogado e representante da CIG no CES, Luís Burgos, sinalou que estas son as consecuencias dun modelo de diálogo social que “non serve en época de bonanza e menos en época de crise, cando se impoñen os cambios por decreto”.

Para Burgos, o dereito social retírase e individualízanse as relacións contractuais. “O dereito laboral xa non serve ao traballador”, dixo, concluíndo que o que estabelece é “un marco de negociación favorábel ao empresario”.

De feito, insistiu, na empresa estabelécese “a lei da selva” ao eliminar o “chan mínimo” que antes existía. “Preténdese minar así a práctica sindical e ás organizacións sindicais” afirmou, augurando que ante este contexto os empresarios “seguirán potenciando a CCOO e UGT como sindicatos representativos para garantir un marco de actuación favorábel”.

Coincidindo con López de Castro, insistiu en que non se trata de reformas pensadas para saír da crise, senón de reformas “que favorezan un modelo de relacións laborais no que teña o maior peso o empresariado”.

Abordar a negociación colectiva

E se o panorama descrito xa non era nada esperanzador, o secretario confederal de Negociación Colectiva e Saúde Laboral, Antolín Alcántara, alertou do que se pode atopar a clase traballadora tras das eleccións do 20-N nas que, segundo todos os prognósticos, o PP acadará unha ampla maioría absoluta. “As grandes multinacionais seguen reclamando que se vaia aínda máis alá, porque non lles parece que isto sexa abondo para asegurar que o dominio da empresa é prevalente”. Reclamacións que Alcántara considera que o goberno saínte, presidido por Rajoy, atenderá xa nos primeiros meses de mandato.

O secretario confederal de Negociación Colectiva lembrou que grazas ás mobilizacións promovidas pola CIG en 2009 -14 folgas provinciais de sector- conseguiuse un incremento salarial do 5,5%. “Iso é o que quere a patronal evitar e esta reforma trata da descompoñer ese ámbito e debilitalo”.

Denunciou os acordos interconfederais de negociación colectiva asinados por CCOO e UGT, xunto coa patronal. Acordos onde se limitan os incrementos salariais, quedando mesmo por debaixo do IPC. “Para este ano pactaran un incremento do 2,5. Un acordo que agora á patronal xa non lle vale”.

Alcántara sinalou que a prevalencia dos convenios de empresa afectan, sobre todo, aos traballadores das pequenas e medianas empresas, porque estas poderán mudar todo o relativo a salario, xornada, horario e tempo de traballo, réxime de traballo a quendas, calendario de vacacións e mesmo en materia de conciliación. “A non ser que o convenio a nivel estatal ou autonómico determine que non se poden mudar certos aspectos”.

Diante desta nova situación explicou que o traballo sindical terá que dirixirse cara a provocar un novo escenario, “fortalecendo o ámbito galego, limitando os convenios de empresa e dándolle continuidade aos convenios provinciais”.

Extraido de Avantar

Os traballadores/as do naval continúan polas rúa de Fene as mobilizacións masivas en demanda do dique flotante

2011-10-06T15:03:00.002+02:00

Miles de traballadores/as de Navantia e das empresas auxiliares volveron saír ás rúas este mércores 5 de outubro para reclamar das administracións un compromiso real que permita botar a andar a construción do novo dique flotante e para demandar carga de traballo para o sector naval da ría de Ferrol. Esta xornada protesta desenvolveuse dende o estaleiro do Perlío até o Concello de Fene, onde unha representación dos traballadores/as presentou ao rexedor local as reivindicacións do colectivo.

Nesta ocasión, e seguindo o calendario de mobilizacións acordado, os traballadores e as traballadoras da empresa principal en Ferrol e da industria auxiliar trasladáronse en autobús até a outra beira da ría para xuntarse co persoal do estaleiro do Perlío, de onde saíron, logo das dez da mañá, en manifestación cara ás portas do Concello de Fene.

Ao igual que aconteceu a pasada semana, unha representación do persoal accedeu ao interior da casa consistorial para manter un encontro do alcalde de Fene, Gumersindo Galego, do Partido Popular, ao que trasladaron as súas reivindicacións e ao que demandaron que poña en marcha todos os mecanismos que estean na súa man para esixir a construción do novo dique flotante.

A este respecto, un dos voceiros da CIG de Ferrol e membro da sección sindical da CIG en Navantia, Manel Grandal, criticou o desinterese amosado pola Consellaría de Industria ante os problemas do naval, pois aínda non contestou á solicitude cursada pola representación dos traballadores/as o pasado mes de xuño para manter unha reunión.

Esta infraestrutura, lembran dende a CIG de Ferrol, permitiría paliar de xeito inmediato o problema da falta de carga de traballo nos estaleiros (xa que daría ocupación durante algo máis de dous anos) e a longo prazo posibilitaría aos estaleiros da ría de Ferrol estar presente no mercado de reparación de buques ao máximo nivel de competitividade. Neste senso, subliñan que este sector de reparacións e carenas ten unha gran demanda na actualidade e preséntase como un negocio capaz de garantir viabilidade ás instalacións de Fene e Ferrol.

Neste contexto, Grandal lanzou unha chamada de atención ao goberno galego e estatal sobre a necesidade de centrar esforzos nun sector clave para a comarca, do que dependen 17.000 empregos. “Aquí non existen alternativas económicas”, advertiu, “o naval é a única industria que está amortecendo a caída do emprego; a xente nova que traballa está indo para o naval, incluso os traballadores/as que proceden de servizos ou construción”.

Non obstante, dende a Sección Sindical da CIG en Navantia teñen subliñado en numerosas ocasións que a non construción do dique flotante deixaría fóra deste mercado aos estaleiros ferroláns, xa que o actual dique carece de capacidade suficiente para atender aos buques de maior tamaño; minguando deste xeito as posibilidades de futuro para o sector.

As protestas trasládanse até Compostela

O calendario de mobilizacións acordado polas asembleas de traballadores/as continuará o vindeiro 19 de outubro cunha protesta polas rúas de Compostela. Ademais, as organizacións sindicais CIG, CCOO, UGT e USTG teñen convocada unha gran manifestación o domingo 6 de novembro en defensa do emprego e do sector naval. A marcha partirá ás 12:00 horas dende o Inferniño baixo o lema “Polo emprego e o futuro da comarca. O naval é fundamental. Carga de traballo xa”.

Extraido de Avantar

A CIG-Metal mobilízase para exixir da Xunta e do goberno estatal solucións inmediatas para salvar o sector naval galego

2011-10-05T16:02:00.005+02:00

A manifestación percorreu as rúas de Compostela, desde a Alameda até o edificio administrativo da Xunta de Galiza, en San Caetano. Delegados e delegadas da CIG do sector naval das comarcas de Ferrol e Vigo manifestáronse esta mañá polas rúas de Compostela para reclamarlle aos gobernos español e galego a súa inmediata intervención para que o sector poida superar a grave crise que padece. A central sindical demanda que Facenda e a Seguridade Social apracen o cobro das débedas contraídas pola industria auxiliar e que se articulen novos sistemas que faciliten o crédito.

A manifestación partía pasadas as 11:00 horas da Alameda compostelá para rematar en San Caetano, onde o secretario nacional de CIG-Metal, Xoán Xosé Bouzas, desmentía que “non é verdade que no sector naval haxa unha merma progresiva na carga de traballo, senón unha redución drástica nos encargos actuais, unha falla total de financiamento por parte das entidades de crédito e unhas administracións cun pasotismo total”.

Bouzas alertou que dada a actual situación, o sector corre perigo de desaparecer, xerando “máis desemprego e máis miseria industrial” e denunciou os intentos do conselleiro de Industria de desmobilizar co pretexto de que meter máis ruído no sector pode “trasladar os competidores internacionais máis problemática”. Con esta posición, o secretario nacional de CIG-Metal entende que o que se pretende é “deixalo morrer sen que se entere ninguén”.

A Xunta de Galiza intenta desentenderse

Xunto a isto, denunciou que a Xunta de Galiza non ten ningunha política para o sector, nin un modelo alternativo e que se limita a xustificarse alegando que non ten competencias. “A Xunta debe ser garante de que se fagan políticas que incentiven o sector naval para conseguir carga de traballo, garantir as melloras fiscais que sexan necesarias para que o fagan competitivo, como se ten dado noutros países europeos que si aplican medidas fiscais e os seus gobernos se converten en garantes do futuro logrando contratos para o sector”.

Abandono do goberno do PSOE

Bouzas foi contundente a este respecto afirmando que “o goberno do Estado xa hai tempo que abandonou o sector naval galego, desde a prohibición da construción naval civil, no caso de Navantia Ferrol, até o desvío de carga de traballo a outros estaleiros doutras zonas do Estado”.

Fronte esta actuación, demandou que “estea á altura das circunstancias e exixa a Bruxelas as bonificacións fiscais que o sector necesita, o tax lease anterior ofrecía un desconto superior o 30%”.

En representación da CIG-Metal fixo un chamamento á patronal para que asuman as súas responsabilidades “xa que eles, coas súas actitudes, tamén puxeron en grave risco o sector, tanto na construción como na reparación naval”.

Alternativas da CIG

Xoán Xosé Bouzas presentou ademais toda unha serie de medidas alternativas, entre as que sinalou unha política comercial de acordo coa normativa estatal e comunitaria que ten que desenvolver o goberno español, cunha política máis agresiva á hora de negociar con outros países as novas contratacións militares ou civís e unha maior implicación política para os contratos con armadores ou navieiras para contratos de reparación.

A creación dos centros de reparación nas rías de Vigo e Ferrol, xunto coa construción dun dique flotante na ría de Ferrol e a exixencia do levantamento do veto a Navantia Ferrol.

Políticas de apoio ás empresas asentadas no sector para lograr mellorar a xestión e o desenvolvemento de proxectos tecnolóxicos; a creación do Fondo Patrimonial de Garantías a nivel galego e plans de asentamento para os traballadores do sector, alén de medidas que eviten os despedimentos, neste período, con apoio ás empresas que se vexan abocadas á presentación de EREs.

“Hai alternativas”, asegurou Bouzas, “só fai falla vontade política para pórlle prazos e levalas a cabo”, rematou, facendo un chamamento a toda a sociedade para que manifeste o seu apoio e defenda a un sector “estratéxico para Galiza, para que volva ter capacidade e carga de traballo”.

Extraido de CIG Metal

Accede a Galería de imaxes fai CLIC AQUÍ

A CIG manifestarase o 23 de outubro en defensa do emprego e dos servizos públicos

2011-10-05T15:45:00.003+02:00

Paulo Carril e Suso Seixo na Asemblea de Delegados.

Delegados e delegadas da CIG do sector naval das comarcas de Ferrol e Vigo manifestáronse esta mañá polas rúas de Compostela para reclamarlle aos gobernos español e galego a súa inmediata intervención para que o sector poida superar a grave crise que padece. A central sindical demanda que Facenda e a Seguridade Social apracen o cobro das débedas contraídas pola industria auxiliar e que se articulen novos sistemas que faciliten o crédito.

A manifestación partía pasadas as 11:00 horas da Alameda compostelá para rematar en San Caetano, onde o secretario nacional de CIG-Metal, Xoán Xosé Bouzas, desmentía que “non é verdade que no sector naval haxa unha merma progresiva na carga de traballo, senón unha redución drástica nos encargos actuais, unha falla total de financiamento por parte das entidades de crédito e unhas administracións cun pasotismo total”.

Bouzas alertou que dada a actual situación, o sector corre perigo de desaparecer, xerando “máis desemprego e máis miseria industrial” e denunciou os intentos do conselleiro de Industria de desmobilizar co pretexto de que meter máis ruído no sector pode “trasladar os competidores internacionais máis problemática”. Con esta posición, o secretario nacional de CIG-Metal entende que o que se pretende é “deixalo morrer sen que se entere ninguén”.

A Xunta de Galiza intenta desentenderse

Abandono do goberno do PSOE

Do mesmo xeito, denunciou o papel que están xogando o socialista Miguel Sebastián, Ministro de Industria, “que recomendou falar pouco do tax lease, para que o expediente aberto polo comisario europeo da competencia, tamén do PSOE, Joaquín Almunia, e que afecta o sector naval se resolva o antes posíbel”.

Bouzas foi contundente a este respecto afirmando que “o goberno do Estado xa hai tempo que abandonou o sector naval galego, desde a prohibición da construción naval civil, no caso de Navantia Ferrol, até o desvío de carga de traballo a outros estaleiros doutras zonas do Estado”.

Fronte esta actuación, demandou que “estea á altura das circunstancias e exixa a Bruxelas as bonificacións fiscais que o sector necesita, o tax lease anterior ofrecía un desconto superior o 30%”.

En representación da CIG-Metal fixo un chamamento á patronal para que asuman as súas responsabilidades “xa que eles, coas súas actitudes, tamén puxeron en grave risco o sector, tanto na construción como na reparación naval”.

A central reitera que é o modelo capitalista o que está en crise e reclama a aplicación de políticas alternativas que permitan encetar un novo modelo económico e social
A CIG presentou esta mañá en rolda de prensa a campaña “Si, existen alternativas! En defensa do emprego e dos servizos públicos” que rematará neste primeira fase cunha manifestación nacional o vindeiro 23 de outubro en Compostela. Con esta campaña á central sindical pretende enfrontar a falsa idea de que a única saída á crise pasa polos recortes sociais e laborais, pondo en valor que hai outras políticas posíbeis, mais que requiren rachar co modelo capitalista neoliberal.

Con esta nova campaña, explicou o Secretario Xeral da CIG, Suso Seixo, e a Secretaria Nacional de Muller, Margarida Corral, a central nacionalista dá continuidade ás mobilizacións realizadas no verán en defensa do emprego e contra os recortes nos servizos públicos; recortes que teñen incidencia importante na calidade dos servizos, mais tamén no emprego, pois a través destes retallos estase a destruír unha cantidade importante de postos de traballo.

Aínda que a campaña nace coa idea de ter continuidade no tempo, a primeira etapa rematará o vindeiro domingo 23 de outubro cunha manifestación nacional en Compostela aberta á participación de toda a cidadanía. A marcha, que sairá da Alameda ás 12:30 horas, estará precedida de asembleas de delegados e delegadas da CIG en todas as comarcas, celebrándose a primeira delas este mesmo mércores na Coruña. “Dende a CIG queremos desmontar as falsidades utilizadas para aplicar as políticas de recortes e propor á cidadanía que existen alternativas, pero hainas que enmarcar dentro dun modelo económico e social distinto ao capitalista neoliberal”, resumía Suso Seixo ao inicio da rolda.

Alternativas aos recortes

Dende o inicio da crise económica, a CIG veu alertando que as medidas sociais e laborais adoptadas non ían axudar á saír da situación de recesión e facilitar a creación de emprego, senón que o seu efecto sería contrario, posto que non inciden nas verdadeiras causas da crise. Unha crise financeira na súa orixe e vinculada a unha economía especulativa argallada á marxe da economía real e na que apenas ten peso o sector produtivo.

Neste senso, Seixo criticou que dende o estoupido da crise os estados teñan inxectando enormes recursos públicos á banca, primeiro con achegas directas para a súa recapitalización, e agora permitindo a especulación coa débeda pública, que ten deixado ao borde da quebra a moitos estados. “Os problemas coa débeda pública remataríanse cunha medida tan sinxela como que o Banco Central Europeo comprase á débeda aos estados”, sinalou Seixo, quen criticou que os gobernos europeos e o BCE eviten enfrontar unha decisión deste calado.

O Secretario Xeral da CIG puntualizou que os problemas económicos que poida ter a banca son coa débeda privada e non coa pública. No caso do estado español, a débeda pública representa o 65% do PIB mentres que a privada representa o 217% do PIB. “Se os recursos que se destinan á recapitalizar á banca privada se destinasen á crear unha Banca Pública hoxe as medianas e pequenas empresas, así como as familias, terían a posibilidade de acceder ao crédito e estaríamos nunha situación económica e en materia de emprego totalmente distinta”, aseverou.

Encetando con esta problemática, Seixo cuestionou as medidas aplicadas polos gobernos para reducir o déficit público, medidas todas elas baseadas en recortes do gasto público e a conseguinte perda de calidade dos servizos e do emprego. Pola contra, a CIG propón atallar esta cuestión pola vía contraria: equilibrar os orzamentos incrementando os ingresos.

“Isto supón falar dun cambio na política fiscal, incrementar os impostos á banca, ás rendas máis altas e ás grandes fortunas, recuperar o imposto de patrimonio e sucesións, rematar coa fraude fiscal e cos paraísos fiscais, etc.. Segundo os datos dos inspectores de Facenda, a fraude fiscal no Estado español sitúase nos 66.000 millóns de euros, fraude que nun 71% está cometida pola banca e as grandes empresas”, puntualizou.

A importancia do voto

“Existen políticas alternativas, o que realmente está en crise é este modelo capitalista neoliberal, mais esta cuestión non se quere abordar”, matizou. Ante isto, o Secretario Xeral da CIG adiantou que as eleccións que se celebrarán o 20 de novembro non solucionarán a crise e mesmo advertiu que no caso dunha maioría absoluta do PP, a situación agravarase de xeito considerábel, xa que seus son os principios deste modelo.

Fronte a isto, Seixo animou a cidadanía a participar activamente co seu voto o día das eleccións, co obxecto de conseguir que mude a correlación de forzas no Congreso a favor daquelas organizacións políticas que durante este tempo estiveron opóndose á batería de medidas antisociais e aos recortes e que defenden un modelo económico e social alternativo.

Extraido de Avantar

Intervención no Parlamento de Carlos Aymerich con preguntas sobre EMESA dirixidas a Odilo Martiñá Director Xefe de Relacións Laborais da Xunta

2011-10-03T11:32:00.002+02:00

Despois de ver as declaracions de Odilo Martiñá no Parlamento galego e interesante que mires o que dixo a Conselleira de Traballo e Benestar dias despois alí mesmo. Fai CLIC AQUÍ para ver as mentiras de Betriz Mato sobre o caso EMESA.

Descarga a intervención de Carlos Ahymerich
facendo CLIC AQUÍ

Emesa resucita el fantasma de Sidegasa

2011-10-03T08:12:00.001+02:00

La coruñesa Elaborados Metálicos nació en 1958 y superó varias crisis a lo largo de su historia, pero ahora la plantilla teme por el futuro de la compañía, en manos de Isolux Corsán, tras encadenar varios ERE

El centro comercial Dolce Vita ocupa el solar que albergó durante 40 años la fábrica de Elaborados Metálicos (Emesa), una de las primeras de A Grela. En los años 70 y 80, la firma lideró la creación de una siderúrgica integral gallega, Sidegasa, un proyecto que no funcionó y que en menos de diez años dejó en la calle a más de 500 trabajadores. Con la llegada de Isolux Corsán en 1999, Emesa se trasladó a Coirós, donde vivió épocas de bonanza y también duros reveses. En los últimos años la plantilla se ha reducido en más de 200 trabajadores y encadena tres ERE temporales y uno de extinción, situación que evoca a los fantasmas del pasado

ANA BELICIA GIORGINI | A CORUÑA La industria ha ido perdiendo peso poco a poco en A Coruña . Sólo el 13% de las empresas de la comarca pertenecen a este sector. El cinturón industrial de A Grela se ha estrechado década a década, y antes de la actual crisis, hasta convertirse cada vez más en un área comercial. Prueba de ello es Dolce Vita, asentado en el antiguo solar de Elaborados Metálicos S A (Emesa), una de las primeras empresas que se instaló en el polígono coruñés -se fundó en el año 1958- y que llegó a emplear a más de 1.000 trabajadores. La fábrica tenía diversas secciones de tratamiento siderúrgico y, gracias a su maquinaria puntera y a su amplia y cualificada plantilla, pronto se convirtió en una compañía líder tanto dentro como fuera de Galicia. En la actualidad -después de trasladarse a Coirós de la mano de Isolux Corsán-, de la Belle Époque de Emesa quedan las importantes e imponentes estructuras y edificaciones que construyó a lo largo de todo el mundo y un grupo de trabajadores cada vez más reducido que lucha por recuperar el prestigio de una compañía emblemática.

En los últimos tres años, la empresa ha reducido su plantilla de casi 400 empleados a 163 y desde 2009 encadena tres Expedientes de Regulación de Empleo (ERE) temporales y uno de extinción. La Xunta acaba de autorizar a la empresa a negociar una cuarta regulación laboral tan sólo unos días después de que el grupo industrial haya comunicado el despido a otros 14 empleados en medio de las protestas de los trabajadores, que llevan tres años advirtiendo de la pérdida de puestos de trabajo que ya ven como paso previo a la venta o desmantelamiento de la planta. Los problemas que atraviesa Emesa han resucitado viejos fantasmas en A Coruña, entre ellos el de Sidegasa. La siderúrgica integral de Galicia creada en 1979 en Teixeiro y en la que Emesa tuvo un peso importante. El proyecto fracasó y, con menos de 10 años de vida, la fábrica cerró y dejó en la calle a más de 500 trabajadores. Desde agosto de 1987 hasta el 16 de abril de 1988 -el cierre oficial- los trabajadores protagonizaron sonoras protestas para evitar el desmantelamiento de las instalaciones, pero todo fue inútil.

Fernando Corral Naveira, Cholo, entró a trabajar a los 14 años en Emesa, en A Grela. Hoy, a sus 55 años, recuerda con indignación varias de las decisiones que han tomado empresarios y políticos a lo largo de estas décadas y que han minado el sector del acero en la comunidad. Pero también tira de orgullo y optimismo para aclarar que ya ha vivido varias crisis a lo largo de su vida y espera salir también de ésta.

"Todo lo que funciona en Galicia lo compran o se lo llevan. El Banco Pastor (en 1966 se hizo cargo de Emesa por su falta de liquidez) tuvo que deshacerse poco a poco de su cartera industrial y eso afectó a Emesa y a Sidegasa, que ya nació muerta. Se creó con muy poco capital y su venta a la catalana Celsa, con el beneplácito de la Xunta, no arregló nada. Con su cierre y los problemas que encadenó Emesa, la industria en A Coruña se vino abajo", explica el empleado de la oficina técnica y representante de UGT en el comité de empresa.

La compañía coruñesa superó con éxito la crisis energética de finales de los años 70, década en la que construyó el puente de Rande, y también el proceso de reconversión de la industria pesada en los 80, por el que se vio afectada Sidegasa. "En el 82 hubo una fuerte crisis y se produjeron muchos recortes. Lo pasamos muy mal, pero salimos adelante. A diferencia de lo que ocurre ahora, en aquel entonces el Banco Pastor movió ficha y nos concedieron el edificio de la Torre Picasso, de Madrid, que nos dio trabajo para dos años", rememora Cholo.

La última etapa de Emesa está marcada por la entrada del grupo Isolux Corsán, que compró la compañía en 1999, aunque operó de forma independiente hasta 2005. La multinacional obtuvo una subvención y trasladó a Coirós el departamento de construcciones metálicas, la única sección que se mantenía después de que en 1984 se formase Emesa Trefilería, en Sabón. Tras un periodo de bonanza, marcado en gran medida por la diversificación de actividad hacia el sector eólico -Emesa instaló el primer aerogenerador de Galicia, en un parque coruñés-, comenzó el calvario de la plantilla.

"El día 22 terminó el tercer ERE, y el cuarto, si se aprueba, comenzará en quince días y afectará a otros 93 empleados. No estamos dispuestos a aceptarlo porque la empresa no nos garantiza que no va a haber más despidos, como los 14 del otro día. Hasta ahora la Xunta se lo ha permitido aunque no presenten toda la documentación, por eso no sabemos cómo acabará esto", asegura el presidente del comité de empresa, Andrés Rodríguez (CIG). La dirección de Emesa ha declinado varias veces responder a las preguntas de este diario sobre este asunto.

"No nos creemos que el grupo Isolux, con su carga de trabajo en todo el mundo, no tenga nada para nosotros, pero no sabemos cuál es su estrategia. No creo que quieran cerrar la empresa, porque ya lo hubieran hecho hace tiempo, igual pretenden venderla o reducir la plantilla y esperar a que repunte el boom eólico", añade Rodríguez.

La terminal T-4 de Barajas, el Hotel Arts de Barcelona y emblemáticas obras del arquitecto Santiago Calatrava, como la estación de Lieja (Bélgica), la de Lisboa o la Ciudad de las Artes y las Ciencias de Valencia son algunas de las construcciones que ensalzaron a Emesa y la convirtieron en un referente mundial. Sin embargo, según denuncian los trabajadores, las subcontrataciones del grupo, movidas por una política de abaratamiento de costes, provocaron que el nombre de Emesa se viera empañado hace unos años por malas estructuras que no se habían fabricado en Coirós.

Tras acumular clientes a lo largo y ancho del mundo por su buen hacer en calderería, Isolux decidió apostar por la construcción de aerogeneradores -"un caramelo muy rico y con un sistema más sencillo", según Rodríguez- y aparcar la producción de estructuras metálicas. Ahora, con el sector eólico en stand by, dependen de Fomento, que tiene paralizados dos puentes que deberían proyectarse y construirse en Coirós. "Es difícil recuperar clientes después de salir del mercado. Necesitamos que se queden trabajadores cualificados, tranquilidad y continuidad en la dirección porque, aunque el futuro esté negro, volveremos a salir adelante", pronostica Cholo.

Extraido de La Opinión de A Coruña

Escolma de prensa 1 de outubro de 2011

2011-10-01T11:39:00.000+02:00

A Xunta abandona aos traballadores/as de Emesa permitindo ao Grupo Isolux avanzar no desmantelamento da factoría de Coirós

Avantar
La Xunta da por válidos los datos aportados por Emesa para el ERE

El Ideal Gallego

El cómite de Emesa dice que la Xunta los ''abandona'' al seguir adelante con el ERE

El Progreso

Trabajadores de EMESA acusan a la Xunta de abandonarlos y permitir su desmantelamiento

ABC

La Xunta admite a trámite el ERE de Emesa que afecta a 93 empleados en Coirós

La Opinión de A Coruña

El comité de empresa de Emesa acusa a la Xunta de «abandonarlos» y permitir desmantelamiento de la fábrica de Coirós

La Voz de Galicia

A Xunta abandona aos traballadores/as de Emesa permitindo ao Grupo Isolux avanzar no desmantelamento da factoría de Coirós

2011-09-30T14:55:00.002+02:00

AConsellaría de Traballo dá por válida a documentación incompleta presentadapola empresa mentres evita pronunciarse sobre os 14 despedimentos executados

O Comité deElaborados Metálicos EMESA quere denunciar publicamente o abandono deresponsabilidades e a situación de absoluta indefensión no que a Xunta deGaliza ten deixado aos traballadores/as da empresa, mentres pola contra, actúaa favor do Grupo Isolux Corsán, facilitando o proceso de desmantelamento dafactoría de Coirós.

Por unha banda, e sencomunicación aínda a día de hoxe ao Comité de Empresa, a Consellaría deTraballo vén de reiniciar desde o 26 de setembro, os trámites do expediente desuspensión logo de dar por válida a documentación presentada o pasado venrespola empresa ante a Xunta e ante o Comité. Documentación que non responde aorequirimento feito pola propia Consellaría, solicitando á dirección informes sobreo número de pedidos recibidos polo Grupo Isolux no ramo do metal, tanto a nivelnacional como internacional, as previsións para 2012, así como datos a respectodas externalizacións da carga de traballo.

A documentaciónentregada pola empresa ao Comité non dá resposta a estas cuestións, razón polaque a representación do persoal remitiu un novo escrito á Consellaría o venres23 de setembro, solicitando o arquivo do expediente de suspensión de empregos.Non obstante, agora a administración galega dá por cumprido o requirimento comero feito da empresa achegar datos, sen comprobar a súa validez e actuandocontra os seus propios actos.

Con esta decisión,a Xunta incumpre o compromiso adquirido polo Director Xeral de RelaciónsLaborais ante os traballadores o pasado xoves 22 de setembro, e ante a Cámaragalega, asegurando que a Consellaría actuaría con todo o rigor e non admitiríao ERE se Emesa non presentaba toda a documentación legalmente demandada.

Así mesmo, o Comitéde Empresa tivo coñecemento que a Xunta non ten intención de responder ápetición trasladada pola parte social solicitando que deixe sen efecto osdespedimentos comunicados pola dirección. Unha vez máis, a Consellaría deTraballo desinhíbese das súas responsabilidades, incumpre o rigor esixido polaLei, e deixa sen aplicar a normativa recollida no Estatuto do Traballadores quelle obriga á autoridade laboral, áConsellaría de Traballo a paralizar calquera actuación do empresariado quepuidesen facer ineficaz os pronunciamentos administrativos a respecto doexpediente.

Este desinterese daXunta deixa nunha situación de total indefensión aos traballadores etraballadoras de Emesa, permitindo ao Grupo Isolux Corsán avanzar no proceso dedesmantelamento da factoría e na destrución de máis de 150 empregos na comarca.

Ademais dende oComité denunciaron novamente a falta de resposta por parte da conselleira deTraballo, Beatriz Mato, que máis dunha semana despois de adquirir o compromisode reunirse co Comité aínda non ten concretado unha data para tal xuntanza.

EnCoirós, a 30 de setembro de 2011

OCOMITÉ DE EMPRESA

O pacto entre Mato e Isolux

2011-09-30T14:52:00.003+02:00

A Xunta abandona aos traballadores/as de Emesa permitindo ao Grupo Isolux avanzar no desmantelamento da factoría de Coirós

2011-09-30T14:13:00.001+02:00

A Consellaría de Traballo dá por válida a documentación incompleta presentada pola empresa mentres evita pronunciarse sobre os 14 despedimentos executados

O Comité de Elaborados Metálicos EMESA quere denunciar publicamente o abandono de responsabilidades e a situación de absoluta indefensión no que a Xunta de Galiza ten deixado aos traballadores/as da empresa, mentres pola contra, actúa a favor do Grupo Isolux Corsán, facilitando o proceso de desmantelamento da factoría de Coirós.

Por unha banda, e sen comunicación aínda a día de hoxe ao Comité de Empresa, a Consellaría de Traballo vén de reiniciar desde o 26 de setembro, os trámites do expediente de suspensión logo de dar por válida a documentación presentada o pasado venres pola empresa ante a Xunta e ante o Comité. Documentación que non responde ao requirimento feito pola propia Consellaría, solicitando á dirección informes sobre o número de pedidos recibidos polo Grupo Isolux no ramo do metal, tanto a nivel nacional como internacional, as previsións para 2012, así como datos a respecto das externalizacións da carga de traballo.

A documentación entregada pola empresa ao Comité non dá resposta a estas cuestións, razón pola que a representación do persoal remitiu un novo escrito á Consellaría o venres 23 de setembro, solicitando o arquivo do expediente de suspensión de empregos. Non obstante, agora a administración galega dá por cumprido o requirimento co mero feito da empresa achegar datos, sen comprobar a súa validez e actuando contra os seus propios actos.

Con esta decisión, a Xunta incumpre o compromiso adquirido polo Director Xeral de Relacións Laborais ante os traballadores o pasado xoves 22 de setembro, e ante a Cámara galega, asegurando que a Consellaría actuaría con todo o rigor e non admitiría o ERE se Emesa non presentaba toda a documentación legalmente demandada.

Así mesmo, o Comité de Empresa tivo coñecemento que a Xunta non ten intención de responder á petición trasladada pola parte social solicitando que deixe sen efecto os despedimentos comunicados pola dirección. Unha vez máis, a Consellaría de Traballo desinhíbese das súas responsabilidades, incumpre o rigor esixido pola Lei, e deixa sen aplicar a normativa recollida no Estatuto do Traballadores que lle obriga á autoridade laboral, á Consellaría de Traballo a paralizar calquera actuación do empresariado que puidesen facer ineficaz os pronunciamentos administrativos a respecto do expediente.

Este desinterese da Xunta deixa nunha situación de total indefensión aos traballadores e traballadoras de Emesa, permitindo ao Grupo Isolux Corsán avanzar no proceso de desmantelamento da factoría e na destrución de máis de 150 empregos na comarca.

Ademais dende o Comité denunciaron novamente a falta de resposta por parte da conselleira de Traballo, Beatriz Mato, que máis dunha semana despois de adquirir o compromiso de reunirse co Comité aínda non ten concretado unha data para tal xuntanza.

Extraido de Avantar

Impídenlles a representantes dos traballadores/as de EMESA entregar un escrito á secretaria da conselleira de Traballo

2011-09-30T14:12:00.000+02:00

Concentráronse diante da consellaría, en Compostela, para exixir a Beatriz Mato que cumpra co seu compromiso e se reúna, de forma urxente, co comité de empresa

Traballadores de EMESA e representantes da CIG concentrábanse esta mañá diante da consellaría de Traballo, en San Caetano (Compostela), para demandar unha reunión urxente coa conselleira, Beatriz Mato. Os representantes dos traballadores non puideron facer entrega dun escrito dirixido á conselleira no que se solicitaba que se fixara de inmediato data e hora para celebrar esta xuntanza ao negárenlles achegarse sequera ao despacho da súa secretaria.

Esta xuntanza foi comprometida pola propia titular de Traballo hai máis de unha semana. Porén, aínda seguen agardando a que a administración decida cando se celebra, malia os despedimentos ter sido comunicados o pasado luns pola dirección da empresa, en pleno proceso de negociación do cuarto expediente de suspensión.

O Comité de EMESA xa manifestou que rexeita os despedimentos comunicados pola dirección –que alega causas organizativas e produtivas- a 14 traballadores da factoría de Coirós e reclamou, por escrito, da Dirección Xeral de Relacións Laborais que paralice de inmediato esta medida e impida á empresa adoptar novas decisións desta índole.

Elaborados Metálicos EMESA está a tramitar neste intre o cuarto ERE de suspensión. Para o Comité, executar despedimentos deixaría sen eficacia o resultado de calquera procedemento que a consellaría de Traballo puidese tomar en relación ao expediente presentado. Lembran que a autoridade laboral ten capacidade para paralizar todas as medidas adoptadas pola empresa que poidan afectar á eficacia dos pronunciamentos da administración a respecto do ERE.

EREs sucesivos

EMESA leva en situación de Regulación de emprego desde novembro de 2009 até a actualidade. Durante este tempo os traballadores/as afrontaron un 1º ERE temporal desde o mes de novembro de 2009 até o mes de xullo de 2010, un 2º ERE temporal do mes desde xullo de 2010 até abril de 2011, un 3º ERE temporal desde ese mes até setembro, xunto cun ERE de extinción de empregos que afectou a 86 traballadores e traballadoras.

Durante este período, o persoal de EMESA, alén das perdas económicas nos seus salarios, perdeu a súa prestación por desemprego, abocándoos a unha situación extrema, ao non ser chamados a traballar de forma continuada.

Neste mes (setembro) a dirección de Elaborados Metálicos EMESA propuxo un novo ERE temporal para 93 traballadores/as, que se prolongaría até o 31 de xaneiro de 2012, facendo que o cadro de persoal de EMESA chegue aos 26 meses seguidos de regulación de emprego. Todo isto co despedimento, o 26 de setembro, de 14 traballadores máis.

Desde a presentación do 1º ERE, a dirección de ISOLUX Corsán, grupo ao que pertence EMESA negouse reiteradamente a entregar documentación sobre a carga real de traballo que este grupo ten para poder ser realizada en EMESA ou un plan de futuro para a mesma, así como se negou a presentarse en EMESA para falar directamente cos traballadores/as para solucionar, ou mesmo negociar, propostas diferentes ás presentadas pola dirección da empresa.

A CIG denuncia que as administracións públicas fixeron caso omiso das reivindicacións dos traballadores/as de Emesa, que solicitaron en reiteradas ocasións, desde que se presentou o primeiro ERE, entrevistas coa conselleira de Traballo ou co conselleiro de Economía.

Tras pecharse nas dependencias da consellaría, o pasado 19 de setembro, conseguiron que Mato se comprometera a recibilos no decurso da semana para celebrar unha xuntanza que aínda non se produciu. Hoxe, impedíuselles mesmo achegarse á súa secretaria para entregar o escrito no que urxían á celebración desta reunión.

O Comité de Emesa rexeita os 14 despedimentos comunicados pola dirección e reclama á Xunta que paralice esta medida

2011-09-30T14:11:00.002+02:00

A representación do persoal reclama á conselleira de Traballo que concrete a data da xuntanza comprometida xa para a pasada semana

O Comité de Elaborados Metálicos Emesa rexeita os despedimentos comunicados esta mañá pola dirección a 14 traballadores da factoría de Coirós e vén de remitir un escrito ao Director Xeral de Relacións Laborais reclamando que paralice de inmediato esta medida e impida a empresa adoptar novas decisións desta índole. Os despedimentos, para os que a dirección alega causas organizativas e produtivas, teñen un carácter inmediato.

O Comité lembra que a empresa está a tramitar nestes momentos o cuarto ERE de suspensión, polo que executar despedimentos deixaría sen eficacia o resultado de calquera procedemento que a Consellaría de Traballo e Benestar puidese tomar en relación ao expediente presentado.

Neste senso, dende a representación do persoal destacan que o propio Estatuto dos Traballadores/as recoñece, no seu artigo 51.3, a capacidade da autoridade laboral para paralizar todas as medidas adoptadas pola empresa que poidan afectar á eficacia dos pronunciamentos da administración a respecto do ERE.

A comunicación destes 14 despedimentos, que veñen sumarse aos case 150 empregos destruídos nos últimos dous anos en Emesa, demostra ás claras que a intención da dirección da filial do Grupo Isolux Corsán non é outra que desmantelar a factoría de Coirós. De feito, o pasado venres a empresa entregou ao Comité nova documentación que nada ten a ver sobre a información esixida a respecto da carga de traballo real do Grupo no ramo do metal. Así mesmo, os traballadores/as continúan sen coñecer o volume de externalizacións da carga de traballo que Isolux está a facer noutras empresas do sector nin lles foi presentado o plan de viabilidade que debe acompañar á documentación do ERE.

Dende o Comité apélase á responsabilidade da administración galega ante as graves consecuencias desta nova deriva na situación de Emesa, polo que urxe á Conselleira de Traballo, Beatriz Mato, a fixar a data da reunión comprometida xa para a pasada semana. A representación dos traballadores/as entende que a Xunta de Galiza non pode continuar ignorando a súa responsabilidade neste conflito e debe aplicar todos os mecanismos oportunos na defensa dos empregos.

O Comité de Emesa lembra á conselleira de Traballo e ao titular de Industria o compromiso de manter unha reunión esta semana

2011-09-30T14:11:00.001+02:00

A representación do persoal tivo un encontro esta mañá coa Subdirectora de Traballo e o Director Xeral de Relacións Laborais para abordar a situación na factoría de Coirós

O Comité de Elaborados Metálicos Emesa mantivo na mañá deste xoves un encontro co Director Xeral de Relacións Laborais e a Subdirectora Xeral de Traballo para avaliar a situación da factoría perante a presentación do cuarto ERE de suspensión. Porén, dende o Comité agárdase agora que a propia Conselleira de Traballo e o Conselleiro de Industria cumpran o compromiso adquirido e concreten unha data para recibir á representación do persoal.

Durante a reunión desta mañá, o Comité de Emesa repasou con Odilo Martiñá e María Coutinho a situación da empresa e dos traballadores/as dende a posta en marcha da primeira regulación e o progresivo desmantelamento das instalacións de Coirós. Neste senso, apuntaron á responsabilidade da Xunta neste proceso, xa que a Consellaría de Traballo é a encarga de autorizar ou denegar os EREs.

Así mesmo, explica Andrés Rodríguez, Presidente do Comité, a parte social reivindicou da administración que esixa á empresa o plan de viabilidade, información sobre a carga real de traballo do Grupo Isolux Corsán (ao que pertence Emesa) na rama do metal, tanto no estado como no resto dos países onde a compañía ten implantación, así como as externalizacións da carga de traballo que Isolux está a facer noutras empresas do sector. Esta documentación foi demanda en reiteradas ocasións polo persoal á dirección de Emesa, sen que até agora esta teña achegado datos verídicos.

Remate da vixencia do terceiro ERE

En canto á situación do emprego, Rodríguez recordou que mañá, venres 23 de setembro, remata a vixencia do terceiro ERE de suspensión, e a dirección xa convocou ao Comité para entregar a documentación que faltaba no expediente e reactivar o período de consultas para a cuarta regulación.

A este respecto, a representación do persoal entende que o novo ERE é unha fraude, posto que a intención da dirección non é dar viabilidade á empresa senón “irse desfacendo aos poucos dos traballadores/as”. De feito, denuncia o Comité, durante a suspensión (que de aprobarse tería unha vixencia de catro meses), a dirección de Emesa non garante o pleno emprego do actual cadro de persoal.

Así as cousas, o Comité agarda que tanto Beatriz Mato como Javier Guerra cumpran o compromiso adquirido o pasado luns de manter, esta mesma semana, unha reunión coa parte social. “Nós xa cumprimos a nosa parte e acudimos á reunión na Dirección Xeral de Relacións Laborais, aínda que solicitamos o encontro coa conselleira de Traballo e o conselleiro de Industria, así que esperamos que eles tamén asuman o seu compromiso”, aseverou Rodríguez.

O Comité de Emesa realizou un peche nas oficinas da Consellaría de Traballo en San Caetano

2011-09-30T14:10:00.001+02:00

Conseguen o compromiso de que a titular do departamento autonómico se reunirá coa representación do persoal esta mesma semana

Membros do Comité de Elaborados Metálicos Emesa, acompañados por sindicalistas da CIG, realizaron este luns un peche nas oficinas da Consellaría de Traballo en San Caetano (Compostela), para reclamar unha reunión coa titular do departamento autonómico, Beatriz Mato, na que abordar a situación do persoal da factoría de Coirós ante a presentación do cuarto ERE de suspensión. Tras varias horas nas dependencias da administración galega, o Comité abandonaba o encerro logo de concretar unha xuntanza co Director de Relacións Laborais para este xoves e o compromiso de seren recibidos pola conselleira ao longo desta semana.

Hai meses que a parte social solicitou unha reunión con Beatriz Mato, pero a pesar do compromiso verbal acadado pola responsábel de Traballo e Benestar durante un breve encontro informal no Parlamento, o persoal aínda non recibira unha data confirmando dita xuntanza. Ante este desinterese, e tras da presentación do cuarto ERE de suspensión, o Comité acordou iniciar pouco despois das dez desta mañá unha acción de protesta no propio despacho da conselleira.

Tras varias negociacións e por volta das dúas da tarde, o Comité decidía abandonar a medida de presión, xa que acadaron o compromiso de que a conselleira se reunirá coa parte social esta mesma semana. Ademais, membros da Consellaría confirmaron á representación do persoal que o próximo xoves serán recibidos polo Director Xeral de Relacións Laborais, Odilo Martiñá.

Dende o Comité reiteran á Consellaría a necesidade de apostar de xeito claro pola continuidade dos postos de traballo na factoría de Coirós, diante do progresivo desmantelamento das instalacións por parte da dirección de Emesa, quen, hai que lembrar, se nega sistematicamente a incluír nas negociacións a garantía do mantemento dos empregos.

Ademais, solicitan aos/ás responsábeis do departamento que apliquen o máximo rigor técnico á hora de analizar o expediente e reclamen á filial de Isolux Corsán toda a documentación precisa. Cómpre lembrar que no caso de autorizarse, esta sería a cuarta regulación consecutiva para os traballadores/as, sumando xa 26 meses nesta situación.

Durante este tempo, alén das perdas económicas nos seus salarios, parte dos empregados/as consumiron xa o dereito á prestación por desemprego, quedando nunha situación extrema. Por iso, dende o Comité, apélase novamente á responsabilidade da Consellaría neste conflito.

Concentración dos/as traballadores/as de Emesa para demandar do Delegado do Goberno que cumpra cos compromisos adquiridos

2011-09-30T14:09:00.001+02:00

O responsábel estatal solicitara documentación ao Comité co obxecto de esclarecer a carga real de traballo do Grupo Isolux Corsán

O persoal de Emesa trasladou as protestas na mañá deste venres até as potas da Delegación do Goberno na Galiza para demandar do responsábel deste organismo estatal, Miguel Cortizo, que cumpra cos compromisos adquiridos durante a xuntanza que ambas partes mantiveron o pasado mes de xuño.

Naquel encontro, lembraba o Presidente do Comité, Andrés Rodríguez, durante a concentración, o Delegado do Goberno comprometérase a revisar a documentación que ten o persoal co obxecto de esclarecer a carga de traballo real que ten o grupo Isolux Corsán no ramo do metal.

Para isto, explicou Rodríguez, “pediunos que lle entregásemos toda a documentación que ten o Comité sobre esta cuestión. Información que ao día seguinte tiña enriba da mesa. Non obstante, a día de hoxe aínda non recibimos comunicación de ningún tipo. Reunímonos con el antes de que se resolvera o 3º ERE e está a punto de rematar cun novo expediente enriba da mesa, mais continuamos sen saber nada”.

Rodríguez lembrou que dende o segundo ERE a representación do persoal vén demandando da dirección de Emesa información veraz sobre a carga de traballo que o Grupo Isolux Corsán, ao que pertence a factoría de Coirós, ten no ramo do metal. Sobre esta cuestión, recalcou que o grupo empresarial é un dos principais adxudicatarios de obra pública do Estado español e conta cunha importante carteira de pedidos a nivel internacional.

Durante a concentración, o Comité de Emesa volveu apelar á responsabilidade da Xunta de Galiza para que asuma un compromiso firme na defensa dos postos de traballo e poña freo ao proceso de desmantelamento da factoría de Coirós que a dirección está a pór en práctica.

Os/as traballadores/as de Emesa inician as mobilizacións contra o cuarto ERE de suspensión

2011-09-30T14:08:00.001+02:00

Concentráronse diante dos edificios da Xunta para demandar do Goberno galego que paralice o desmantelamento da factoría

O Comité de Elaborados Metálicos Emesa convocou dúas xornadas de mobilizacións esta semana para rexeitar a proposta do cuarto ERE de suspensión presentada pola dirección da empresa que, de ser autorizada, estaría vixente dende o próximo 23 de setembro até o 31 de xaneiro de 2012, afectando a 93 traballadores/as dos actuais 163 empregados/as que forman o cadro de persoal da factoría. A primeira destas protestas realizouse este xoves diante do edificio da Xunta na Coruña, onde o persoal da factoría reclamou da administración unha aposta firme pola defensa dos postos de traballo.

Coa protesta, o Comité de Emesa busca denunciar o mutismo da Consellaría de Traballo e da Consellaría de Industria ante o progresivo desmantelamento das instalacións de Coirós. O Presidente do Comité, Andrés Rodríguez, criticou que a administración galega está permitindo a empresa aplicar todo tipo de estratexias, sen esixirlle sequera a documentación completa para xustificar a prórroga do expediente de suspensión de empregos. “Nós o que pedimos á Xunta é que actúe con transparencia e rigor”, asegurou.

Rodríguez lembrou que dende o segundo ERE a representación do persoal vén demandando da dirección información veraz sobre a carga de traballo que o Grupo Isolux Corsán, ao que pertence Emesa, ten no ramo do metal. Sobre esta cuestión, recalcou que o grupo empresarial é un dos principais adxudicatarios de obra pública do Estado español e conta cunha importante carteira de pedidos a nivel internacional. “Non entendemos como a Xunta nos pode deixar neste estado de desprotección, permitindo que a moitos dos traballadores/as se lle esgote o paro e que vexan reducidas as súas prestacións”, lamentou.

Causas produtivas

Pola súa banda, a empresa alega novamente causas produtivas, mais como vén sendo habitual a documentación achegada resulta incompleta e nela non se referencia a carga de traballo real que ten o Grupo Isolux no ramo do metal, nin se menciona a externalización dos traballos nin os lugares onde se realiza. Esta información foi demanda en reiteradas ocasións polo Comité, pois, tal e como recoñece a Inspección de Traballo, a realidade produtiva, financeira e mesmo fiscal de Emesa haina que entender dentro do grupo empresarial.

Ademais, a dirección négase reiteradamente a incluír dentro das negociacións a garantía de mantemento de todos os postos de traballo durante o tempo de vixencia do 4º ERE. Para o Comité esta actitude demostra a intención da empresa de acometer novos despedimentos. Dende principios de 2009, o cadro de persoal de Emesa tense reducido de 300 traballadores/as aos actuais 162 empregados/as.

Novas protestas o venres

O venres 9, ás 11:00 horas, as protestas trasladaranse até as portas da Delegación do Goberno na Galiza. Sobre este punto, o Presidente do Comité lembrou que hai uns meses representantes do persoal mantiveron un encontro co Delegado do Goberno para interesalo na problemática que vive a factoría de Coirós e na procura de obter documentación sobre a carga real de traballo do Grupo Isolux. “Non obstante, a día de hoxe aínda non recibimos comunicación de ningún tipo. Reunímonos con el antes de que se resolvera o 3º ERE e está a punto de rematar cun novo expediente enriba da mesa, pero continuamos sen saber nada”.

O Comité de Emesa rexeita a proposta do cuarto ERE e demanda da Xunta a aplicación do máximo rigor técnico

2011-09-30T14:07:00.000+02:00

A representación do persoal denuncia que a dirección non achegou a documentación completa nin información sobre a carga de traballo real do grupo Isolux Corsán

O Comité de Elaborados Metálicos Emesa rexeita a presentación dun novo ERE de suspensión para a factoría de Coirós, sumando xa a cuarta regulación de emprego que a empresa pretende aplicar de xeito consecutivo. A proposta, anunciada o 31 de agosto, confirma o paulatino proceso de desmantelamento das instalacións que a representación do persoal vén denunciado dende que no ano 2009 se puxo en marcha o primeiro ERE.

Segundo as intencións da dirección de Emesa, que pertence ao grupo Isolux Corsán, o novo ERE estaría vixente dende o próximo 23 de setembro até o 31 de xaneiro de 2012, afectando a 93 traballadores/as dos actuais 163 empregados/as que forman o cadro de persoal da factoría. A empresa alega novamente causas produtivas, mais como vén sendo habitual a documentación achegada resulta incompleta e nela non se referencia a carga de traballo real que ten o Grupo Isolux no ramo do metal, nin se menciona a externalización dos traballos nin os lugares onde se realiza.

Esta información foi demanda en reiteradas ocasións polo Comité, pois, tal e como recoñece a Inspección de Traballo, a realidade produtiva, financeira e mesmo fiscal de Emesa haina que entender dentro do grupo empresarial. Non obstante, dende a Dirección evitan achegar calquera documentación a respecto da carga de traballo presenta e futura de Isolux, con presenza a nivel internacional.

O Comité de Empresa xa remitiu escritos á Inspección de Traballo e á Consellaría de Traballo e Benestar, demandando desta última que aplique o máximo rigor técnico e reclame á dirección de Emesa toda a documentación necesaria para poder dar por iniciado o período de consultas. Así mesmo, apelan á responsabilidade do Goberno galego para que evite afondar na crítica situación que os traballadores e traballadoras de Emesa padecen, pois a causa dos incumprimentos por parte da empresa nos acordos de rotación e na prolongación indefinida da suspensión de empregos, parte importante do cadro de persoal xa esgotou o seu dereito á prestación.

Neste senso, a representación do persoal denuncia a falta de interese amosada pola Consellaría de Traballo e a Consellaría de Industria dende a aplicación do primeiro ERE, e que a día de hoxe non contestou ás diversas solicitudes de xuntanzas cursadas polo Comité; a última a principios do mes de xullo. Así mesmo, censura o incumprimento dos compromisos acadados co Delegado do Goberno na Galiza o pasado mes de xuño, a respecto de revisar a documentación para aclarar a carga de traballo real de Isolux Corsán.

O persoal de Emesa continúa as mobilizacións en defensa do emprego e en demanda da implicación da Xunta

2011-09-30T14:06:00.002+02:00

Un grupo de traballadores realizou unha concentración diante da Delegación da Consellaría de Traballo na Coruña

Traballadores de Elaborados Metálicos Emesa continuaron esta mañá as mobilizacións que dende hai meses veñen desenvolvendo en defensa do emprego na factoría de Coirós e para demandar “dunha vez” á Xunta unha implicación real neste conflito. Dende o Comité volveron advertir que a partir do mes de setembro, data na que remata a vixencia do terceiro ERE temporal, haberá novos despedimentos na filial de Isolux Corsán.

O Presidente do Comité, Andrés Rodríguez, lanzaba unha chamada á responsabilidade da administración galega ás portas da Delegación da Consellaría de Traballo da Coruña, onde o persoal de Emesa desenvolveu esta mañá unha concentración. Rodríguez lembrou que os traballadores e traballadoras da filial de Isolux Corsán levan dous anos encadeando expedientes de regulación de emprego (o último deles extintivo e de suspensión) sen que até o momento nin dende a empresa nin dende o Goberno galego se teña amosado ningún tipo de preocupación por garantir a continuidade da factoría nin dos postos de traballo.

De feito, a pesar das reiteradas solicitudes de información por parte do Comité para coñecer a carga de traballo real do grupo Isolux Corsán no ramo do metal, a empresa continúa sen achegar ningún tipo de documentación. Cómpre lembrar que o grupo é un dos maiores concesionarios de obra pública do estado. Neste senso, Rodríguez apuntou que posibelmente a partir do mes de setembro a dirección avance no de desmantelamento da planta de Coirós e presente un cuarto expediente de regulación con novos despedimentos.

Por iso, o Presidente do Comité apelou á responsabilidade da Xunta e da administración de Xustiza (que aínda está pendente de resolver varias denuncias presentadas polo Comité) “para que non escorran o bulto e atendan as nosas reivindicacións”. Así mesmo, lamentaron a actitude mantida pola conselleira de Traballo e o conselleiro de Industria, que a día de hoxe non contestaron as diversas solicitudes de xuntanzas cursadas pola representación do persoal.

O Comité de Emesa traslada ao Delegado do Goberno a problemática na factoría de Coirós

2011-09-30T14:06:00.001+02:00

O responsábel político comprométese a revisar a documentación que posúe o persoal para esclarecer a carga de traballo real do grupo Isolux

O Comité de Emesa mantivo esta mañá unha xuntanza co Delegado do Goberno na Galiza, Miguel Cortizo para trasladar a problemática laboral na que está inmersa o cadro de persoal da factoría de Coirós, que arrastra tres EREs consecutivos. A representación dos traballadores/as demandou, ao igual que xa fixo coa Xunta en reiteradas ocasións, a implicación real do Goberno español neste conflito para garantir a continuidade de Emesa e o mantemento dos empregos.

Coincidindo coa xuntanza, os traballadores de Emesa retomaban as faixas e os chifres para trasladar as súas protestas ás portas do edificio da Delegación, onde se volveron escoitar consignas en contra dos expedientes de regulación de emprego e na demanda de carga de traballo para as instalacións de Coirós.

Momentos antes do encontro, o Presidente do Comité, Andrés Rodríguez explicaba que solicitaron a reunión con Cortizo para trasladar a problemática que padece o conxunto do persoal e matizar as afirmacións realizadas dende o Executivo. A este respecto, Rodríguez lembrou que o pasado mes de maio, a través do deputado do BNG no Congreso, Francisco Jorquera, interpelouse ao Goberno español a respecto da situación de Emesa e da carga de traballo do Grupo Isolux. A resposta por parte do Goberno foi que, tras consultar coa Xunta e coa Inspección de Traballo, considera que non existe ningún tipo conflito na empresa.

Fronte a isto, Rodríguez lembrou que o Comité leva meses agardando a resolución do recurso de alzada presentado por mor da autorización do segundo ERE, así como a sentenza do conflito colectivo interposto contra a empresa polo incumprimento dos acordos nas rotacións do tempo de traballo.

Ademais, o presidente do Comité subliñou que aínda non teñen información verídica, nin dende a empresa nin dende a administración, a respecto do volume total da carga de traballo do Grupo Isolux, ao que pertence Emesa, pois é un dos maiores concesionarios de obra pública do estado.

Aínda que Rodríguez cualificou de positivo o resultado do encontro, xa que o Delegado do Goberno se comprometeu a revisar toda a documentación coa que conta o Comité co obxecto de esclarecer a carga de traballo real que ten o Grupo Isolux, amosouse precavido na súa valoración “tendo en conta as experiencias anteriores coa administración”. Neste senso, censurou a actitude mantida pola conselleira de Traballo e o conselleiro de Industria, que a día de hoxe non atenderon as diversas solicitudes de xuntanzas cursadas polo Comité.

O Comité de Emesa pide a implicación real da Xunta para garantir o mantemento do emprego e o futuro da factoría

2011-09-30T14:03:00.003+02:00

O persoal solicita á Administración galega que requira á Isolux Corán a presentación dun plan de viabilidade e informe sobre a carga de traballo que ten o grupo

Traballadores de Elaborados Metálicos Emesa, pertencente ao grupo Isolux Corsán, concentráronse na mañá deste xoves diante da Xefatura Territorial da Consellaría de Traballo e Benestar da Coruña para demandar a implicación da Xunta na loita polo futuro da factoría de Coirós, xusto no momento que se cumpren tres meses de aplicación do terceiro expediente de regulación e ante a ausencia de manobras por parte da dirección na procura de carga de traballo.

O Presidente do Comité, Andrés Rodríguez, sinalaba ao inicio da protesta que, a pesares do cadro de persoal estar inmerso no terceiro ERE, aínda fican pendentes de resolver varios expedientes administrativos e xudiciais relativos ás regulacións anteriores. A este respecto, explicou que até o momento, malia os compromisos contraídos pola propia Consellaría, a única resposta que o Comité obtivo ao recurso de alzada presentado ao segundo expediente de regulación, “é o silencio administrativo”.

Ademais, o 17 de novembro pasado, os traballadores/as asistían ao inicio do xuízo polo conflito colectivo por mor das discriminacións nas rotacións no tempo de traballo, promovido logo de que a empresa incumprira o acordado coa parte social para o primeiro ERE. Procedemento que, a día de hoxe, “aínda non tivo sentencia por parte do xulgado”.

Ao remate da protesta, o Comité fixo entrega dun escrito dirixido ao Xefe Territorial de Traballo e Benestar na Coruña demandando a resolución favorábel do recurso de alzada e no que solicitan, tamén, unha xuntanza coa Conselleira de Traballo e co Conselleiro de Industria para abordar que tipo de iniciativas ten adoptado a Xunta de cara ao futuro de Emesa.

De igual xeito, demandan da administración galega que requira ao Grupo Isolux a concreción do plan de viabilidade e que demostre documentalmente a carga de traballo que o grupo ten no mercado do estado español e no mercado internacional. “De non ser así , dende este Comité consideraremos que a Xunta de Galiza está en pleno acordo con Isolux para o desmantelamento da factoría de Coirós e a destrución de postos de traballo na comarca das Mariñas”, aseveran no escrito.

22 meses de regulación de emprego

Fronte a esta paralización, Rodríguez alertaba da dramática situación á que se ten conducindo a factoría de Coirós: nos tres últimos anos 170 traballadores/as perderon o seu emprego e a maioría do cadro de persoal ten esgotado xa o dereito a cobrar o paro. Hai que lembrar que Emesa encadea tres expedientes consecutivos que o vindeiro setembro, data na que remata a vixencia do actual ERE, sumarán un total de 22 meses de regulación.

Mentres, por parte da empresa, explica o Presidente do Comité, non se ten realizado ningún tipo de movemento de cara á procura de nova carga de traballo que poida garantir a continuidade da actividade da fábrica. “Levamos dous anos pedindo un plan de viabilidade para esta empresa e reclamando información sobre a carga de traballo real que ten o grupo, cuestións ás que nin Isolux Corsán nin a Xunta de Galiza se dignaron contestar”, denuncia.

A día de hoxe, fican na empresa 140 empregados/as dos 378 que tiña Emesa antes do primeiro ERE. Ademais, tan só uns nove operarios traballan na factoría neste intre, realizando pequenas tarefas de mantemento. Sobre este punto, continúa Andrés Rodríguez, durante as últimas reunións da mesa de seguimento, a empresa informou da existencia dunha carga de traballo “ínfima”, unhas 150 toneladas, “que non supón máis que traballo para 20 días”.

“O Grupo Isolux é un dos maiores concesionarios de obra pública do Estado español, matizou Rodríguez, “por iso non entendemos que non haxa ningún tipo de carga de traballo para unha factoría como Emesa que traballa para estruturas metálicas de obra civil”. “A situación continuada de regulación de emprego, a discriminación nas rotacións e o estancamento na negociación do convenio pola negativa actitude da Dirección da empresa, está a causar un crecente malestar nos traballadores para coa Dirección de Isolux Corsán e Emesa, ademais dita situación está a somerxer nun clima laboral depresivo a todos os traballadores da empresa e as compañías que traballan na mesma”, advirten dende o Comité.

O Comité de Emesa denuncia que a empresa só permite o acceso á factoría ao persoal que figura nunha lista

2011-09-30T14:03:00.002+02:00

O conxunto dos traballadores/as están convocados a asembleas para valorar o avance da última xuntanza do período de negociacións do ERE

O Comité de Elaborados Metálicos Emesa vén de remitir un comunicado no que denuncia a actitude da dirección durante esta última xornada do período de consultas do ERE. A empresa está a negar o acceso á factoría ao persoal chamado a participar nas asembleas para valorar o avance da negociación e só permite a entrada daqueles traballadores/as que forman parte dunha lista elaborada pola dirección. Ademais incrementou o número de vixilantes de seguridade nas instalacións e pediu a presenza da Garda Civil nas portas da fábrica.

A continuación reproducimos o comunicado do Comité de Emesa:

A dirección de Elaborados Metálicos Emesa, S.L., filial do grupo Isolux Corsán, está a negarlles o acceso á factoría aos traballadores que estaban convocados, neste día de remate do período de consultas, ás asembleas no comedor da empresa para que poidan ir valorando as posicións da compañía e decidir o seu futuro inmediato con respecto ao ERE presentado pola dirección.

A factoría de Coirós amenceu cun dispositivo de seguridade especial montado pola empresa, no que se aumentou de un vixiante de seguridade a seis, con patrullas en coche pola factoría. Dito control de seguridade, no que só se permite o acceso ás persoas nomeadas pola dirección nunha lista, estrañou aos membros do Comité de Empresa e dos sindicatos, mais cando a folga convocada para o día de hoxe foi desconvocada para que non interferira no remate do período de consultas.

Os membro do Comité sorprendéronse a súa chegada á factoría por tal despregue de seguridade e pola presenza na entrada da factoría da Garda Civil. Así mesmo tamén se estrañaron de ver como o recito ao redor dos locais sindicais estaba marcado con un perímetro de seguridade para impedir o acceso dos mesmos a calquera parte das instalacións da factoría.

De igual xeito, tamén amosaron a súa estrañeza polo feito de que a dirección da empresa mandara para a casa á práctica totalidade dos traballadores de oficinas, deixando na mesma simplemente o persoal imprescindíbel.

Non entendemos estas actitudes da empresa, máis aínda cando se desconvocou a folga en símbolo de boa vontade de cara a este último día do período de consultas.

En Coirós, a 17 de marzo de 2011.

O Comité de Empresa

Éxito na folga en Emesa ao rexistrar un seguimento do 100% do cadro de persoal

2011-09-30T14:02:00.001+02:00

O paro realízase na véspera da última xuntanza coa dirección dentro do período de consultas do terceiro expediente de regulación de emprego

Este mércores, os traballadores e traballadoras de Elaborados Metálicos Emesa, S.L. desenvolveron unha xornada de folga e loita na factoría de Coirós para esixir a retirada do ERE de extinción presentado pola empresa e reclamar ao Grupo Isolux Corsán, propietario das instalacións, que deixe de desviar carga de traballo a outras compañias. A xornada de folga foi secundada polo 100% do persoal e, de feito, só entraron na fábrica catro directivos.

Coincidindo co paro, os traballadores/as concentráronse ás portas das factoría de Coirós dende antes das 7:00 horas, onde estiveron custodiados por un importante dispositivo da Garda Civil que desprazou até as instalacións máis de cinco dotacións. Cando os directivos de Emesa pretendían acceder a factoría produciuse algún momento de tensión entre os traballadores e a Garda Civil, mesmo con ameazas de iniciar unha carga; mais finalmente non se rexistrou ningún tipo de incidente.

O paro realizouse na véspera da última xuntanza do período de consultas do ERE que ten presentado a dirección de Emesa, que continúa sen xustificar o expediente de regulación de emprego diante do Comité.

Ademais, aínda que a representación do persoal ten solicitado dende o primeiro momento informes sobre o volume de carga de traballo que o Grupo Isolux Corsán ten en estruturas metálicas, a empresa non tivo a ben achegar esta documentación.

Pola contra, explica o Comité de Empresa, a dirección presentou un documento no que xa expón a súa intención de executar novos despedimentos en setembro (data na que remataría o ERE temporal), que se virían sumar ás 86 extincións de contratos recollidas neste terceiro ERE, no caso ser autorizado pola Consellaría de Traballo.

Neste senso, dende o Comité insístese en que o grupo ten carga de traballo para Emesa, “que oculta xuntanza tras xuntanza, apesares de ser solicitada pola parte social dende hai meses”. Esta ocultación de información responde, segundo a representación dos/as traballadores/as, á intención de reducir o cadro de persoal de Emesa e precarizar a situación laboral dos traballadores e traballadoras que alí desenvolven a súa labor profesional.

“Despois de ter atacado de forma continuada os dereitos dos traballadores e ter incumprido case que todos os acordos firmados no primeiro ERE, a Dirección de Emesa está a buscar o despido barato e a precarización do traballo na factoría”, advirten.

De igual xeito, destacan o clima de tensión que se ten xerado dende o cadro de persoal cara á dirección por mor das mentiras continuadas tanto a respecto da carga de traballo real de Isolux Corsán como sobre as razóns deste terceiro ERE. Actuacións especialmente graves se se ten en conta que hai un grupo de empregados que xa esgotou o paro durante os dous primeiros EREs temporais e que a empresa está a utilizar dun xeito totalmente irresponsábel as prestacións dos traballadores/as.

O Presidente do Comité, Andrés Rodríguez, lamentou tamén a falta de responsabilidade da Xunta de Galiza neste conflito e censurou o desinterese amosado pola Conselleira de Traballo, Beatriz Mato, no mantemento dos empregos, xa que, a pesar de ter recibido solicitudes por escrito e logo de terse comprometido de xeito verbal ante a representación do persoal, a día de hoxe aínda non recibiu aos traballadores/as.

O persoal de Emesa maniféstase contra os despedimentos e o desmantelamento da factoría de Coirós

2011-09-30T14:01:00.001+02:00

O comité denuncia que a empresa non entregou toda a documentación requirida e acusa á Xunta pola súa falta de responsabilidade

Coincidindo coa conmemoración do Día da Clase Obreira Galega e ao berro de “Sen paro e sen traballo imos para o carallo”, o persoal de Emesa levou este xoves novamente polas rúas da Coruña o seu rexeitamento ao terceiro expediente de regulación de emprego e reiterou o chamamento á responsabilidade da Xunta de Galiza para evitar o despedimento directo de 86 traballadores/as e o desmantelamento da factoría de Coirós.

A manifestación partiu pouco despois das 11:30 horas da Praza da Palloza para rematar unha hora e media despois diante do edificio administrativo da Xunta na Coruña, onde o Presidente do Comité, Andrés Rodríguez informou aos traballadores/as do resultado da última xuntanza mantida coa dirección de Emesa e rexistrou un escrito dirixido á Conselleira de Traballo, Beatriz Mato, lembrando o compromiso que adquiriu hai unhas semanas para manter un encontro coa representación do persoal.

Rodríguez explicaba ao inicio da marcha que a empresa continúa negándose a entregar a documentación requirida polo Comité, dende o Plan Social que debe acompañar o expediente de regulación de emprego até información sobre o volume total de carga de traballo para elaborados metálicos que ten Isolux Corsán, propietaria das instalacións de Coirós. Así mesmo, censurou a actitude mantida pola dirección durante o período de negociacións, pois en ningún momento tivo a ben estudar as alternativas propostas pola parte social.

Para o Presidente do Comité este terceiro ERE presentado por Emesa é unha fraude, xa que, reiterou, a empresa non ten demostrado a causa produtiva que alega para presentar o expediente. Neste senso, amosou a súa desconfianza a respecto das cifras trasladadas por Isolux Corsán, que asegura contar só con 2.500 toneladas de traballo no sector do metal. Hai que lembrar que o grupo posúe numerosas factorías e conta con 8.000 traballadores e traballadoras distribuídos en diferentes países.

Dende o Comité aseguraron que o obxectivo da empresa é desmantelar a factoría de Coirós, polo que advirten que a partir de setembro (data na que, de autorizarse, remataría o ERE temporal) haberá novos despedimentos.

A representación do persoal acusou á Xunta de non terse posicionado claramente a favor da continuidade dos empregos e de estar favorecendo, coa súa pasividade, a destrución do tecido produtivo da comarca e que as listas do paro sigan engordando de xeito alarmante.

O pleno municipal da Coruña aproba a moción de apoio aos traballadores/as de Emesa

2011-09-30T14:00:00.002+02:00

O texto, que non recibiu o apoio do PP, insta ao goberno galego a rexeitar o ERE e a traballar a prol da continuidade da actividade e o emprego na factoría

Coincidindo co debate da moción de apoio no Pleno municipal da Coruña, os traballadores e traballadoras de Emesa desenvolveron unha concentración diante do Concello, na Praza de María, en demanda da continuidade dos empregos e contra o terceiro ERE que a empresa pretende levar adiante. A moción, que foi aprobada polo PSOE e BNG, non recibiu o apoio do PP que pretendía votar por separado os distintos puntos do texto.

Mentres unha parte dos traballadores/as de Emesa coreaban consignas contra o terceiro ERE para a planta de Coirós, outra parte do persoal seguía no interior do pazo de María Pita o debate no Pleno municipal arredor da moción presentada polo Comité en apoio á continuidade dos empregos, que finalmente foi aprobada polos grupos do BNG e PSOE. Non obstante, o PP retirou o seu apoio á iniciativa, xa que pretendía votar por separado os distintos puntos.

A través desta moción, a Corporación local solicita ao goberno galego que desestime o terceiro expediente de regulación de emprego en Emesa, que inclúe o despedimento de 86 contratos e a suspensión doutros 140, e traballe para manter a actividade produtiva e o actual nivel de emprego na factoría de Coirós. Así mesmo, solicítase do Conselleiro de Industria e da Conselleira de Traballo que reciban ao Comité de empresa e á representación sindical (solicitudes que xa foron cursadas de xeito oficial pola representación do persoal hai semanas), e úrxese á Xunta para que adopte medidas de cara a manter a actividade industrial e os postos de traballo.

Neste senso, o Secretario do Comité, Alberte Muíño, volvía denunciar ás portas do Concello o desinterese do grupo propietario de Emesa, Isolux Corsán, pola continuidade da fábrica de Coirós. Así, lembrou que o grupo ten desviado carga de traballo a outras empresas ou subcontratado tarefas que até o momento se viñan realizando en Emesa.

O Comité de Emesa está presentando esta mesma moción de apoio en todos os Concellos da Comarca.

O Comité de Emesa arranca o compromiso da Conselleira de Traballo para manter unha xuntanza

2011-09-30T13:59:00.000+02:00

A representación do persoal lembra que Isolux Corsán ten desviado nos últimos anos carga de traballo que correspondería a Emesa a outras factorías

Logo de varias tentativas e solicitudes formais desatendidas, o Comité de Emesa conseguía este mércores o compromiso da Conselleira de Traballo, Beatriz Mato, para manter unha xuntanza na que abordar a situación na filial de Isolux Corsán fronte ao terceiro ERE.

Traballadores/as de Emesa desenvolveron unha concentración ás portas do Parlamento.

O encontro producíase no marco do debate parlamentar que tivo lugar na Cámara galega con motivo das iniciativas presentadas polo BNG a respecto das intencións da Xunta diante da nova regulación presentada por Emesa. Grazas a intermediación dos deputados da formación nacionalista, o Comité de Emesa puido ter un breve encontro nos corredores do Pazo do Hórreo, do que conseguiron tirar o compromiso da Conselleira de manter unha reunión formal coa representación dos traballadores/as da planta de Coirós.

Dende o Comité lembróuselle a titular do departamento autonómico a fraude na que Isolux Corsán basea as razóns para presentar este novo ERE (de extinción e suspensión), xa que a multinacional argumenta unha caída na produción para xustificar os despedimentos, afirmación que o persoal desmente. Neste senso, apuntan que non se pode desvincular a produción de Emesa da produción global do grupo e denuncian que durante os últimos anos Isolux estivo externalizando carga de traballo que até o momento se viña facendo na planta de Coirós.

Por iso, o Comité demandou a dirección que entregue documentación sobre a carga de traballo real que o grupo ten no ramo do metal, así como o volume de actividade que a empresa ten externalizado e os lugares nas que se está realizando, co obxecto de demostrar o engano no que incorre a empresa.

Ademais, o Comité volveu advertir que a autorización dos 86 despedimentos que pretende a empresa non é unha garantía para a continuidade da actividade en Emesa, xa que a dirección non amosou en ningún momento vontade para manter ou buscar carga de traballo para a planta de elaborados metálicos. Neste senso, destacar que a dirección tampouco ten achegado á parte social o plano de viabilidade no que se recollan as garantías para a continuidade da factoría e dos empregos.

O persoal de Emesa pide o compromiso claro da Xunta na defensa dos empregos e acusa a Isolux de querer desmantelar a factoría

2011-09-30T13:58:00.002+02:00

Traballadores e traballadoras manifestáronse dende a Delegación do Goberno até as oficias da Consellaría de Traballo na Coruña

Traballadores e traballadoras de Emesa realizaron unha manifestación esta mañá entre a Delegación do Goberno na Galiza e as oficinas da Consellaría de Traballo na Coruña para demandar a retirada do terceiro ERE presentado pola dirección e instar á administración a que asuma unha postura contundente na defensa dos empregos e desestime o novo expediente. Dende o Comité tamén se apuntou á responsabilidade de Isolux Corsán, propietaria de Emesa, pola situación actual, xa que ten desviado ou subcontratado carga de traballo que correspondería a Emesa.

Os traballadores/as iniciaron esta nova protesta cunha concentración duns 20 minutos diante da Delegación de Goberno, de onde partiron en manifestación polo centro da cidade até as portas das oficinas da Delegación de Traballo na Coruña. Ao berro de “ERE de extinción para a dirección” ou “Conselleira de Traballo manda o ERE ao carallo”, o persoal apelou novamente á responsabilidade do goberno galego para que evite que a empresa poida levar a cabo os despedimentos e a regulación temporal.

Andrés Rodríguez, Presidente do Comité (con maioría da CIG) explicou que o futuro laboral en Emesa atravesa unha situación moi complicada dende que en novembro de 2009 se puxera en marcha o primeiro ERE. Este terceiro expediente inclúe a regulación temporal de 140 operarios/as e, ademais, a extinción de 86 contratos.

Rodríguez apuntou que a dirección ten ignorado todos os acordos asinados no primeiro ERE coa representación dos traballadores/as, mentres que “a Xunta anda ás voltas con nós, dándonos largas”. A este respecto, lembra que hai moitos compañeiros e compañeiras que esgotaron xa as prestacións por desemprego, a pesar de quen nos acordos asinados se estabelecían rotacións equitativas do tempo de traballo entre o conxunto do persoal, para evitar que os traballadores/as gastasen o seu dereito a cobrar o paro.

“Nas conversas que mantivemos coa empresa pedimos a documentación relativa ás rotacións, así como o plan de viabilidade, pero a dirección négase a entregar calquera das dúas informacións”, denuncia o Presidente do Comité. Ademais, continúa “cando preguntamos polas garantías que existen para a manter a estabilidade dos empregos logo deste ERE, a empresa contesta que son as mesmas que agora e advirte que haberá novas extincións de contratos”.

Dende o Comité sinalan directamente a Isolux Corsán, propietaria de Emesa, como causante desta situación, pois durante a vixencia dos expediente de regulación non procurou buscar solucións para a factoría de Coirós e mesmo ten desviado ou subcontratado carga de traballo que até agora se viña realizando en Emesa. Por iso, advirten, a intención final da compañía é o desmantelamento progresivo da factoría. Hai que ter en conta que previamente á execución do primeiro ERE, a empresa xa procedera a despedir a uns cen traballadores/as da planta.

Solicitude de reunións

O presidente do Comité foi moi crítico coa actitude mantida pola Conselleira de Traballo e Benestar e o titular de Industria, con quen teñen solicitado cadansúa entrevista. Rodríguez censurou que ningún dos responsábeis das consellarías accedese a manter unha reunión co Comité, derivando as xuntanzas á Subdirección Xeral de Relacións Laborais e ao Igape.

Neste senso, Rodríguez aclarou que se manifestaban até a Delegación da Consellaría de Traballo na Coruña, porque “nesas oficinas estase xogando moito con nós dende o primeiro ERE”. Así, explica, “o pasado día 16, ás 09:00 horas chegounos un fax informado que o período de consultas estaba paralizado porque faltaba documentación no ERE, pero as dúas da tarde comunicáronnos o contrario, mentres que a empresa entende que o período se iniciou o día 3 de febreiro. A Xunta ten que pór freo a este despropósito”, aseverou.

Concentración diante do Parlamento

Coincidindo co debate no Parlamento galego da iniciativa de lei e a pregunta presentadas polo BNG a respecto do mantemento dos empregos e das intencións do goberno galego perante o novo ERE, os traballadores e traballadoras teñen previsto concentrarse diante do Pazo do Hórreo na tarde do mércores 23 de febreiro. Así mesmo, unha representación do Comité acudirá como convidado ao pleno do parlamento.

O Comité de Emesa inicia unha rolda de xuntanzas na procura de apoios para paralizar a destrución de empregos

2011-09-30T13:58:00.001+02:00

A representación do persoal manterá encontros con grupos políticos e promoverá mocións de apoio nos Concellos da contorna

O Comité de Empresa de Elaborados Metálicos EMESA, S.L. está a realizar unha serie de entrevistas con distintos representantes políticos para trasladar a situación laboral na factoría de Coirós e buscar apoios de cara a evitar que o expediente de extinción e o de regulación temporal saian adiante e garantir así a continuidade de todos os empregos.

Alén das mobilizacións que os propios traballadores/as teñen previsto desenvolver nos vindeiros días, a representación do persoal ten concretados as seguintes xuntanzas:

Mércores 16 de febreiro: ás 18:00 horas o Comité de Emesa reunirase cos grupos políticos do Concello de Betanzos no Edificio Liceo (Salón Azul). A reunión responde á busca de apoios entre os concellos da Comarca que o Comité está a levar a cabo, de cara a conseguir que se aproben mocións para a retirada dos EREs e na defensa da continuidade de todos os empregos. Esta iniciativa levarase a todos os concellos da contorna.

Xoves 17 de febreiro: ás 09:00 horas, encontro con Salvador Fernández Moreda, nos locais da Deputación Provincial, na súa calidade de presidente provincial do PSOE na Coruña.

Posteriormente, as 11:30 horas terán unha xuntanza co candidato do BNG á alcaldía da Coruña, Xosé Manuel Carril, o candidato á alcaldía no Concello de Betanzos, Henrique del Río, e a responsábel comarcal do BNG, Silvia Seixas. Ademais, na entrevista estará presente Carlos Aymerich, voceiro do BNG no Parlamento galego, con quen tratarán a proposición non de lei solicitando a retirada do ERE e a pregunta a respecto das axudas concedidas a Emesa e Isolux Corsán, que o Bloque Nacionalista Galego presentou á Mesa do Parlamento.

Nova manifestación

Así mesmo, o venres 18 de febreiro, os traballadores e traballadoras de Emesa realizarán unha nova manifestación, a partir das 11:00 horas. A marcha sairá dende a Delegación do Goberno até as oficinas da Consellaría de Traballo na rúa Fernando Macías. Posteriormente no edificio de sindicatos en Alfonso Molina , celebrarase unha asemblea de traballadores e traballadoras para avaliar os resultados das entrevistas e analizar novas accións a levar adiante.

O Comité de Emesa pide a retirada dos EREs para buscar unha saída negociada que garanta o mantemento dos empregos

2011-09-30T13:56:00.001+02:00

Denuncia que a empresa non presentou a documentación e rexeita o desinterese da Xunta

O Comité de Emesa vén de denunciar as irregularidades que está a cometer a empresa na presentación do terceiro expediente de regulación de emprego (de extinción e suspensión), coa conivencia da Consellaría de Traballo, xa que nin sequera achegou a documentación obrigatoria para iniciar a tramitación administrativa do ERE. Emesa pretende despedir a 86 traballadores/as e aplicar unha nova regulación temporal a 140 empregados/as da planta de Coirós.

Na xuntanza que mantiveron onte o Comité e a dirección de Emesa, esta continuou sen entregar o Plan Social, a pesar de que ten a obriga legal de presentalo xunto co resto da documentación do ERE. A falta deste Plan supón a desestimación do expediente por parte da administración competente, neste caso, a Consellaría de Traballo e Benestar. Do mesmo xeito, a representación social pediu á dirección a retirada dos dous expedientes co obxecto de abrir un período de negociacións para elaborar un Plano de Emprego e Viabilidade que garanta o mantemento de todos os postos de traballo.A este respecto, o Presidente do Comité, Andrés Rodríguez, lembra que nos últimos tempos Isolux Corsán, propietaria de Emesa, estivo subcontratando e desviando traballos que até entón se realizaban en Coirós a outras empresas. Así aconteceu nas obras de ampliación do aeroporto de Lavacolla ou neste momento nas obras da terceira ronda da Coruña. “É a propia dirección de Isolux quen está a estrangular o futuro de Emesa e de todos os postos de traballo”, sinala.

Ademais, mesmo existindo carga de traballo, a dirección de Emesa dedicouse a presionar aos traballadores/as para que realizasen o máximo de horas extraordinarias, en lugar de chamar ao persoal afectado pola regulación temporal.

Pola súa banda, a única proposta que saíu da empresa para reducir os efectos dos despedimentos foi unha “posíbel” incorporación dos empregados/as afectados polo ERE de extinción (86 persoas), sempre e cando haxa traballo na factoría.

Tendo en conta a crítica situación e falta de vontade negociadora de Emesa, o Comité apelou novamente á responsabilidade da Xunta, “pois dende o primeiro ERE está facendo oídos xordos ás denuncias dos traballadores/as” e nin sequera se ten pronunciado a respecto da falta de documentación do último expediente.

Así mesmo, o Comité de Empresa ten solicitada desde o pasado venres reunión co Conselleiro de Economía e Industria e coa Conselleira de Traballo, sen que a día de hoxe teñan dado resposta algunha, a pesar do gravidade da situación e do número de despedimentos que a Empresa pretende levar adiante.

“A Xunta volve calar igual que fixo con todas as demandas que presentamos contra Emesa polos reiterados incumprimentos dos acordos acadados para a execución dos EREs temporais”, critica Rodríguez, quen lembra que teñen presentado nos xulgados da Coruña demanda de conflito colectivo contra a empresa polas discriminacións nas rotacións do tempo de traballo.

Mañá xoves está convocada unha asemblea de traballadores/as en Coirós na que o Comité explicará os resultados da xuntanza coa dirección e se avaliará a convocatoria dun novo calendario de mobilizacións en defensa dos empregos.

Os traballadores/as de Emesa apelan á responsabilidade da Xunta para frear o terceiro ERE na empresa

2011-09-30T13:55:00.001+02:00

Persoal da factoría de Coirós realizou unha marcha polas rúas da Coruña en contra dos case 90 despedimentos que pretende executar a dirección

Ducias de traballadores e traballadoras de Elaborados Metálicos, S.L. (Emesa) concentráronse esta mañá diante dos edificios administrativos da Xunta na Coruña, onde fixeron entrega de varios escritos dirixidos á Consellaría de Industria e Traballo para que impidan que a empresa leve a cabo o terceiro ERE na planta de Coirós, que ademais, desta volta inclúe o despedimento de 89 traballadores/as.

Tras rexistrar os escritos, nos que o Comité solicita unha xuntanza cos responsábeis políticos de ambas Consellarías para exporlles a súa complicada situación e deixa constancia das irregularidades na documentación presentada pola empresa para este terceiro ERE (de suspensión e extinción), o persoal partiu en manifestación até as dependencias que a Xunta de Galiza ten en Matogrande. Dende alí, a marcha continuou até o edificio de sindicatos, onde mantiveron unha asemblea.

Durante a marcha, que estivo custodiada por un forte dispositivo policial, puidéronse escoitar consignas como “ERE de extinción para a dirección” ou “sen paro e sen traballo imos para o carallo”, en referencia ao feito de que varios traballadores/as perderon xa o dereito a prestación por desemprego por mor das discriminatorias rotacións no tempo de traballo durante a execución das dúas regulacións temporais que padeceu a fábrica de Coirós e que en total sumarán 16 meses.

Agora, a empresa pretende sacar adiante un ERE de extinción, que, de ser autorizado pola Consellaría de Traballo, suporía o despedimento de 89 persoas, máis os/as 140 traballadores/as que se verían afectados por unha nova regulación temporal. Alén do persoal de Emesa, na factoría hai traballadores/as destinado aos servizos e cociña, limpeza, pintura, etc., que tamén se verían prexudicados/as. “En total, case uns 300 empregados/as, e as súas familias, estarían afectados/as polo expediente”, matizaba o Presidente do Comité, Andrés Rodríguez.

“Este ERE significa o continuación do desmantelamento da factoría de Coirós”, denunciaba Rodríguez ao inicio da mobilización, quen subliñou que xa antes da execución da primeira regulación temporal, a dirección de Emesa levara a cabo máis de cen despedimentos.

“Dirixímonos hoxe á Xunta porque é a máxima responsábel, xa que a administración é a encargada de autorizar ou rexeitar os EREs”, apuntaba o Secretario do Comité, Alberte Muíño, ao tempo que rexeitaba os argumentos esgrimidos pola empresa para xustificar a súa decisión.

Traballos subcontrados

O Presidente do Comité lamentou a falta de interese que tanto Emesa, como o grupo ao que pertence, Isolux Corsán, teñen amosado pola continuidade da actividade nas instalacións de Coirós. De feito, dende o Comité tense denunciado que a dirección está subcontratando traballados que até hai meses se viñan realizando na factoría. Así aconteceu con tarefas para as obras de ampliación do aeroporto de Lavacolla e nestes intres sucede o mesmo coas obras da ponte a Pocomaco (na terceira ronda da Coruña), que Isolux pasou a outra empresa.

Iniciativa parlamentar

O vindeiro 23 de febreiro a situación do persoal de Emesa chegará ao Parlamento Galego, a través dunha iniciativa que vén de presentar o BNG interesándose polas medidas que o goberno galego vai adoptar diante da presentación deste novo ERE.

Así mesmo, dende o Comité advertiuse que as mobilizacións na defensa dos postos de traballo continuarán nas vindeiras semanas.

O Comité de Emesa rexeita o anuncio da dirección de presentar un novo ERE na planta de Coirós

2011-09-30T13:52:00.000+02:00

O persoal celebrou unha asemblea e unha concentración nas instalacións para avaliar as últimas accións da representación dos traballadores/as e a situación da empresa

O Comité de Elaborados Metálicos SL, Emesa, celebrou esta mañá unha asemblea de traballadores/as e unha concentración diante das instalacións de Coirós para denunciar as intencións da empresa de presentar un ERE temporal e outro de extinción. Hai que lembrar que o persoal de Emesa está a padecer nestes intres a segunda regulación temporal consecutiva, sen que a dirección da factoría nin do grupo empresarial Isolux Corsán, ao que pertence, levaran a cabo as xestións oportunas para garantir a continuidade da actividade na fábrica e dos máis de 300 postos de traballo directos e indirectos que dependen dela.

A continuación reproducimos o comunicado do Comité de Emesa:

O mércores, día 26 de xaneiro, o Comité de Empresa de Elaborados Metálicos EMESA SL empresa pertencente o grupo Isolux Corsán, convocou unha asemblea de traballadores e traballadoras que rematará con unha concentración diante da empresa na súa factoría de Coirós, ás 11:30h.

Nesa asemblea informouse aos traballadores e traballadoras tanto do recurso ao segundo ERE, que recibiu por parte da Delegación de Traballo da Xunta de Galiza o silencio administrativo, como da denuncia por discriminación nas rotacións que foi a xuízo o pasado 17 de decembro de 2010 e que a día de hoxe aínda non tivo sentenza por parte do xulgado. Dentro desa mesma xuntanza falouse cos traballadores/as sobre as conversas polo Convenio Colectivo que a Dirección da Empresa ten estancadas dende hai dous anos.

Despois das presións por parte do Comité de Empresa para que a empresa expuxera un plan global para o mantemento dos postos de traballo, a Dirección de EMESA comunicou de forma verbal a intención de pedir un ERE de extinción así como outro temporal, comunicación que, segundo a dinámica do Grupo Isolux Corsán e a Dirección de EMESA, non concretou nin a cantos traballadores afectará calquera dos dous ERE, nin as condicións dos mesmos.

Elaborados Metálicos EMESA SL está a sufrir o seu segundo ERE, que rematará no mes de marzo co que se sumarán 16 meses en regulación de Emprego. Esta situación prolongada no tempo, a discriminación nas rotacións e o estancamento na negociación do convenio pola negativa actitude de negociación da Dirección da empresa, está a causar unha crecente incertidume e malestar entre o Comité de Empresa e os traballadores para coa Dirección de Isolux Corsán e EMESA.

Todo isto sumado ao silencio da empresa, que só accedeu a reunirse de forma oficial co Comité de Empresa a principios de febreiro, data na que se esgotan os prazos para a presentación do ERE de extinción, evitando deste xeito calquera tipo de conversa cos traballadores/as antes da presentación do expediente, e negándolle información das condicións e tipo do mesmo. Dita situación está a somerxer en un clima laboral depresivo a todos os traballadores da empresa e as subcontratas que traballan na mesma.

Máis de 300 postos de traballo directos e indirectos dependen de esta factoría, pero neste intre descoñécese cal será o seu futuro laboral. Non temos información real sobre a carga de traballo que ten EMESA e vemos como o grupo Isolux Corsán desvía traballos que poderían ser feitos por EMESA a empresa de fóra do grupo.

Comité de Empresa

Elaborados Metálicos EMESA SL

Traballadores/as de EMESA concéntranse diante dos xulgados coincidindo coa celebración do xuízo polo conflito colectivo

2011-09-30T13:51:00.001+02:00

O Comité denuncia a arbitraria xestión das rotacións entre o persoal, que teñen ocasionado que varios operarios perderan xa o dereito a cobrar a prestación por desemprego

Traballadores/as da planta de Elaborados Metálicos EMESA desenvolveron na mañá deste venres unha concentración diante do edificio dos xulgados de A Coruña, onde ía comezar, ás 10:50 horas, o xuízo pola demanda de conflito colectivo presentado contra a empresa por mor das discriminacións na xestión das rotacións de traballo durante a aplicación dos dous expedientes de regulación de emprego temporais.

O Comité da planta de Coirós denuncia que as rotacións foron realizadas baixo os criterios da empresa de rendabilizar ao máximo a produción co menor número de traballadores/as. Esta decisión arbitraria por parte da dirección de EMESA ten provocado que o persoal comezara a perder xa o 10% da súa prestación por desemprego e que varios operarios esgotaran xa o dereito a cobrar o paro. Ademais, ao permanecer no ERE non poden traballar e polo tanto carecen de calquera fonte de ingresos.

O pacto para as rotacións equitativas no tempo de traballo xa se asinara na primeira regulación, mais a empresa xa incumprira o acordo daquela. Agora, co segundo ERE plenamente vixente, a dirección de EMESA continúa coa mesma política, motivo que levou ao Comité a presentar a demanda de conflito colectivo. A este respecto, lembran que que o cadro de persoal, ao estar regulado, “está pondo as súas prestacións por desemprego, é dicir os seus dereitos, a dispor da empresa, co obxectivo de que busque unha solución a súa crítica situación”. Non obstante, a dirección non deu un só paso até agora neste sentido.

Os acordos do primeiro ERE continúan nesta segunda regulación, despois de que a Dirección e o persoal non chegaran a un entendemento e a Dirección de Relacións Laborais estabelecera como vixente o pacto primeiro.

Dende o Comité tamén se quere denunciar o desinterese de Isolux Corsán, grupo ao que pertence EMESA, por salvar a planta de Coirós, pois comezou a subcontratar servizos que até o momento viñan realizando os operarios/as de Emesa.

Reunión coa empresa

Así mesmo, dende o Comité adiantaron que a vindeira semana está solicitada unha reunión coa Dirección Xeral da empresa para informarse sobre o Plano de Viabilidade da compañía, dado que en marzo próximo remata a vixencia do segundo ERE.

Alén da xuntanza, a representación do persoal ten convocadas asembleas de traballadores para acordar un novo calendario de mobilizacións a desenvolver nos vindeiros meses.

O Comité de Emesa convoca unha concentración con motivo da celebración do xuízo polo conflito colectivo contra a empresa

2011-09-30T13:50:00.000+02:00

O venres 17 de decembro, a partir das 10:15 horas, diante dos xulgados de A Coruña, para denunciar a arbitraria xestión das rotacións entre traballadores/as

O comité de Elaborados Metálicos EMESA, en Coirós, ten unha convocada unha concentración para mañá, venres 17 de decembro, ás 10:15 horas, diante do edificio dos xulgados de A Coruña (Rúa Monforte, s/n) coincidindo coa celebración do xuízo polo conflito colectivo presentado contra a empresa por discriminación na xestión das rotacións de traballo durante a aplicación dos dous expedientes de regulación de emprego temporais.

A representación do persoal denuncia que as rotacións foron realizadas baixo os criterios da empresa de rendabilizar ao máximo a produción co menor número de traballadores/as. Esta decisión arbitraria por parte da dirección de EMESA ten provocado que o persoal comezara a perder xa o 10% da súa prestación por desemprego e que varios operarios esgotaran xa o dereito a cobrar o paro.

Alén da xuntanza, a representación do persoal ten convocadas asembleas de traballadores para acordar un novo calendario de mobilizacións a desenvolver nos vindeiros meses.

O Comité de EMESA expón á Subdirectora de Traballo a crítica situación que padece o persoal por mor do novo ERE temporal

2011-09-30T13:48:00.000+02:00

Os traballadores desenvolveron unha concentración diante do edificio administrativo da Xunta en A Coruña

Traballadores de Elaborados Metálicos SA (EMESA) iniciaron na mañá deste venres mobilizacións contra do segundo ERE temporal consecutivo imposto pola empresa e a falta de cumprimento dos acordos de rotación dos tempos de traballo. O persoal desenvolveu unha concentración diante do edificio administrativo da Xunta en A Coruña. Previamente, unha representación do Comité mantivo unha xuntanza coa Subdirectora Xeral de Traballo para expor a situación na empresa e informarse do estado de tramitación do recurso de alzada presentado contra esta segunda regulación.

Persoal da factoría de EMESA en Coirós, pertencente ao grupo Isolux Corsán, comezou esta mañá as mobilizacións en contra do segundo expediente de regulación temporal que a empresa está a executar e para urxir á administración galega a que resolva o recurso de alzada presentado polo Comité contra a aprobación deste novo ERE. Previamente, unha representación dos traballadores/as trasladouse até Compostela para manter unha entrevista coa Subdirectora Xeral Traballo, na que expuxeron a crítica situación que está a padecer o cadro de persoal por mor desta nova regulación e diante dos reiterados incumprimentos por parte da empresa dos acordos acadados a respecto das rotacións de traballo.

Pola súa banda, a responsábel política informou que a administración se vai pronunciar nas vindeiras semanas sobre o recurso, pois ten como data límite para resolver o expediente o 21 de decembro. Neste senso, dende o Comité lamentouse a demora por parte da Consellaría para atender a solicitude de reunión.

O presidente do Comité e delegado da CIG, Andrés Rodríguez, denunciou novamente durante a concentración que o persoal de EMESA “estamos traballando de balde. A empresa está a xogar coas nosas prestacións por desemprego e estamos regalando o noso paro a moi alto prezo”. Rodríguez refírese a que parte dos traballadores comezaron a perder xa o 10% da súa prestación por desemprego, e varios operarios xa esgotaron o dereito a cobrar o paro por culpa da arbitraria distribución do tempo de traballo decidida pola empresa.

Ademais, o Comité denunciou o desinterese amosado por Isolux Corsán para salvar a planta de Coirós, xa que, a pesar do esforzo dos traballadores/as, o grupo empresarial mesmo comezou a subcontratar traballos que até agora realizaba o persoal de Emesa.

Nova mobilización o 17 de setembro

A asemblea de traballadores/as tamén acordou convocar unha nova concentración o vindeiro 17 de decembro, con motivo da celebración do xuízo polo conflito colectivo presentado polo Comité contra a dirección, a causa das discriminacións feitas nestes dous EREs entre o persoal, ao incumprírense os acordos de rotacións equitativas. O presidente do Comité animou ao conxunto dos traballadores/as a asistir a esta mobilizacións, pois, aseverou, “esta é a nosa última oportunidade de frear este atentado á nosa integridade como traballadores. As rotacións foron feitas baixo os criterios da empresa de rentabilizar ao máximo a produción co menor número de traballadores, e iso non o podemos permitir”.

O persoal de Emesa acorda desenvolver un calendario de mobilizacións contra os incumprimentos dos acordos no segundo ERE

2011-09-30T13:47:00.000+02:00

O Comité convocou unha concentración para o martes 23 de novembro diante do edificio administrativo da Xunta en A Coruña

O Comité de Empresa de Elaborados Metálicos EMESA, do grupo Isolux Corsán, fixo público o malestar e preocupación de todos os traballadores e traballadoras, directos e indirectos, diante da penosa situación que están a padecer, ao encadear dous EREs temporais consecutivos, regulacións nas que a empresa non ten respectado os pactos acadados co persoal para a rotación do tempo de traballo. Así, a asemblea de traballadores/as acordou iniciar un calendario de mobilizacións, que comezará este martes 23 de novembro cunha concentración diante dos edificios administrativos da Xunta en A Coruña.

Logo de un ano de regulación e dous EREs temporais consecutivos, que suman 16 meses, os reiterados incumprimentos dos acordos asinados entre a empresa e os traballadores/as e a mala xestión das rotacións pactadas, teñen ocasionado que parte do persoal comezara a perder xa o 10% das prestacións por desemprego.

Así mesmo, denuncia o Comité, esta arbitraria distribución do tempo traballado, decidida unilateralmente por Emesa, ocasionou que varios operarios/as perderan o dereito a cobrar o paro. Ademais, ao permanecer no ERE non poden traballar e polo tanto carecen de calquera fonte de ingresos.

A este respecto, o Comité quere lembrar tanto a EMESA como ao grupo propietario, Isolux Corsán, que o cadro de persoal, ao estar regulados, “está pondo as súas prestacións por desemprego, é dicir os seus dereitos, a dispor da empresa, co obxectivo de que busque unha solución a súa crítica situación”. Non obstante, a dirección non deu un só paso até agora neste sentido e mesmo os traballadores/as tiveron que recorrer á vía xudicial para que os dereitos e acordos entre ambas partes sexan respectados.

Dende o Comité tamén se quere denunciar o desinterese de Isolux Corsán por salvar a planta de Coirós, pois comezou a subcontratar servizos que até o momento viñan realizando os operarios/as de Emesa.

Fronte a esta perspectiva, a asemblea de traballadores e traballadoras acordou iniciar un calendario de mobilizacións a partir deste 23 de novembro, cunha concentración diante do edificio administrativo da Xunta en A Coruña, ás 11:30 horas, reclamando ser recibidos polo Director Xeral de Relacións Laborais. Dende o Comité solicitouse en varias ocasións unha xuntanza para abordar o recurso de alzada ao ERE, presentado despois de que dita Dirección aprobara a regulación de emprego.

Ademais desta concentración, hai outra mobilización convocada para o próximo 17 de decembro, data na que terá lugar o xuízo polo Conflito Colectivo presentado polo Comité contra a dirección da empresa. A denuncia foi interposta por mor das discriminacións realizadas nestes dous EREs entre traballadores/as, ao incumprírense os acordos de rotación equitativas que xa se asinaran na primeira regulación. Estes acordos seguen vixentes no segundo ERE, despois de que a Dirección e o persoal non chegaran a un entendemento e a Dirección de Relacións Laborais estabelecera como vixente o pacto primeiro.

Estas dúas concentracións, que se desenvolverán baixo o lema “En defensa dos postos de traballo. Solución xa”, complementarse con outras accións que se acordarán despois do mes de decembro.

Delegados da CIG en Emesa denuncian a falta de medidas de seguridade e presións da empresas para acurtar os tempos de traballo

2011-09-30T13:46:00.001+02:00

Na mañá deste venres un traballador sufriu un grave accidente cando operaba nunha zona confinada

A sección sindical da CIG en Emesa, diante do grave accidente sufrido por un traballador esta mañá, vén de emitir un comunicado denunciando a falla de medidas de seguridade e as presións que a empresa está a realizar para que os operarios/as acurten os tempos de traballo, co obxecto de poder así incorporar a todo o cadro de persoal ao segundo ERE temporal na fábrica de Coirós.

A continuación reproducimos o comunicado feito público este mediodía:

Diante do accidente laboral acontecido esta mañá na fábrica de Emesa en Coirós, os delegados da Sección Sindical da CIG no Comité de Empresa manifestamos o seguinte:

1.-Hoxe 15 de outubro de 2010, sobre das 6:00 da mañá, produciuse un accidente grave na factoría que a filial de Isolux (EMESA) ten en Coirós.

2.-O traballador, un soldador duns 40 anos, sufriu un grave accidente ao ser golpeado por unha radial na cara, cando estaba efectuando traballos nunha zona confinada cunha altura de 40 centímetros. Isto significa que se trataba dunha manobra inminentemente perigosa dada a incomodidade do traballo e as condicións precarias nas que se producía este traballo; non estando claros, nin rigorosamente efectuados os protocolos de seguridade. Ditos protocolos son inefectivos ante a presión que está a exercer a Empresa, xa que pretende acurtar os tempos de traballo para poder incorporar a todo o cadro de persoal ao segundo ERE que padecen os traballadores/as desta Empresa.

3.-Outra das ineptitudes que está a desenvolver a Empresa refírese a falla de servizos médicos, que dende hai unha semana se lle está comunicando á dirección que faltan na quenda de noite.

4.-Así mesmo, queremos denunciar que dende o 27 de setembro, e por presión da empresa, gran parte do persoal está a traballar en quendas continuadas e extraordinarias sen descanso dende a fin de semana até o día de hoxe. Hai que ter en conta que estes traballos son efectuados nunha situación de dous EREs de suspensión de contrato, que suman entre os dous 16 meses, e sabendo, pola información facilitada pola empresa, que dende mediados de novembro até o 22 de marzo (data na que remata o ERE) estarán a maior parte dos traballadores afectados en situación de paro.

O Comité de EMESA denuncia a subcontratación de traballos que se viñan realizando no taller de Coirós

2011-09-30T13:45:00.000+02:00

A sección sindical da CIG na empresa advirte da gravidade destes feitos ao atoparse o persoal ás portas dun segundo ERE

O Comité de EMESA vén de denunciar que a empresa subcontratou traballos destinados ás obras de ampliación do aeroporto de Lavacolla que polas súas características (caldeirería, soldadura, corte,etc.) se realizaban no taller da factoría en Coirós. Dende a sección sindical da CIG en Emesa subliñan a gravidade destes feitos, pois o persoal está inmerso nun ERE temporal e hai unhas semanas a empresa presentou unha segunda regulación por oito meses máis. O Comité xa puxo esta situación en coñecemento do Xefe Territorial da Consellaría de Traballo, que actualmente estuda a proposta de ERE, para que adopte todas as medidas oportunas.

O Comité presentou denuncia diante dos responsábeis de Recursos Humanos e de Produción da empresa e puxo esta situación en coñecemento do Xefe Territorial da Consellería de Traballo e Benestar, que actualmente está a estudar a proposta da EMESA para o segundo ERE, co obxecto de que adopte as accións pertinentes.

Despois de realizar dita denuncia, os delegados da CIG do Comité puideron constatar que un xefe de taller de EMESA visitou a empresa na que foron subcontratados os traballos (destinados ás obras de ampliación do aeroporto de Lavacolla) para ver a súa evolución.

Hai que lembrar que EMESA ten vixente un ERE temporal que afecta a todos os traballadores/as, até o vindeiro día 22 de xullo. Non obstante, a Dirección presentou hai unhas semanas un segundo expediente temporal que afectaría a todo o cadro de persoal por outros oito meses, tendo a día de hoxe o taller unha actividade mínima porque só están a traballar unha cuarta parte dos operarios/as. “Con este panorama a Dirección ten a desvergonza de subcontratar traballos a empresas externas tendo ao seu cadro de persoal no paro”, denuncian dende a sección sindical da CIG.

Así, o Comité de Empresa esixiulle á Dirección que estes traballos subcontratados sexan feitos na empresa e que se incorporen á factoría de Coirós os operarios/as precisos para o desenvolvemento dos mesmos.

Dende a Sección Sindical da CIG salientaron que dita situación se da despois de que os traballadores/as de EMESA en Asemblea se negaran a aceptar as propostas da empresa de cara a este segundo ERE, xa que non se garantían unhas rotacións equitativas que solucionaran as discriminacións sufridas nesta primeira regulación. De feito, nos últimos oito meses algúns/has operarios/as estiveron en activo mais de 200 días, mentres que outros/as non chegaron a traballar máis de 14 xornadas. O persoal entende que con estas rotacións desequilibradas a empresa pretende “afogar” a moitos/as traballadores/as ao esgotaren a prestación por desemprego.

A asemblea de traballadores/as e o Comité de Emesa rexeitan o novo ERE proposto pola empresa

2011-09-30T13:43:00.000+02:00

O cadro de persoal denuncia as presións e ameazas por parte da dirección para conseguir un acordo

A Asemblea de traballadores/as de Emesa e o Comité queren amosar publicamente o seu rexeitamento ao segundo ERE temporal de oito meses proposto pola empresa, encadeando así 16 meses de regulación, así como denunciar que a multinacional está a presionar ao cadro de persoal para que acepten o novo ERE, baixo a ameaza de presentar un expediente de extinción que afectaría ao 50% dos postos de traballo. Dende a asemblea de traballadores/as e o Comité tamén se quere aclarar que a falta de acordo para este novo ERE veu causado pola negativa da empresa a aceptar as rotacións equilibradas, así c

omo que ante a imposibilidade de chegar a un acordo o Comité solicitou unha mediación do AGA á que a dirección se negou.

A poucos días de que remate a vixencia do ERE temporal en Emesa o vindeiro 22 de xullo, a proposta da nova regulación na fábrica de Coirós ficou sen acordo ao rexeitar o mesmo a asemblea de traballadores, posto que a empresa pretendía consolidar os incumprimentos e inxustizas cometidas nos últimos oito meses.

Así, os traballadores/as e o Comité denuncian os incumprimentos da empresa a respecto dos acordos acadados para a sinatura do primeiro ERE, especialmente no referido ás rotacións. Explican que neste momento hai dous traballadores que xa gastaron o tempo de paro, mentres que outros empregados manteñen case a integridade da prestación. Ademais, Emesa pretende consolidar estas diferenzas, polo que durante a vixencia do expediente poñeríase en perigo de perda a prestación de desemprego a máis de 20 traballadores/as.

Durante as negociacións a empresa tamén estivo presionando á representación dos traballadores/as, asegurando que o cadro de persoal da planta de Coirós está sobredimensionado, polo que ao remate do novo ERE (marzo de 2011) podería pór en marcha un “reaxuste” de persoal. Baixo estas condicións, Emesa pretendía continuar coas rotacións desiguais e desproporcionadas e ao mesmo tempo manter a realización de horas extraordinarias.

A maiores, á vista da falta de entendemento, a filial de Isolux Corsán ameazou con que se non chega a un acordo para o segundo expediente nas mesmas condicións que o anterior, presentará un ERE de extinción para o 50% do cadro de persoal, afectando a máis de 130 persoas.

Así as cousas, concluído o período de negociacións e convocada a asemblea traballadores para expor os puntos de encontro e desencontro coa empresa, por maioría decidiuse non aceptar o acordo con Emesa. Agora o cadro de persoal e o Comité estudan convocar un calendario de accións a desenvolver en contra deste novo ERE, para esixir un apoio decidido do grupo empresarial á planta de Coirós e polo mantemento no futuro de todos os empregos.

Os traballadores/as de Emesa amosan a súa preocupación polo futuro da factoría diante da presentación do segundo ERE

2011-09-30T13:41:00.000+02:00

O Comité reclama unha rebaixa solidaria dos salarios da dirección

A Asemblea de traballadores/as de Emesa e o Comité veñen de facer público o seu malestar e a súa preocupación pola actual situación da empresa, que vén de presentar un novo ERE de suspensión de contratos cunha duración de 8 meses. Persoal e Comité alertan da falta de apoios por parte do grupo empresarial, Isolux Corsán, á factoría de Coirós, pondo en perigo a continuidade dos postos de traballo. Así mesmo, solicitaron unha rebaixa solidaria do 15% dos salarios dos cargos de dirección non regulados e unha redución do número de postos directivos.
Logotipo Emesa

Dende o Comité, presidido pola CIG, sinalan que despois de case dúas semanas de terse anunciado a marcha do Director da Factoría e sen ter substituto, presentouse un novo ERE de suspensión de contratos de 8 meses de duración co cal xa se suman 16 meses de regulación “sen ter garantías nin expectativas de solución na situación actual da empresa”.

Neste senso, apuntan que os incumprimentos manifestos do acordo no primeiro ERE, sobre todo no que respecta ás rotacións do persoal, poñen en perigo de perda da prestación de desemprego a un número importante de traballadores. De feito, no transcurso do novo ERE as perdas económicas para o persoal pasarán a ser “bastante graves”, xa que se rebaixará entre un 25 e 30% da base reguladora.

Por parte dos/as traballadores/as sospéitase que a actitude da empresa ten como obxectivo desfacerse de parte do persoal pola vía do “cansazo ou por non poder aturar esta situación”.

“Os/as traballadores/as e o Comité queremos denunciar o abandono que por parte do Grupo Isolux Corsán se está a facer de Emesa, nun intre en que certas empresas do sector de fabricación de estruturas comezan a ter algo de carga de traballo. EMESA a dia de hoxe ten unha carencia moi grande de carga de traballo xerando cada vez menos expectativas de cara a continuidade da factoría”, alertan.

Baixada solidaria dos salarios dos cargos de dirección

Dende o Comité solicitaron á dirección que pola súa banda tamén asuma un esforzo solidario cos traballadores/as, recortando os salarios dos cargos de dirección non regulados un 15% e rebaixando o número destes postos. Así, o Comité solicitou que se realice estudo un que reflicta as necesidades reais de todos os cargos de dirección, xa que hai postos que deberían depender directamente da Dirección da Xerencia da factoría e, polo tanto, “non fai falla o dito cargo”.

Demandaron, ademais, que o persoal regulado que non estea prexubilado e que pertenza a cargos de dirección, acepte durante o tempo que se prolongue este segundo ERE unha baixada salarial do 15% en solidariedade cos traballadores e para mellorar a conta da empresa.

A este respecto lembran que a dirección de recursos humanos de Emesa é compartida, xa que o mesmo director de RRHH ten ese cargo dentro do grupo Isolux Corsán como responsábel para Galiza. “Entendemos que Emesa se terá que ocupar da parte do salario deste responsábel, mais a retribución deste cargo debe ser compartida por todas as empresas do grupo de Galiza” e non recaer unicamente na fábrica de Coirós.

O aforro que suporían estas medidas, explica o Comité, podería redundar na mellora das condicións económicas de todos os traballadores/as de cara a este segundo ERE que a empresa vén de presentar.

2011-02-24T13:36:00.002+01:00

Por causa da velocidade que están collendo todas as informacións, e a imposibil.idade de ter o dia o bloge, recomendamosvos visitar o espazo da CIG de EMESA no facebook.

Accedede dende aquí

A CIG convoca folga xeral o 27 de xaneiro contra “as políticas que imporán un retroceso social e laboral de 60 anos”

2011-01-04T09:51:00.001+01:00

A Confederación Intersindical Galega ten convocada unha nova folga xeral para o vindeiro 27 de xaneiro en contra das políticas “anticrise” adoptadas polos gobernos, nomeadamente a pretensión de reformar o sistema público de pensións, que o Secretario Xeral cualificou como “o maior ataque aos dereitos da clase traballadora dende o franquismo”. A central anima a CCOO e a UGT a sumarse á convocatoria, que coincide no tempo co paro xeral anunciado polos sindicatos vascos, e adiantou que está disposta a flexibilizar a data de cara a consensuar un día común, co obxecto de fortalecer a resposta social. En todo caso, a convocatoria de folga xeral realizarase antes do 28 de xaneiro, xornada marcada polo goberno español para sacar adiante a súa proposta de reforma das pensións.

Ao mesmo tempo que a Comisión do Pacto de Toledo ultimaba o seu informe, o Secretario Xeral da CIG, Xesús Seixo, acompañado do Secretario de Comunicación e Propaganda, Francisco Miranda Vigo, comparecían en rolda de prensa para anunciar a decisión do Secretariado Confederal da CIG de promover a convocatoria dunha nova folga xeral o vindeiro 27 de xaneiro, na véspera da data límite marcada polo goberno español para sacar adiante a súa proposta de reforma do sistema de pensións.

Seixo advertiu da necesidade de dar unha resposta contundente ás políticas económicas e laborais que os gobernos viñeron adoptando até o momento, porque “todos os avances que se tiñan conseguido cara un sistema de protección social estábel e seguro estanse destruíndo. Tanto as reformas xa efectuadas, como agora a das pensión ou a que se nos anuncia da negociación colectiva déixanos nunha situación social e laboral de hai 60 anos”, advertiu. “Estamos ante un cúmulo de despropósitos que require dunha contestación inmediata”.

Redución das contías das pensións

O Secretario Xeral da CIG foi moi crítico á hora de avaliar as propostas de atrasar a idade de xubilación até os 67 anos e incrementar os anos para calcular a base reguladora, medidas destinadas á dificultar o acceso ás pensións e rebaixar as contías das mesmas. Sobre este punto, explicou que, na práctica, subir de 15 a 20 anos o tempo para a base reguladora suporá unha perda do 6% nas pensións futuras. Se o cálculo se realiza en 25 anos, provocarase unha caída das contías das pensións do 10%, e se finalmente se ten en conta toda a vida laboral, tal e como veñen reclamando a CEOE ou o FMI, a perda ascende até o 20% da prestación percibida.

A maiores tamén se fala da necesidade de mudar o sistema de revisión das pensións en función do IPC real, co obxectivo de reducir por esa vía o poder adquisitivo das pensións.

As recomendacións da Comisión do Pacto de Toledo

En canto ao atraso da idade de xubilación, Xesús Seixo referiuse á xuntanza que a Comisión do Pacto de Toledo estaba mantendo á mesma hora que a central comparecía en rolda de prensa, advertindo das preocupantes “recomendacións” contidas no seu informe.

Aínda que o documento non recolle expresamente a suxestión de elevar a 67 anos a idade de xubilación, insta a tentar igual a idade real de xubilación, situada arredor dos 63 anos, coa idade legal, os 65. Isto suporá a adopción de políticas destinadas a dificultar as xubilacións anticipadas, voluntarias ou mesmo as xubilacións parciais con contrato relevo; unha vía escollida por moitas empresas para rexuvenecer os seus cadros de persoal.

Ademais, o goberno fala ás claras de primar o atraso da idade de xubilación con fondos públicos, favorecendo así as uns sectores que non sofren o desgaste físico e psíquico que padecen outras profesións.

Neste punto, o Secretario Xeral da CIG, manifestou as contradicións nas que cae a propia patronal ao demandar o atraso da idade de xubilación até os 70 anos, cando son as empresas as que dificultan o acceso ao mundo laboral aos traballadores e traballadoras maiores de 50 anos e despiden, en primeiro lugar, aos obreiros/as máis antigos.

Os falsos argumentos para xustificar a reforma das pensións

Se ningunha das reformas que o goberno veu aprobando até agora está xustificada, a modificación das pensións só obedece a unha estratexia para facilitar liquidez e recursos á banca. Por iso, Seixo, afirmou que “se Zapatero e o seu goberno fosen minimamente honrados o que deberían facer é dimitir e pasar a cobrar a súa nómina do BBVA ou o Banco Santader, xa que traballan para a banca e non para a maioría da sociedade”.

Para xustificar esta reforma, aclarou, estanse recorrendo a informes de “expertos” que teñen situado a quebra do sistema público de pensións no horizonte do ano 2040, estudos de dubidosa rigorosidade cando previamente vaticinaron esta quebra no 2005, 2010, etc.. Utilízanse, así mesmo, argumentos falsos que pretenden vincular a viabilidade do sistema á evolución demográfica, é dicir, ao avellentamento da poboación. “O futuro das pensións tense que vincular ao número de activos, que son quen pagan as pensións dos pasivos, e á propia calidade dos salarios”, aseverou Seixo. “Polo tanto, aplicando políticas de fomento do emprego e de salarios dignos, están máis que garantidos os ingresos á seguridade social”.

Fronte a estes argumentos catastrofistas, Seixo lembrou que o superávit da Seguridade Social está por enriba dos 60.000 millóns de euros, e que no terceiro trimestre de 2010, cunha taxa de paro do 20%, o sistema rexistraba un superávit de 11.000 millóns de euros. “Haberá que preguntarlle a estes expertos que previsións teñen de desempregados/as para o 2040 para crer que vai ser deficitaria a seguridade social. Pensan que haberá un 40% de parados/as?”, preguntou.

Outro dato que se esgrime refírese ao incremento substancial das pensións no PIB futuro, facendo o sistema insostíbel. Porén, os datos actuais tiran polo chan este argumento. No ano 1995 o peso das pensións no PIB representaba o 8%. En 2008, cun incremento de 1.5 millóns de pensionistas, esta cifra reduciuse ao 7,8%, ao incrementarse de forma significativa o Produto Interior Bruto. A falacia do argumento consiste en baremar só unha das variábeis sen ter en conta o propio crecemento do PIB.

Desigualdades sociais e garantías

Alén de resultar tremendamente beneficiosos para o capital financeiro e o seu modelo especulativo, a xeneralización dos sistemas privados de pensión creará graves desigualdades sociais entre aqueles/as traballadores/as en precario que non poidan acceder a un sistema complementario de pensións e aquelas persoas con maior capacidade de aforro. Isto, alertou, provocará que un sector moi amplo da poboación só teña posibilidade de percibir as pensións mínimas.

Do mesmo xeito, a CIG recalca que único sistema garantista é o público, porque os pagos se afrontan coas achegas dos/as traballadores/as en activo. Por iso, Seixo apuntou que, ao estar suxeitos aos movementos especulativos, os fondos privados de pensións non poden garantir a súa propia supervivencia e, ao igual que acontece neste momento, “se os estados non saísen en defensa do sector financeiro, moitos destes fondos estarían en quebra”.

Chamamento á UGT e CCOO

Durante a comparecencia, Seixo aclarou aclarou que a CIG comunicou a súa decisión de convocar folga xeral o 27 de xaneiro aos Secretarios Xerais de UGT e CCOO en Galiza, animándoos a sumarse a esta convocatoria; mais tamén explicou que a central nacionalista está aberta á posibilidade de mudar de data. Se a nivel estatal UGT e CCOO deciden adoptar outro día para a folga xeral, previo ao 28 de xaneiro, a CIG “non terá inconveniente en consensuar unha data para conseguir unha maior resposta social”.

Dende a CIG advertiuse da necesidade de contestar contundentemente a todas estas políticas neoliberais, porque, do contrario, “estaremos diante dun escenario moi complicado para a clase obreira”. Neste senso, afirmou que a folga xeral do pasado 29 de Setembro obxectivou que cando o movemento obreiro actúa con coherencia “hai motos miles de traballadores e traballadoras dispostos a dar a cara”.

Boletin Sindical Folga Xeral

2010-10-20T11:45:00.000+02:00

A CIG diante do accidente sufrido por un traballador en EMESA

2010-10-20T11:39:00.001+02:00

A denuncia da CIG nos na prensa

2010-10-20T11:28:00.002+02:00

Clic na imaxe para vela en grande

Voceiro especial de Outubro 20101

2010-10-04T13:59:00.001+02:00

Piquete en EMESA

2010-10-01T00:14:00.004+02:00

Director Xerente, Director de Recursos Humanos e Xefe de Producción en perfecta coordinación por unha vez , apartan a bandeira da CIG porque molestaba e cortan os candados do portalon de EMESA

A CIG reclama do goberno central a retirada da reforma laboral e que non se leven a cabo as reformas pendentes

2010-09-30T23:24:00.003+02:00

O secretario xeral da CIG, Suso Seixo, compareceu hoxe en rolda de prensa acompañado polo secretario confederal de Comunicación, Francisco Miranda Vigo, para avaliar a xornada de folga xeral, que cualificou como “éxito rotundo”, e para reclamar do goberno central a retirada da reforma laboral e que non se leven a cabo as reformas anunciadas polo Executivo, nomeadamente a das pensións, a da negociación colectiva e a das prestacións por desemprego. Xunto a iso, demandou políticas para saír da crise favorábeis á maioría social e alertou de que as mesas de diálogo social só serviron para crear falsas expectativas e para desmobilizar.

Malia o “complicado escenario” no que se producía a convocatoria de folga xeral, cunha campaña deseñada para desprestixiar ás organizacións sindicais, cuestionar a posíbel efectividade da mobilización social, logo de que a reforma xa estaba aprobada, e nun escenario de crise económica que provocaba o temor dos traballadores e traballadoras a mobilizarse por medo a perder o seu posto de traballo, a folga xeral foi, para a CIG un “éxito rotundo”.

Éxito que foi expecialmente importante en Galiza e que, dixo, “tivo moito que ver co papel da CIG”. Nese sentido, salientou que as mobilizacións convocadas pola central sindical foron as máis numerosas e que o traballo desenvolvido tanto nos días previos -con centos de asembleas en empresas de todo o país-, como na propia xornada da folga, cunha importantísima presenza nos piquetes, foi fundamental para acadar o resultado que finalmente se conseguiu.

O día despois

Apoiándose nesta resposta social, Seixo explicou que a CIG dirixirá un escrito ao presidente do goberno para exixirlle que rectifique as súas políticas porque “entendemos que a única saída viábel á cidadanía é que retire a reforma laboral e que non leve a cabo as seguintes”.

O secretario xeral da CIG cuestionou o chamamento do goberno “para a galería” ao diálogo social, co que foi especialmente crítico. Lembrou que durante anos de diálogo constatouse que esas mesas non tiñan servido “para nada”, alén de xerar expectativas que logo non se cumpriron e de desmobilizar, atrasando unha resposta ás medidas políticas e económicas que se estaban a decretar provocando “que tivéramos que ir a unha folga xeral cando xa estaban aprobadas”.

Fronte a isto reclamou polítiticas que leven á saída da crise “en favor da clase social máis prexudicada por esta situación, que é a clase traballadora, e non en favor dos intereses do capital financeiro, que foi quen a provocou e que segue, neste momento, a gañar moitos miles de millóns de euros”.

O secretario xeral da CIG non descartou que haxa que convocar novas mobilizacións, mesmo unha nova folga xeral en Galiza, para obrigar ao goberno a mudar as súas políticas e a retirar as medidas xa aprobadas.

Rigor informativo

Tanto o secretario xeral da CIG como o secretario confederal de Comunicación cuestionaron con dureza o escaso rigor informativo de certos medios de comunicación, entre os que salientaron La Voz de Galicia e Faro de Vigo, polo tratamento das noticias relativas á folga xeral, antes, durante e despois da mesma. “Fíxose unha campaña tratando de dar a imaxe de que esta era unha folga convocada unicamente polas centrais sindicais estatais. Intentouse minorizar ou desinformar sobre o papel da CIG e de manipular sobre o que estaba ocorrendo neste país”.

A este respecto citaron expresamente o tratamento relativo á manifestación de Vigo, na que segundo datos da propia policía local participaron máis de 40.000 persoas e denunciaron que para restarlle relevancia seleccionaron fotos nas que só se apreciaban vistas parciais. “A CIG só aparece cando se fala de piquetes ou onde houbo algún conflito”.

En todo caso, o secretario xeral da CIG matizou que estas críticas ían dirixidas ás direccións dos medios e en ningún caso aos xornalistas que acatan as liñas editoriais nunhas condicións laborais, en moitos casos, precarias.

Extraído de Avantar

A folga xeral en Galiza: éxito de participación e exemplo de dignidade da clase traballadora galega

2010-09-30T23:16:00.004+02:00

Máis de 80.000 persoas secundan as manifestacións convocadas pola CIG nas cidades e vilas do país

A Confederación Intersindical Galega avalía como un éxito rotundo a folga xeral convocada pola central sindical en Galiza este mércores 29 de setembro. Suso Seixo, secretario xeral, considera que se acadou unha participación similar á da folga xeral de 2002, superada en comarcas como Vigo, onde se superou amplamente o 80 por cento. Nas manifestacións convocadas pola central sindical, celebradas en todas as cidades e en numerosas vilas do país, a participación chegou ás 80.000 persoas. A marcha máis numerosa foi a de Vigo, onde a participación superou os 40.000 asistentes.

Na manifestación da Coruña participaron unhas 10.000 persoas; en Compostela 5.000; en Ferrol 5.000; 4.000 en Ourense, 3.000 en Pontevedra; 2.000 en Lugo; outras 2.000 en Vilagarcía e máis de 400 en Noia. En Cee xuntáronse arredor de 350 persoas na concentración convocada e en Foz, onde a protesta se desenvolveu pola tarde, participaron unhas 300 persoas.

A CIG considera de especial relevancia a incidencia da folga xeral na industria onde se superou ao igual que na construción o 75 por cento, cos polígonos industrias e as principais empresas do país paralizadas. Canto á limpeza viaria, a central sindical cifra nun 100% a incidencia da folga e entre un 80 e un 90 por cento no transporte de viaxeiros. Respecto do transporte escolar a central sindical salienta que só funcionaron os servizos mínimos.

En Ensino universitario, as tres universidades estiveron practicamente paralizadas. Canto ao ensino non universitario a incidencia da folga xeral foi superior ao 50%.

Na Banca, nas cidades o paro foi secundado por entre o 60 e o 70% e na administracións públicas rondou o 50%, aínda que a incidencia foi maior nos servizos centrais e periféricos da Xunta de Galiza onde se acadou o 65%. En concellos como o de Santiago estas cifras foron amplamente superadas acadándose o 90%.

Máis de 40.000 persoas en Vigo

A manifestación principal da CIG tivo lugar en Vigo e nela participou o secretario xeral da central, Suso Seixo. A marcha partiu pasadas as 12 do mediodía do cruce da Doblada e rematou na Porta do Sol máis de dúas horas despois. Á cabeza da mobilización unha faixa co lema “Outro modelo económico e social é posíbel. Non á nova reforma laboral” abría o paso a milleiros e milleiros de persoas que amosaron coa súa multitudinaria presenza o apoio ás reivindicacións do sindicato.

Ao remate da mobilización tomou a palabra en primeiro lugar o secretario comarcal da CIG de Vigo, Serafín Otero, quen animou a todos/as os presentes a mostrar o seu rexeitamento ás últimas medidas adoptadas polo Goberno español. Otero salientou o rotundo éxito das convocatorias de folga e manifestacións en toda Galiza a pesar da campaña de difamación dos poderes dominantes e repasou por enriba os principais ataques aos dereitos dos traballadores/as que contén a nova reforma laboral.

Pola súa banda, o secretario xeral do sindicato nacionalista cualificou de exemplo de “combatividade, compromiso e dignidade” a presenza de milleiros de persoas nas rúas de Vigo “defendendo os nosos dereitos como clase e demostrándolle ao capital, ao PSOE e ao PP que non imos agochar a cabeza mentres recortan os nosos dereitos”. Incidiu en que a reforma laboral, o recorte dos salarios dos empregados/as públicos, a conxelación das pensións para 2011, o recorte do gasto público e as reformas pendentes como a das pensións, negociación colectiva ou prestacións por desemprego son razóns suficientes para convocar a folga xeral.

Seixo lembrou tamén durante a súa intervención que dende o primeiro momento d crise económica a CIG chamou á mobilización para esixir “reformas estruturais profundas que levasen a un cambio radical do actual modelo de capitalismo neoliberal na procura dun novo modelo económico e social máis xusto, solidario e democrático”. Neste senso, fixo fincapé en que a clase traballadora non é a responsábel da crise “pero pretenden que sexa quen a pague, mentres os culpábeis (bancos, grandes fortunas e especuladores) seguen a recibir apoios a pesar de obter enormes beneficios en plena crise”.

Finalmente, apostou por acadar maiores cotas de soberanía nacional para poder aplicar políticas propias que permitan superar a actual situación económica e animou a todos/as os presentes a prepararse “para unha dura loita a medio e longo prazo na que esta é a primeira folga xeral, aínda que non descartamos ter que convocar máis”.

Galería de imaxes das manifestacións da CIG

Imaxes das accións dos piquetes informativos durante a folga

Video-reportaxe da manifestación central celebrada en Vigo

Extraido de AVANTAR

“Temos que ser conscientes de que ou se dá unha resposta contundente o día 29 ou será imposíbel frear a perda de dereitos”

2010-09-15T21:45:00.005+02:00

Entrevista ao Secretario Xeral da CIG, Suso Seixo, con motivo da convocatoria de folga xeral

A primeira pregunta é obvia pero inevitábel, cales son os motivos que levaron á CIG a convocar a folga xeral e cales as razóns polas que se fai necesaria?

Dende que se iniciou a crise, a CIG veu reclamando a necesidade da folga xeral como resposta ao que entendemos é o fracaso do modelo económico do capitalismo neoliberal e da política de recorte de dereitos e da precarización das condicións de traballo. Sabíamos que a crise que se iniciaba no sector financeiro pasaría é economía real, traendo consecuencias moi graves para a clase traballadora. Parecíanos fundamental naquel momento facer xa unha demostración de forza e denunciar un modelo baseado nunha economía altamente especulativa, que xera moito lucro para aqueles que controlan os mercados financeiros, pero que non crea riqueza nin fai un reparto minimamente igualitario da mesma.

É evidente que este posicionamento non tivo eco nas centrais sindicais estatais, que se negaron a aceptar unha proposta deste tipo, apostando pola vía de diálogo social no ámbito dunhas mesas que non ían ofrecer alternativas políticas reais de saídas á crise dende unha perspectiva favorábel aos intereses da clase traballadora.

Así chegamos ao escenario actual, no que se teñen adoptado medidas de recorte de dereitos laborais, cunha reforma laboral xa aprobada e con previsión de novas reformas tanto no sistema de pensións como na negociación colectiva ou nas prestacións de desemprego; mentres que non se tomou ningunha disposición contra os verdadeiros causantes da crise. É totalmente necesario facer unha demostración de forza e dar unha resposta contundente o día 29, se queremos que muden estas políticas. Do contrario, o que nos queda é afrontar unha situación moi dura con políticas que afondarán aínda máis no modelo neoliberal e de recorte de dereitos.

Por que a CIG promoveu a súa propia convocatoria de folga en troques de sumarse á de CCOO e UGT?

Dende a CIG consideramos que CCOO e UGT son os culpábeis, en grande medida, de que até agora non se dera unha resposta firme á situación de crise económica, unha resposta mobilizadora e mesmo unha resposta dende o punto de vista do debate social necesario no campo ideolóxico que faga ver á cidadanía que o verdadeiro problema de fondo é o modelo económico actual, así como a necesidade de facer políticas de carácter estrutural que nos levan a un modelo moito máis xusto e solidario, democrático e favorábel aos intereses da maioría social.

As centrais estatais renunciaron a dar este debate e durante todo este período focalizaron as posíbeis saídas da crise nesas mesas de diálogo social, nas que nada se fala da importancia de potenciar o sector público, de crear unha banca pública, de implementar unha política fiscal diferente ou unha política de rendas que supoña unha recuperación do poder adquisitivo dos salarios, etc. Sabían que nesas mesas non se estaba adoptando ningunha medida favorábel aos intereses da clase traballadora. A folga pois é necesaria, nós imos pór todo o noso esforzo para que sexa exitosa, pero non queremos que se confunda o xeito de facer sindicalismo da CIG co que practican CCOO e UGT.

De feito, mentres a nivel estatal buscan a axitación de cara á folga, en Galiza ambas centrais veñen de escenificar a sinatura do diálogo social...

Isto é significativo da concepción que ambas organizacións teñen do sindicalismo. CCOO e UGT levan moitos anos metidos nesta política de pacto social, de colaboración permanente co poder e, de algunha maneira, o que tiña que ser unha loita cun forte contido de clase, convertérono en algo tan esperpéntico como convocar unha folga xeral e ao mesmo tempo asinar un pacto con aqueles que teñen a responsabilidade política e económica desta situación. É evidente que o PP defende abertamente este modelo neoliberal, incluso estas reformas parécenlle pouco profundas, ao igual que a patronal. Polo tanto é unha irresponsabilidade, diante dunha situación de recorte de dereitos destas características e da necesidade de dar unha batalla ideolóxica por un cambio de políticas e de modelo, estar asinando acordos como se ninguén fose culpábel da crise económica. Pactos que, ademais, non van incidir para nada na saída da crise. Iso é xogar ao confusionismo e xogar do lado da dereita e da patronal nunha situación enormemente delicada para a clase traballadora.

Cales son as previsións da CIG a respecto da participación da clase traballadora na folga? Cal é o ambiente que existe nos centros de traballo de cara á convocatoria?

Até agora había certa pasividade nos traballadores/as, en parte motivado pola de perda de empregos, peches de empresas, expedientes de regulación,...que crean unha situación de medo na xente. A isto axuda toda a política que se está a desenvolver a través dos medios de comunicación por parte do poder para desviar o debate sobre as cuestións de fondo. Neste momento non se fala de cales foron as motivacións que nos levaron á crise económica. Parece que o problema de orixe se atopa na rixidez do mercado laboral ou mesmo nun elevado gasto público, no sistema de pensións, etc. Isto xerou moita confusión e mesmo a idea, en moitos sectores, da inevitabilidade destas reformas, da falta de alternativas.

Afortunadamente, vemos que este sentimento está a mudar. Dende o momento no que explicas nas asembleas nos centros de traballo toda esta problemática, a onde nos levan as reformas, que existen políticas alternativas, que hai que sinalar aos verdadeiros culpábeis e pelexar por outro modelo, percíbese un cambio de actitude en moitos traballadores e traballadoras diante da folga xeral. Aínda que temos moitos elementos en contra, creo que o traballo que se está a realizar nas empresas a través de asembleas e da distribución de propaganda vai crear un clima favorábel para que o día 29 o nivel de participación sexa moi importante.

Dende a CIG pretendemos acadar niveis de mobilización similares á folga xeral de 2002, na que houbo unha grande participación, cando menos aquí en Galiza. Con esa perspectiva traballamos e, a pesar das dificultades, somos optimistas a respecto de que a xente comprenderá a importancia do momento no que estamos e da necesidade de achegar unha resposta realmente mobilizadora.

Unha das dificultades das que falabas pode ser a idea xeneralizada de estarmos nun período transitorio, ao remate do que poderemos reverter todas as medidas regresivas adoptadas.

A idea que pretende trasladar o goberno de que as medidas son conxunturais supoñen un tremendo engano. Non hai máis que botarlle un ollo aos comunicados que saca o FMI, as políticas que impón son as de recortes e precarización. E mesmo fala abertamente de aproveitar a conxuntura para acometer todas as reformas laborais precisas; é dicir, que se fan co ánimo de que perduren. Aquí estase cuestionando todo un modelo de relacións laborais, de protección social, de dereitos, que é o que se pretende tirar abaixo. O que a clase traballadora ten que ter moi claro, é que se o conseguen, recuperar os dereitos perdidos vai custar moito esforzo e moitos anos. É unha loita de poder entre o capital e a clase traballadora pór impor un modelo económico e produtivo favorábel a uns intereses ou a outros.

Esta mesma semana, o presidente do goberno estatal saía na prensa augurándolle unha vida de dez anos como máximo ao actual sistema de pensións, de non acometerse reformas inmediatas.

Lévase moitos anos predicando que o sistema público de pensións vai ir á quebra, iso non é ningunha novidade. Normalmente quen fai eses “sisudos” estudos é xente moi ben pagada polo capital financeiro, non son profesionais neutrais nas súas avaliacións. As súas análises sempre parten da base de que segundo pasen os anos, en función da evolución demográfica, haberá máis pasivos con respecto aos activos, rompendo o equilibrio do sistema público de pensións, na medida en que se van incrementar os gastos, pero non os ingresos. Estes expertos só avalían o incremento dos gastos, pero non se paran a estudar a vía dos ingresos, polo tanto só propoñen medidas para dificultar o acceso ás pensións e reducir a contía das mesmas. Mais hai outras alternativas, como incrementar os ingresos, pero para iso necesítanse facer políticas económicas alternativas que xeren emprego, rematen coa a economía somerxida, persigan a fraude fiscal, creen emprego de calidade... Mesmo subir os salarios suporía máis ingresos para a Seguridade Social a través das cotizacións.

A pesar dos augurios de quebra, estamos no 2010 e a Seguridade Social presenta un superávit de máis de 60.000 millóns de euros. Son informacións interesadas destinadas a que as persoas con maior capacidade de aforro o destinen a sistemas privados de pensións e a engordarlle os beneficios á banca e ao capital financeiro que controla eses fondos. O único que pode pór en perigo o actual sistema público de pensións son estas políticas e este modelo neoliberal, se se fan outro tipo de políticas o sistema está garantido.

Que diferenzas existen a nivel económico, político e social con respecto á convocatoria de folga xeral de 2002?

No ano 2002 non estabamos nunha situación de crise económica; é evidente que esa é unha diferenza importante. Dende o punto de vista político, non existe o nivel de crispación que había naquel momento co goberno do PP; un goberno que actuaba dende a súa maioría absoluta cunha enorme autoritarismo. Creo que esta situación, ante a proposta das reformas que se pretendía facer, sumouse ao descontento existente e facilitou aquela resposta tan importante que houbo.

Agora a situación é bastante distinta. Estamos nunha situación de crise, cunha elevada taxa de desemprego e o goberno actual, aínda que ultimamente está facendo moitos méritos, non xera percepción social negativa tan ampla. Aínda así, non é nada novo que a socialdemocracia , o PSOE, sexa a que lle faga o traballo sucio á dereita: as reformas do mercado do traballo ou as reconversións máis duras dos sectores industriais chegaron da súa man. E agora ocorre o mesmo, con absoluto descaro, e tarde ou cedo, a cidadanía rematará respondendo adecuadamente.

E no caso da CIG? Que cambios se operaron no seu papel mobilizador dende entón?

Dende o 2002 incrementamos de forma importante a nosa representación en canto a delegados e delegadas e número de afiliados/as. Agora a presenza da central sindical é maior e xa entón xogamos un papel moi importante na folga xeral. Compre lembrar que as mobilizacións que contaron cunha maior participación naquel ano foron precisamente en Galiza e iso ten que ver co tipo de sindicalismo que fai a CIG. Agardamos que na folga do 29 de setembro se rexistre unha elevada participación e estamos convencidos que unha parte moi importante desa participación a imos canalizar a través das manifestacións convocadas pola CIG.

Hai unha aceptación bastante xeneralizada a respecto de que as propostas e actitudes da CIG son máis coherentes que as que poden ter CCOO e UGT. Iso danos un “plus” que nos ten que levar a ser optimistas á hora de garantir unha boa participación nas nosas mobilizacións.

En Grecia ou Francia xa se desenvolveron varias xornadas de folga xeral, pero no estado español, en cambio, a convocatoria atrasouse até finais de setembro, e ademais, as centrais sindicais fixérona coincidir coa xornada de mobilizacións prevista a nivel europeo, provocando a sensación de que a folga chega tarde e non servirá para cambiar nada.

Este atraso ten a ver coa conduta das centrais sindicais estatais. De feito xa houbo respostas en nacións do estado que contan cun peso importante do sindicalismo nacionalista e poden apostar por realizar unha mobilización de certa entidade. Como é o caso de Euskadi, alí xa levan dúas folgas xerais. A CIG mesmo estivo valorando esa posibilidade, pero chagamos a conclusión de que nós sós, aquí en Galiza, iamos ter demasiados elementos en contra para conseguir que a convocatoria de folga xeral tivese entidade suficiente para poder ser efectiva.

Se no estado non se deu resposta antes é porque o papel de CCOO e UGT foi o da desmobilización, de vender fume a través das mesas de diálogo social. Xogaron un papel de compadreo e colaboración coa patronal e fundamentalmente co goberno, e incluso a convocatoria do día 29 ten a ver con esta estratexia. Púidose facer a folga xeral no mes de xuño, antes de aprobarse a reforma laboral no Congreso, pero intencionadamente atrasaron a convocatoria a setembro, coincidindo con outras mobilizacións a nivel europeo, para transmitir á opinión pública a idea de que o goberno español, o PSOE, non é o culpábel directo destas medidas, senón que forma parte de políticas adoptadas no seo da UE.

A dereita está nun momento feliz. Os intereses económicos que defende están protexidos e poden saír reforzados se continúa afondándose nestas políticas neoliberais. E ademais, non sofren o desgaste que ten o PSOE ao aplicar estes ataques aos traballadores e traballadoras. Se a maiores conseguen desprestixiarnos ás centrais sindicais e debilitarnos, sáelles a crise redonda. Creo que esta situación merece unha resposta moi distinta á que se está a dar dende o campo do sindicalismo español. Se tivesen o valor de ofrecer unha resposta a tempo, a felicidade da dereita non sería tanta e os traballadores e traballadoras estariamos máis optimistas de cara ao futuro.

E se o día 29 os traballadores e as traballadoras non nos mobilizamos masivamente, que futuro nos agarda como clase?

Agárdanos un panorama moi complicado, porque se realmente non hai unha resposta adecuada o día 29, a idea que se vai transmitir ao goberno é que a xente asume este tipo de políticas como necesarias ou, cando menos, que non está disposta a responder diante das mesmas. Isto suporá que automaticamente os anuncios que o goberno está facendo de reformas das pensións, das prestacións por desemprego e da negociación colectiva, levaranas a cabo no menor prazo de tempo posíbel. Polo tanto xeraríanse unhas circunstancias moi desfavorábeis.

O que tampouco vai levar á CIG a retirarnos da batalla. Teríamos un escenario máis difícil pero temos que continuar facendo este traballo de concienciación e debate ideolóxico que levamos desenvolvendo dende sempre, especialmente dende o inicio da crise. Convencidos ademais de que probabelmente a folga xeral do 29 non vai ser totalmente determinante, no sentido de que vai mudar absolutamente todas as políticas que pretenden levar adiante. Imos ter que seguir con mobilizacións e, se cadra, convocar unha nova folga xeral. Está claro que o capital financeiro, a través do FMI, é quen marca as políticas laborais e económicas aos gobernos e continuará tentado aproveitar calquera signo de debilidade da clase traballadora para profundar máis no seu modelo de capitalismo neoliberal. Hai que agardar que a folga xeral sexa un éxito, pero hai que continuar coas mobilizacións despois do 29, porque a situación realmente así o require.

Voceiro setembro 2010

2010-09-15T13:15:00.001+02:00

Resolución aclaratória 2º ERE

2010-09-14T12:59:00.000+02:00

Alegacions 2º ERE

2010-09-14T12:55:00.001+02:00

Material da Folga Xeral

2010-09-14T12:49:00.005+02:00

Cartaz Folga Xeral

Triptico Folga Xeral

Boletin Sindical numero 15

Analise da Reforma e alternativas da CIG

Entrevista a Suso Seixo

Multimedia

1ª Resolución do ERE

2010-09-14T12:49:00.001+02:00

Triptico editado pola CIG sobre a Folga Xeral

2010-09-13T13:03:00.001+02:00

Contra a Reforma Laboral

2010-09-13T12:57:00.005+02:00

Evolución das reformas laborais no Estado español

2010-09-13T12:56:00.005+02:00

Alfageme en Loita

2010-07-23T09:33:00.000+02:00

Resolución do ERE por parte da Xefatura provincial de Traballo e Benestar

2010-07-21T23:53:00.003+02:00

Resolución do ERE na que como vedes saiu aprobado, perante esta semana estarase a mirar cos asesores xurídicos e na próxima haberá unha Asemblea Xeral de traballadores onde se dará toda a información que recopilemos nestes dias, xa que foi solicitado a Xefatura Provincial de Traballo e Benestar o expediente completo para as alegacions que foran pertinentes.
Na Asemblea se valorarán todas as posibilidades así como as accións a tomar.

RESOLUCIÓN

O Comité de EMESA denuncia a subcontratación de traballos que se viñan realizando no taller de Coirós

2010-07-19T10:36:00.001+02:00

A sección sindical da CIG na empresa advirte da gravidade destes feitos ao atoparse o persoal ás portas dun segundo ERE

Continuar a ler en Avantar

A nota de prensa da CIG en

O Xornal

ABC

finanzas.com

O Comité de Empresa denuncia a subcontratación de traballos

2010-07-16T08:43:00.008+02:00

O Comité de Empresa de EMESA denunciou onte a subcontratación de traballos da obra de ampliación do aeroporto de Lavacolla.

Despois de dita denuncia os delegados da CIG do Comité de Empresa puideron contrastar que un xefe de taller de EMESA visitou a empresa na que foron subcontratados os traballos para ver a súa evolución.

EMESA está a pasar un ERE temporal que afecta a todos os traballadores da mesma, este ERE remata o dia 22 de xullo, pero a Dirección da empresa presentou dias atrás outro ERE temporal que afectaría a toda a plantilla por outros oito meses, tendo a dia de hoxe o taller con unha actividade mínima que pasa porque están a traballar so unha cuarta parte dos traballadores de taller.

Con este panorama a Dirección da empresa ten a desvergonza de subcontratar traballos a empresas externas tendo a súa plantilla no paro.

O Comité de Empresa esixiulle a Dirección que ditos traballos sexan feitos na empresa e que se incorporen a factoría de Coirós os operarios precisos para o desenvolvemento dos mesmos.

Dita denuncia foi feita o responsábel de RRHH así como o de Produción e foi posta en coñecemento do Xefe Territorial da Consellería de Traballo e Benestar, que actualmente está a estudar a proposta da empresa de ese segundo ERE que lle afectaría a todos os traballadores de EMESA para que tome as accións pertinentes para que dita situación non se dea.

E de salientar que dita situación se da despois de que os traballadores de EMESA en Asemblea se negaran a aceptar as propostas da empresa de cara a este segundo ERE e nas que non se lles querían garantir unhas rotacións equitativas que solventaran a discriminación que sufriron perante o primeiro ERE no que algúns traballadores traballaron mais de 200 dias cando outros non chegaron a traballar mais de 14 dias, situación que se da o entender dos traballadores para afogar a moitos dos mesmos rematándolles a prestación por desemprego.

Xefe Territoria Traballo - Comunicado Subcontratacions

A asemblea de traballadores/as e o Comité de Emesa rexeitan o novo ERE proposto pola empresa

2010-07-13T09:38:00.003+02:00

O cadro de persoal denuncia as presións e ameazas por parte da dirección para conseguir un acordo

Extraido de AVANTAR

ACTA 6ª e Final do periodo de consultas ERE 2010

2010-07-13T09:27:00.001+02:00

Acta 6ª - 2º ERE

ACTA 5ª do periodo de consultas ERE 2010

2010-07-13T09:24:00.001+02:00

Acta 5ª - 2º ERE

ACTA 4ª do periodo de consultas ERE 2010

2010-07-13T09:23:00.000+02:00

Acta 4ª - 2º ERE

2010-07-12T14:59:00.002+02:00

Asemblea Xeral de Traballadores

Martes 13 de xullo as 11:00h

Comedor de EMESA

Acta do Comité de Empresa 12/07/2010

2010-07-12T14:58:00.003+02:00

Acta Comité Empresa 12 de xullo 2010

Os traballadores/as do Grupo Antolín Vigo rexeitan o preacordo entre CCOO e UGT e a empresa

2010-07-07T10:19:00.001+02:00

Os traballadores e traballadoras do Grupo Antolín Vigo rexeitaron en asemblea o preacordo negociado por UGT, CCOO e a dirección da empresa auxiliar da automoción con sede no Parque Tecnolóxico de Valadares. Dende a CIG critican que a compañía non volveu poñerse en contacto co comité de empresa para seguir negociando o convenio colectivo e anuncian que promoverán unha reunión para abordar a convocatoria de mobilizacións para forzar unha nova xuntanza.

Os empregados/as botaron abaixo a proposta dos sindicatos españois e a propiedade da compañía por unha ampla maioría: dos 95 votos emitidos, 69 foron en contra e só 26 a favor. O punto que maior oposición provocou entre os traballadores foi o que establece a duración do convenio até o ano 2013. Dende a CIG sinalan que ademais de “excesiva” esta duración trae aparellado “un incremento insignificante das primas”.

Con respecto a cuestións como as axudas escolares, licenzas e seguro colectivo, explican que xa existía un preacordo até 2010, “polo que se se pretende ampliar a duración do convenio hai que actualizar tamén estes conceptos”. Indican que neste ano pasaron pola empresa tres responsábeis de recursos humanos distintos e que o último decidiu revisar acordos acadados durante a folga do Metal pontevedrés en maio do ano pasado. Entre eles, a redución da xornada laboral e o incremento dos salarios, “polo que non ten moito sentido que o intenten vender agora como unha conquista”. Neste senso, rexeitan tamén que se queira ampliar a duración do convenio mantendo os incrementos de maio.

Diante disto, adiantan que promoverán a convocatoria dunha asemblea para fixar un posíbel calendario de mobilizacións. Durante as últimas semanas, un grupo de traballadores realizou concentracións diarias ás portas da compañía para reclamar a firma dun convenio xusto.

Extraido de AVANTAR

Acta 3ª Negociación ERE

2010-07-07T10:10:00.001+02:00

ACTA 3ª ERE

Plataforma de Negociación ERE

2010-07-06T11:39:00.000+02:00

Plataforma de Negociación

Acta 2ª Negociación ERE

2010-07-06T11:36:00.002+02:00

Acta 2 negociación ERE

Arredor de 1.200 delegados/as da CIG conclúen que a reforma laboral e as outras previstas só se poden frear coa mobilización

2010-07-02T09:51:00.001+02:00

Fixose un percorrido polas sucesivas reformas laborais e as súas consecuencias e acordouse reproducir os debates en todos e cada un dos centros de traballo

Delegados e delegadas da CIG analizaron, na asemblea nacional convocada pola central sindical este xoves en Compostela, as consecuencias desta reforma laboral, o retroceso nos dereitos da clase traballadora que se foron introducindo coas sucesivas reformas, desde 1980, e as medidas a adoptar para frear os ataques do neoliberalismo. A asemblea acordou reproducir estes debates en todas as empresas e centros de traballo, que a folga xeral e a mobilización é a única ferramenta que ten a clase traballadora para presionar e obrigar ao goberno á retirada desta e das outras reformas previstas –das pensións, da negociación colectiva...- e que a CIG, como proxecto sindical diferenciado, debe convocar as mobilizacións, o 29 de setembro, por separado de CCOO e UGT.

Na súa intervención, o secretario xeral da CIG, Suso Seixo, incidiu nas graves consecuencias que terá a reforma laboral e a importancia da convocatoria da folga xeral. Porén, explicou que a CIG xa propuxo a CCOO e UGT a súa convocatoria, cando se anunciaron as medidas que logo o goberno impuxo para reducir o gasto público, como a redución dos salarios dos traballadores e traballadoras da área pública, a conxelación das pensións para o ano 2011, a redución do gasto social e produtivo. Proposta que, dixo, estas organizacións sindicais rexeitaron limitando a convocatoria á área pública, malia transcender este ámbito.

Neste sentido, salientou que a pesar de CCOO e UGT non ter mobilizado ás súas bases, a CIG si fixo unha campaña para chamar a participar na folga no sector público, informando nos centros de traballo e convocando asembleas o que permitiu que fora precisamente en Galiza onde máis repercusión tivo esa folga, da que recoñeceu que “foi en xeral, moi cativeira”.

Continuar a ler a nova en AVANTAR

Eduardo Caamaño convértese no novo Secretario Comarcal da CIG-Metal de A Coruña

2010-07-02T09:45:00.003+02:00

A V Asemblea Comarcal da CIG-Metal de A Coruña elixiu o pasado sábado 26 de xuño a Eduardo Caamaño como novo secretario. A candidatura encabezada por Caamaño foi a única presentada e conseguiu o respaldo unánime dos delegados/as tanto na votación para a Secretaría como na elección dos membros da Executiva Comarcal e dos representant

es da comarca no Consello Confederal e na Dirección Comarcal.

Así, a nova Executiva comarcal da CIG-Metal de A Coruña queda composta polas seguintes persoas:

-Eduardo Caamaño Lestón

-Francisco Xavier Rioboo Núñez

-Alfredo Bocija Serantes

-Xosé Manuel Rei Meirama

-Germán Regueira Lista

-Aurelio Bello Rodríguez

-Juan M. García Martínez

Caamaño vén tomar o relevo ao compañeiro Alfredo Bocija, quen durante os últimos 12 anos estivo á fronte da Federación na comarca de A Coruña. Non obstante, Bocija abandonou a Secretaría en cumprimento dos estatutos da CIG que limitan a per

manencia no cargo a un máximo de tres mandatos. A nova Executiva agradeceu o traballo desenvolvido por Bocija durante todo este tempo, no que a CIG-Metal en A Coruña experimentou un medre considerábel no número de afiliados/as e delegados/as.

Durante a súa intervención, Caamaño destacou que “esta é unha Executiva de continuidade” que vai proseguir na liña de traballo iniciada hai catro anos, que ten levado á central a acadar case o 30% da representación sindical, incrementando a mesma 7 puntos porcentuais dende 2006.

O novo secretario comarcal do Metal realizou un chamamen

to aos delegados/as presentes na Asemblea á participar nos procesos electorais (a partir de xaneiro iniciarase o período concentrado de eleccións sindicais) co obxectivo de converter a CIG-Metal na primeira forza sindical da comarca.

Así mesmo, Eduardo Caamaño animou aos asistentes a participar na asemblea nacional de delegados/as que a Confederación ten convocada o vindeiro 1 de xullo,

dentro do calendario de mobilizacións previas á

folga xeral que a CIG está a desenvolver.

Nota de Prensa do Comité de Empresa do 30 - 6 - 2010

2010-06-30T15:49:00.000+02:00

Nota Prensa Comité 30-6-10

Voceiro de Xullo de 2010

2010-06-29T15:06:00.000+02:00

voceiro xullo