O numero de traballadores afiliados a CIG en EMESA medra dia a dia

Os afiliados a CIG en EMESA califican como "moi satisfactoria" a cantidade de traballadores que se está a afiliar o noso sindicato en EMESA.

"no ultimo mes case que se chegou a un traballador por dia que se achega a nos para afiliarse, esto como e evidente nos fai ter moitas esperanzas de cara o futuro, tanto no numero de afiliados como, na mais que posible entrada no Comité de Empresa".

"Pese a todo seguiremos a traballar arreo para medrar en afiliacións como na implicación dos afiliados para adefensa dos dereitos dos traballadores de esta factoria, o noso principio de traballo pasa pola información os traballadores asi como o respeto as decisións que os mesmos tomen de cara a negociación do próximo convenio"

"Sempre estaremos abertos a escoitar a todos os traballadores nos problemas ou dubidas que teñan no eido laboral, como tamén a dialogar coa dirección da empresa para mellorar as condicións tanto laborais como económicas dos traballadores na mesma, o noso criterio de traballo coa dirección da empresa estará baseado no dialogo e o respeto mutuo, con ese criterio poderemos acadar melloras sustacias tanto para os traballadores como para EMESA."

A CIG esixe responsabilidades pola morte do traballador de Megasa

A CIG esixe que se depuren responsabilidades pola morte do traballador de Megasa no accidente laboral ocorrido o 12 de agosto nesta metalúrxica naronesa. O sindicato nacionalista vaise presentar como parte no caso e denuncia a versión defendida polo comité de empresa, conformado por UGT e CC OO, que atribúe o sinistro a un «erro humano» e que sinala que se cumpriron «ao 100%» as medidas de prevención de riscos laborais.

A CIG ten coñecemento a través dos seus afiliados en Megasa do incumprimento das normas de prevención nesta factoría. A carretilla que atropelou mortalmente o operario carecía de espellos retrovisores externos. Ademais, o sinal acústico que advirte da manobra de marcha atrás era moi feble, polo que resulta practicamente imposíbel ouvilo tendo en conta os niveis tan altos de ruído que se rexistran na fábrica. Así o explicou en roda de prensa Ramón Afonzo, responsábel de Saúde Laboral da CIG-Metal.

A depuradora da factoría é incapaz de absorber todos os gases tóxicos debido ao seu funcionamento deficiente. Á parte da contaminación do ambiente, os operarios teñen que aturar a diario temperaturas moi elevadas. Non existe unha delimitación axeitada entre os espazos de traballo e os de lecer e descanso. Para ir desde a zona dos vestiarios até o comedor, os traballadores deben cruzar un corredor no que as carretillas circulan a grande velocidade. Hai once anos outro traballador morrera esmagado por un destes vehículos.

Os obreiros están sometidos a moita presión para poder cumprir coas altas cotas de produción que marca a empresa, o que se traduce nun ritmo de traballo frenético. No caso de presentar calquera tipo de reclamación en materia de seguridade, os empregados das auxiliares son ameazados directamente co despedimento e, os da principal, coa deslocalización da factoría.

Alfonso Tellado, director do Gabinete Técnico de Saúde Laboral da CIG, anunciou que o sindicato se vai presentar como parte no proceso e que porá a disposición da familia do obreiro finado todos os medios ao seu alcance. A CIG fará un seguimento exhaustivo do protocolo activado tralo accidente pola Inspección de Traballo e a Fiscalía.

O secretario comarcal de Ferrol, Xesús Anxo López Pintos, reiterou a esixencia de depuración de responsabilidades pola morte do traballador. Pintos recoñeceu a riqueza que crea a empresa na bisbarra mais de seguido engadiu que a CIG «non vai tolerar a perda de vidas pola chantaxe de que Megasa poda marchar de aquí». «Nós antepoñemos a vida das persoas aos intereses económicos», sentenzou o secretario comarcal.

Duro golpe contra a precariedade no sector Naval que pasa a ter un 54,8% de traballadores fixos

A actual porcentaxe de contratación é de 54,8%, cando só 7 meses atrás a porcentaxe era inferior ao 20%. No último mes fixéronse un total de 1.300 contratos indefinidos. O censo total rexistrado nas 215 empresas é de 5.170 traballadores, dos que case 2.900 está xa con contrato indefinido.

O 27 de xuño remataba o prazo para que as empresas auxiliares do Naval certificaran o cumprimento da porcentaxe de fixos regulada no Convenio. O resultado é que das 215 empresas, 207 cumpren o convenio e case 2.900 traballadores pasaron a ter un contrato indefinido.

207 empresas auxiliares do Naval aplicaron a porcentaxe de contratación indefinida, que estaba fixada como mínimo no 45%. As oito empresas auxiliares restantes non entregaron os datos nin contestaron, polo que non actualizaron a porcentaxe necesaria de persoal.

Na Comisión de Seguimento deste venres promoverase a rescisión da actividade destas empresas nos estaleiros e a imposibilidade, que se fixou no acordo que puxo fin á folga do Naval de 18 días, de continuar a traballar no sector.


Hai 7 meses a porcentaxe de indefinidos era inferior ao 20%.
A actual porcentaxe de contratación é de 54,8%, cando só 7 meses atrás a porcentaxe era inferior ao 20%. No último mes fixéronse un total de 1.300 contratos indefinidos.
O censo total rexistrado nas 215 empresas é de 5.170 traballadores, dos que case 2.900 está xa con contrato indefinido.

Valoración da CIG

A CIG valora positivamente o resultado do acordo, recollido como consecuencia do conflito do Naval, xa que con este cambio na contratación “se lle está a dar un duro golpe á precariedade”.

Amianto, ¡perigo!, A saúde non se vende ni se delega

Hai máis de corenta anos que se coñecen os efectos nocivos do amianto e nembargantes os traballadores estiveron contaminándose ano tras ano, día tras día, sen que as distintas Administracións fixeran nada por evitalo.

Este producto, milagre polos beneficios económicos que comporta, provoca milleiros de mortos no mundo. Malia que en Europa está xa prohibido na súa totalidade e que varios gobernos están xa desmontando o amianto instalado, o Estado español ten que escoitar a voz do conxunto da poboación exposta e que ten que facer o que outros gobernos: PROHIBILO e SUBSTITUÍLO.

Mentres, os traballadores/as e os pequenos empresarios, temos, teñen, que coñecer en que condicións se pode traballar, e que dereitos sobre a vixiancia da saúde se teñen que cumprir.

A SAÚDE non se vende ni se delega, polo que faise imprescindible a participación de todos os traballadores/as, e os seus representantes, desde o mesmo posto de traballo.

Coñecer o AMIANTO é a mellor maneira de vencelo (mais...)

Tempo Sindical - abril 2007

Preme enriba da imaxe para acceder o voceiro da CIG en formato PDF